Mbsak 14:14 - Hdi

¹⁴ dzaʼa mnay həŋ ŋa mnduha ma na haɗik na. Tsaw nda ghada snaŋta hahəŋ kazlay kagha Yawe ná, mataba na mnduha na ka kəʼa. Kagha Yawe ta mara vgha da həŋ mbəŋ ya mbəŋ ya. Ta slada slada kusaya gha ta ghəŋa taŋ. Vərɗa kagha ta klanatá kəma ta həŋ gifitik ma sundula kusay, girviɗik guli ma sundula vu.

Mbsak 14:14 ပူးပေါင်းရင်းမြစ်များ

Zlrafta 32:30

Ka Yakubu mantsa: « Kdəkkdək mniha mna, wa hga gha na? » kaʼa. « Kabgawu ta ɗawa ka ta hga ɗa na? » kaʼa. Ka tfanaghatá tsi ta wi ta Yakubu hada.

Nəhemiya 9:12

Nda kusay sundul klafta ka ta mnduha gha gifitik, nda vu sundul klafta ka ta həŋ girviɗik, ŋa tsuwaɗakanatá tvi ta həŋ ta mbaɗ həŋ ta mbaɗa.

Nəhemiya 9:19

ama kabga fərta ta hiɗahiɗa gha, zlanava a ka ta həŋ ma mtak wu, laghu a kusay sundul ta kla həŋ ta tvi gifitik, nda vu sundul ta kla həŋ ka tsuwaɗakanatá vli ta həŋ ta mbaɗ həŋ ta mbaɗa ta tvi girviɗik wa.

Sabi 15:14

Ka snaŋtá sanlaha ma mndəra mnduha, ka ghudzaku həŋ ta ghudzaku, ka ksutá zləŋ ta la Filisti.

Sabi 33:11

Mantsa tama, ka gwaɗ Yawe ta gwaɗa nda Musa kuma nda kuma manda ya ta gwaɗ mndu ta gwaɗa nda gra ni. Tahula tsa, ŋa vraghuta Musa da ghuɓu, ama slufa ni Yəhusuwa ka galaɓay, zwaŋa Nuŋ ya haɗ ta zlaŋta nzatá ma tsa tumpul ya wa.

Sabi 33:16

Ka si la a vərɗa htsiŋa kagha mista ŋni wu, ta wu dzaʼa grafta lu kazlay zɗəgagha zɗa mnduha gha, nda iʼi tani kəʼa na? Mbaɗay gha ta mbaɗa kawadaga nda aŋni, dzaʼa klə ŋni ka nzakway tsəkəm nda hamata inda sanlaha ma mnduha ta haɗik, » kaʼa.

Sabi 40:38

Gifitik ya ná, ta tsa həga tumpul ya ta nzata tsa kusaya Yawe ya. Girviɗik ya guli ná, ka vu nzakwa ni mida, ta nghə inda la Israʼila ta kəma taŋ ma inda mbaɗa taŋ.

Mbsak 10:34

Ta bukwam bukwa kusaya Yawe ta həŋ gifitik, ma fitik ta sliʼafta həŋ ma ghuɓu.

Mbsak 12:8

Kuma nda kuma ta gwaɗa yu ta gwaɗa nda tsi, baŋluwa, ŋa uwalay nda uwala a wu, nda ngha ta tsatá Yawe. Waká kuni kuratá raza kwalva ɗa Musa na? » kaʼa.

Yuhwana 1:18

Haɗ mndu ta kəɗ walaŋtá nghaŋtá Lazglafta wa. Tsa zwaŋ turtuktuk ya ta nzakway ka Lazglafta, ta nzaku ma ghuva Da ya, tsatsi ta mnaŋtá nzakwa Lazglafta.

Yuhwana 14:9

Ka Yesu nda tsi mantsa: « Nda kɗa fitika ɗa kawadaga nda kaghuni Filip ná, ta sna a ka ta iʼi ra? Ka nda ngha mndu ta iʼi ná, nda ngha ta Da. Waká ka dzaʼa mnay kazlay: Maraŋna mara ta Da kəʼa na?

1Kwa 13:12

Ndanana ná, manda ngha vli ma dalagar zwətzwət ya ta ngha mu, ta kəma dazlay, mbəŋ ya mbəŋ ya dzaʼa nghaŋta mu. Ndanana ná, kiʼa kiʼa snaŋta yu ta skwi, ta kəma dazlay, dzaʼa nda sna yu ta inda skwi nekwnekw manda snaŋta Lazglafta ta iʼi ya.

Vrafta ta zlahu 1:19

« Tahula tsaya, ka sliʼaftá mu ma Hwarev, ka sab nda ma tsa mghama mtak nghaŋ kuni ta ga makwitkwit ya, ma ksafta mu ta tvi təv ghwáha la Amuru manda va ya mnamaf Yawe, Lazglafta mu. Ka ɓhadaghatá mu da Kadesbarnegha.

Vrafta ta zlahu 34:10

Tahula tsa, haɗ sana anabi ta nzəglata manda Musa ma Israʼila ya snaŋ Yawe kuma nda kuma wa.

Vrafta ta zlahu 5:24

Ka kuni mantsa: “Maraŋnaŋ mara Yawe, Lazglafta mu ta sgita ni, nda glakwa ni. Snaŋ sna ŋni guli ta lwa ni ta sabi ma takataka vu, nda ngha ŋni gita kazlay, ta gwaɗgana gwaɗa Lazglafta ta mnda səla ka nzata ni nda hafu kəʼa.

Vrafta ta zlahu 5:4

Ka gwaɗgamatá Yawe kuma nda kuma ma takataka vu ta ghwá.

Yəhusuwa 5:1

Ka snaŋtá inda mghamha la Amuru ta sana ɓla Yardeŋ nda təv dɗakwa fitik, nda inda mghamha la Kanʼana ta wa drəf Dagala kazlay ghwaliŋ ghwala Yawe ta ima Yardeŋ ŋa mutsafta la Israʼila ta tsughwaɗapta kəʼa, tsaya tama, bur ŋuɗufa taŋ, rabadakw vgha taŋ ŋa ŋaŋta da la Israʼila.

1 Yuhwana 3:2

Zwana ma ɗa, daga ndanana zwana Lazglafta amu. Nziya nza tsi, tsa nzaku ká mu dzaʼa nzakway ta kəma ya ná, ta ma ɗifa karaku. Tsaw nda sna amu kazlay: Baɗu vragata dzaʼa vragata Kristi ná, dzaʼa nzakway amu manda tsatsi kəʼa, kabga dzaʼa nda ngha mu ta nzakwa ni.