Mbsak 13:29 - Hdi

²⁹ Ma kwakwara Negev nzata la Ghamalek. Ta ghwá nza nzata la Het, nda la Yəbus, nda la Amuru. Ndusa nda wa drəf dagala, nda laghwa vli ta wa Yardeŋ nza nzata la Kanʼana, » ka həŋ.

Mbsak 13:29 ပူးပေါင်းရင်းမြစ်များ

Zlrafta 14:7

Tahula tsa, ka mbəɗagaghatá həŋ ta vgha nda ma Gheŋʼmispat ta hgə lu ka Kades, ka zatá həŋ ta herhera la Ghamalek. Ka zatá həŋ guli ta la Amuru ta nzaku ma haɗika Hatsuŋʼtamar ya.

Nəhemiya 9:8

Ka nghanatá ka ta ŋuɗufa ni ka vərɗa ni ta wa ira gha, ka dzraftá ka ta wi nda tsi, ka tanaftá ka imi ta sləməŋ ŋa vlaŋtá zivirha ni ta haɗika la Kanʼana, nda la Het, nda la Amuru, nda la Periz, nda la Yəbus, nda la Girgas. Hɗanam hɗa ka ta tsa gwaɗaha gha ya, kabga tɗukwa ka.

Sabi 3:17

Mantsa ya tama, dzaʼa hlap hla yu ta kaghuni ma na Masar ta sə kuni ta duni na, ka hlaghatá kaghuni ta haɗika la Kanʼana, nda la Het nda la Amuru, nda la Periz, nda la Hiv nda la Yəbus. Ta tsa haɗik ya ná, ta mbəzaku uʼa nda zuɗum mida.”

Sabi 3:8

Tsaya tama kəl yu ka saha da zluʼagaptá həŋ ma dzva la Masar. Dzaʼa hlaf hla yu ta həŋ ma Masar, ŋa hlaghata ɗa ta həŋ ta sana haɗik ká ka nda ɗinakwa ni, dagala guli, ta mbəzaku uʼa nda zuɗum mida. Tsa vli ya ná, haɗika la Kanʼana, nda la Het, nda la Amuru, nda la Periz, nda la Hiv, nda ya nda la Yəbus ya.

Mbsak 13:17

Ka ghunaftá Musa ta həŋ ŋa vitsaptá haɗika Kanʼana, kaʼa nda həŋ mantsa: « Ka laba kuni nda ma Negev, ka ŋladafta kuni ta ghwá.

Mbsak 13:30

Ka lɓanatá Kalep ta mnduha ta kəma Musa: « Mbaɗma! Dzaʼa za za mu ta tsa haɗik ya, kabga dzaʼa ghuɓasap ghuɓasa mu ta tsa haɗik ya, » kaʼa.

Mbsak 14:25

Ndanana ná, wa a la Ghamalek nda la Kanʼana ta nzaku ma didiŋa. Mahtsim, ka mbəɗa kuni ta vgha, ŋa ksa tvi nda ma mtak, təv drəfa Zaŋwafi, » kaʼa.

Mbsak 14:43

Wya la Ghamalek nda la Kanʼana hada ta kəma ghuni, dzaʼa rwu rwa kuni da kafayha taŋ. Dabga zlanavata ghuni ta dzaʼa mista Yawe, haɗ dzaʼazlay kawadaga nda kaghuni wu, » kaʼa.

Mbsak 14:45

Ka saha tsa la Ghamalek nda la Kanʼana ta nzaku ta tsa ghwá ya, ka dzaptá həŋ, ka ghəzlaghatá həŋ dikw da Hurma.

Mbsak 24:20

Ka nghaŋtá Bilgham ta la Ghamalek ka tsaftá tsi ta laha ni, kaʼa mantsa: « Ghamalek ná, si naha mndəra mnduha ya, ama kɗavakta ni, ka kufik dzaʼa nzakwa tsi, » kaʼa.

Vrafta ta zlahu 20:17

Ka zaɗanata kuni tuzluzl ta la Het, nda la Amuru, nda la Kanʼana, nda la Periz, nda la Hiv, nda la Yəbus manda ya mnaf Yawe, Lazglafta ghuni,

Vrafta ta zlahu 7:1

« Dzaʼa hladaghunam hla Yawe, Lazglafta ghuni da tsa haɗik ya dzaʼa nzakway ka ŋa ghuni ya. Dzaʼa ghəzliŋ ghəzla ta kəma ghuni ta la Het, nda la Girgas, nda la Amuru, nda la Kanʼana, nda la Periz, nda la Hiv, nda la Yəbus, tsa mndəra mnduha ndəfáŋ ta ndəghuta malaghu mbrakwa taŋ ka ŋa ghuni ya.

Yəhusuwa 10:5

Hutaf mghamha la Amuru: I mghama Ursalima, nda mghama Hevruŋ, nda mghama Yarmut, nda mghama Lahis, nda mghama Ghegluŋ ta dzraftá wi, ka sliʼaftá huts nda inda gwal vula taŋ tani, ka tskadaghatá vgha, dɗanaghatá luwa Givghuŋ, ka vulu həŋ ta vulu nda tsi.

Yəhusuwa 10:6

Ka tsəghanaftá la Givghuŋ ta lwi ta Yəhusuwa ma ghuɓu ma Gilgal, ka həŋ nda tsi mantsa: « Yaha ka kwalaghuta kataŋtá kwalvaha gha, sawi misimmisim da hiŋnistá dzvu, ka mbaŋnafta ka! Wana gwaŋnagha gwa inda mghamha la Amuru ta ghwá ta vgha, » ka həŋ.

Yəhusuwa 3:10

Ka Yəhusuwa guli mantsa: « Dzaʼa graf gra kuni kazlay na mataba ghuni Lazglafta nda hafu mida kəʼa. Nda ya kazlay dzaʼa ghəzliŋ ghəzla ta kəma ghuni ta la Kanʼana, nda la Het, nda la Hiv, nda la Periz, nda la Girgas, nda la Amuru, nda ya nda la Yəbus kəʼa.

Yəhusuwa 5:1

Ka snaŋtá inda mghamha la Amuru ta sana ɓla Yardeŋ nda təv dɗakwa fitik, nda inda mghamha la Kanʼana ta wa drəf Dagala kazlay ghwaliŋ ghwala Yawe ta ima Yardeŋ ŋa mutsafta la Israʼila ta tsughwaɗapta kəʼa, tsaya tama, bur ŋuɗufa taŋ, rabadakw vgha taŋ ŋa ŋaŋta da la Israʼila.

Yəhusuwa 9:1

Snanaghatá tsa zaɗanata la Israʼila ta luwa Ghay ya, ta inda mghamha ma kwakwarha nda təv dɗakwa fitik ta nzatá lu ta wa zala Yardeŋ, nda kwakwarha ta ghwá nda kwakwarha ta kuɗuŋur, nda inda kwakwarha ta wa laghwa drəf dagala, ka laghu nda ma Ləvanuŋ, nda la Het, nda la Amuru, nda la Kanʼana, nda la Periz, nda la Hiv, nda la Yəbus ya,

Gwal tsa guma 3:5

Ka nzatá la Israʼila mataba la Kanʼana, nda la Het, nda la Amuru, nda la Periz, nda la Hiv, nda la Yəbus.

Gwal tsa guma 6:3

Inda sləgafta la Israʼila ta sləgu ya ná, lafa la Midyaŋ, nda la Ghamalek, nda gwal nda təv safa fitik da liŋtá həŋ nda vulu.

1Sam 14:48

Ka maraŋtá tsi ta mbrakwa ni, ka zatá tsi ta ghwa ta ghəŋa la Ghamalek, ka zluʼaptá tsi ta la Israʼila ma dzva gwal ta zləɗatá həŋ.

1Sam 27:8

Ta laf la Dawuda nda mnduha ni da zləɗatá la Gesur, nda la Gezer, nda la Ghamalek. Hahəŋ gwal ta tsa haɗik ya daga bamma, nda təv Sur dikw ta haɗika Masar.

1Sam 30:1

Ta ɓhadaghatá i Dawuda nda mnduha ni baɗ mahkəna fitik da Tsiklag ná, ghada ghada la Ghamalek ta zləɗatá nda vulu ta haɗika Negev, nda ya ma luwa Tsiklag. Ka badzanatá həŋ ta Tsiklag ka driŋta nda vu.

1Sam 7:14

Inda tsa luwaha si hlaghu la Filisti ya, ka varaganaghatá la Israʼila da dzva taŋ, daga ma Ghekruŋ dikw da Gat. Mantsa ya zluʼaghutá la Israʼila ta kwakwara taŋ da la Filisti. Ta ghəŋa tsa guli, ka nzatá zɗaku mataba i la Israʼila nda la Amuru.