Mbsak 13:2 - Hdi

² « Ghunaf ghuna ta zgwana ka dzaʼa həŋ da vitsaptá haɗika Kanʼana ta vlaŋta yu ta la Israʼila ya. Mndu turtuk ma mndəra mndu dzaʼa ghunafta kuni, dər wa ta mndəra taŋ. Dzaʼa hlapta mataba maliha la Israʼila kuni ta inda taŋ, » kaʼa.

Mbsak 13:2 ပူးပေါင်းရင်းမြစ်များ

Sabi 18:25

Ka zabaptá tsi ta mnduha nda sgit ta həŋ mataba la Israʼila demdem, ka fafanaghatá tsi ta həŋ ta ghəŋa mnduha: Maliha ta ghəŋa mnduha dəmbuʼ dəmbuʼ sanlaha, nda dərmək dərmək sanlaha, nda hutaf mbsak hutaf mbsak sanlaha, nda ghwaŋ ghwaŋ sanlaha.

Mbsak 1:4

Mamu ká tsi mataba ghuni na mndu turtuk turtuk ma inda mndəra mndu, mndu turtuk ta nzakway ka mala ga həga ŋa kataghunata ma mbəɗay.

Mbsak 11:16

Ka Yawe nda Musa mantsa: « Tskiha tska ta galata mnduha ndəfáŋ mbsak mataba la Israʼila, gwal graf ka kazlay na galata mnduha həŋ, mala mnduha həŋ kəʼa. Ka hladaghata ka ta həŋ da tumpula guyaku, ka sladata həŋ hada nda kagha.

Mbsak 13:16

Tsaha ya hga zgwana ghunagha Musa ta həŋ ŋa vitsaptá tsa haɗik ya. Ka tsanaftá Musa ta hgu ta Huseyagh zwaŋa Nuŋ ka Yəhusuwa.

Mbsak 13:3

Daga ta mtaka Paraŋ, ka ghunaftá Musa ta həŋ manda ya mnanaf Yawe. Inda tsa mnduha ya ná, maliha həŋ mataba la Israʼila.

Mbsak 32:8

Ɗina tsa skwi maga dzidzíha ghuni ma ghunaghata ɗa ta həŋ da Kadesbarnegha ŋa vitsanatá tsa haɗik ya ra?

Mbsak 34:18

Ka klafta kuni guli ta mali turtuk turtuk ma inda mndəra mndu ŋa daga tsa haɗika za həga ya.

Vrafta ta zlahu 1:15

Mantsa tama, ka hlaftá yu ta maliha ma inda mndəra ghuni, gwal nda ɗifil, gwal snaŋ lu ta həŋ, ka pghatá həŋ ka maliha ta ghəŋa mnduha dəmbuʼ dəmbuʼ sanlaha, nda dərmək dərmək sanlaha, nda hutaf mbsak hutaf mbsak sanlaha, nda ghwaŋ ghwaŋ sanlaha, ka gwal ta nghapta ma inda mndəra ghuni a tsi.

Vrafta ta zlahu 9:23

Ma fitika ghunaftá Yawe ta kaghuni ma Kadesbarnegha kazlay na: “Ŋlawa ŋla ka zatá kuni ta haɗik ya vlaghuna yu” kəʼa ya, ka gaftá kuni ta sidi nda gwaɗa ya mnaf Yawe, Lazglafta ghuni. Faf a kuni ta ghəŋa ghuni tida wu, sna a kuni ta gwaɗa ni wa.

Yəhusuwa 3:12

Ndana tama, hlafwa hla ta mnduha ghwaŋpəɗ his mataba mndəra la Israʼila. Mndu turtuk turtuk ma mndəra mndu.