Mbsak 12:2 - Hdi

² Ka həŋ mantsa: « Nda ma Musa yeya ta gwaɗata Yawe ta gwaɗa ra? Gwaɗa a nda ma uʼu guli ra? » ka həŋ. Ka snaŋtá Yawe.

Mbsak 12:2 ပူးပေါင်းရင်းမြစ်များ

Zlrafta 29:33

Ka zlghəglaftá tsi ta huɗi, ka yəglatá tsi ta zwaŋa zgun, kaʼa mantsa: « Snaŋ sna Yawe kazlay ɗvu a lu ta iʼi wu kəʼa, kəl tsi ka vləglihatá zwaŋa zgun, » kaʼa. Ka tsanaftá tsi ta hga ni ka Simghuŋ.

2Sam 11:27

Manda hlatá taw, ka ghunaftá Dawuda ta mndu da tsi ŋa klagaghuta da taŋ. Ka nzakw tsi ka markwa taŋ, ka yanatá tsi ta zwaŋa zgun. Ama zɗəgana a tsa skwi maga Dawuda ya ta Yawe wa.

2Mgh 19:4

Kawayaka skwi, nda sna Lazglafta gha ta inda tsa gwaɗaha slufa ghunak daŋahəga ni, mghama la Asur ŋa raza Lazglafta nda hafu mida ya. Kawayaka skwi, dzaʼa tsanagha tsa Yawe, Lazglafta gha ta guma ta tsa gwaɗaha snaŋ tsi ya. Maga ta duʼa ta ghəŋa gwal ta pɗata,” kaʼa, » ka həŋ.

Sabi 4:14

Mantsa tama, ka gufaftá ŋuɗufa Yawe ta ghəŋa Musa, kaʼa mantsa: « Zwaŋama gha a Haruna mnda la Levi ya ra? Nda sna yu nda sna tsatsi ta gwaɗa ɗina ɗina. Wya va ni ta sagha da kagha. Na gi nghaŋta ni ta kagha ná, dzaʼa rfay ta rfu ma ŋuɗufa ni.

Sabi 4:30

Ka rusanaftá Haruna ta həŋ ta inda gwaɗa mnanaf Yawe ta Musa. Magaŋha Musa guli ta ŋizlaha ta kəma la Israʼila.

Sabi 5:1

Tahula tsa, ka lagha i Musa nda Haruna da Firʼawna, ka həŋ mantsa: « Ka Yawe, Lazglafta la Israʼila na: “Zliŋ zla ta mnduha ɗa ka dzaʼa həŋ skalihatá skalu ma mtak,” » kaʼa.

Sabi 7:10

Ka sliʼaftá i Musa nda Haruna ka lagha slanaghatá Firʼawna, ka magatá həŋ ta skwi manda va ya mnanaf Yawe ta həŋ. Ka vzadatá Haruna ta dafa ni ta kəma Firʼawna nda kwalvaha ni tani, ka nutá tsa dafa ya ka nahaɗik.

Mbsak 11:1

Ma sana fitik, ka tawtá mnduha ta ghəŋ taŋ katakata ta wa sləməŋa Yawe. Manda snaŋtá Yawe, zɗəgana a wu, ka gufaftá ŋuɗufa ni. Ka zlghaftá vwa Yawe ta ghəŋa mnduha, ka dəghaɗanaghutá tsi ta wa mazawa ghuɓu.

Mbsak 11:29

Ama ka Musa nda tsi mantsa: « Ta draku ka ŋa ɗa ra? Má ka nuna inda mnduha Yawe ka anabi, ka gwal fanam Yawe ta sulkum katək ɓa! » kaʼa.

Mbsak 12:3

Tsaw Musa ná, sana mndu leɓtekw ka malaghuta leɓtekwa ta sanlaha ma mnduha ta haɗik ya.

Mbsak 16:3

Ka tskadaghatá həŋ ta vgha slanaghatá i Musa nda Haruna, ka həŋ nda həŋ mantsa: « Prək tsa tama! Inda na guyatá ghəŋa mnduha na ná, nda ghuɓa həŋ, mataba taŋ Yawe guli. Kabgawu ta kəl kaghuni ka gla ghəŋ ta ghəŋa guyatá ghəŋa mnduha Yawe na? » ka həŋ.

La Ruma 12:10

Manda zwana ma ka kuni ɗvuvustá vgha ghuni mataba ghuni. Ŋavawa ŋa ta tiŋlaghuta vlaŋtá glaku ta sani ta ghəŋa ghuni.

La Ruma 12:3

Nda ma tsa zɗakatahuɗi zɗəɗiŋ Lazglafta ka fimta ma slna ni ya, ka yu ta mnay ŋa inda kaghuni ná, ma klaf dər wa ta ghəŋa ni ka sana skwi. Manda ya ta raku, ka dər wa ka klaf kla tsi ta ghəŋa ni, ka gray nda slna zlghay nda ŋuɗuf ya vlaŋ Lazglafta.

Filip 2:14

Ma inda skwi ta mag kuni ya, ma ruruŋwaku kuni ta ruruŋwaku, ma zlərɗ kuni ta wi.

Filip 2:3

Ma dagə kuni ta vgha ka gla ghəŋ, leɓtekwa ka kuni nzata. Ka mali ta ghəŋa kaghuni ka kuni ngha mnduha.

1 Piyer 5:5

Kaghuni guli duhwalha, hanaganawa ghəŋ mista la galata mndu ta ngha Igliz. Kaghuni demdem nzawa nza nda hanatá ghəŋ ma gwaya vgha ghuni, kabga « zɗəgana a gwal ta gla ghəŋ ta Lazglafta wu, ama ta zɗanaŋ zɗa ta huɗi ta gwal ta hanaganatá ghəŋ. »