Mbsak 11:20 - Hdi

²⁰ ama tili rəŋ rəŋ, ha ŋa saha ni nda ma htsiŋa ghuni, ha ŋa mtsiɗay ghuni. Inda tsaya ná, kabga vziŋta ghuni ta Yawe ta nzaku mataba ghuni, kabga kladanaghatá ghuni ta tsa taw ya. Kabgawu tama kəl mu ka sabi ma Masar na?” ka kuni, » kaʼa.

Mbsak 11:20 ပူးပေါင်းရင်းမြစ်များ

2Sam 12:10

Ndanana tama, ya hərtəta hərtəta ka ta iʼi, ka klutá ka ta markwa Uriya, mnda la Het ka markwa ghuni ya, haɗ lu dzaʼa pɗatá ma həga ga ghuni ɗekɗek ta mataray wu,” kaʼa.

Sabi 16:13

Ta tsa hawu ya tama, ka sliʼagaptá fufuriha təɓsaʼ ndəghanaftá ghuɓu. Ga sərɗək ya guli, ka wanaftá wuninik ta ghuɓu.

Sabi 16:3

ka həŋ na: « Ta dər má si pslata Yawe ta aŋni ma haɗika Masar! Hada ná, ta vata siga sluʼi si ta nzakwa ŋni, ka zə ŋni ha ka baghawta ŋni! Ama ka hlagaptá kuni ta aŋni, ka hlagaghata da na mtak na, ŋa rwanatá na dəmga na nda maya! » ka həŋ.

Sabi 16:8

Ka Musa guli mantsa: « Dzaʼa vlaghuna vla Yawe ga hawu ta sluʼi ŋa zay ghuni. Ga sərɗək ya, ŋa baghaghunafta ni nda skwa zay, kabga snaŋ sna ta ruruŋwaku ta ruruŋ kuni ta ghəŋa ni. Ta ghəŋa aŋni a tsa ruruŋwakwa ghuni ya wa. Wa aŋni na? Ta ghəŋa Yawe ta ruruŋwa kuni ta ruruŋwaku, » kaʼa.

Mbsak 11:13

Ga dzaʼa mutsafta yu ta sluʼi ŋa vlaŋtá inda na mnduha ta dzaʼa nda taw mista ɗa na? Ka həŋ nda iʼi na: “Vlaŋna vla ta sluʼi ŋa zay ŋni!” ka həŋ.

Mbsak 11:19

Baɗ turtuk, ka fitik his, ka fitik hutaf, ka fitik ghwaŋ, ka hisambsak kweŋkweŋ a dzaʼa za kuni wu,

Mbsak 11:21

Ama ka Musa guli mantsa: « Dəmbuʼ mkuʼ dərmək (600.000) na sludziha nda səla ta wiɗifta na. Ka ka na: “Dzaʼa vlaŋ vla yu ta sluʼi ŋa zay taŋ ka tili rəŋ rəŋ” ka ka!

Mbsak 14:3

Kabgawu ta kəl Yawe ka kla aŋni da tsa haɗik dzaʼa rwaŋnata lu nda kafay ya na? Dzaʼa kasu kasa lu ta miʼa ŋni nda zwana ŋni. Ta dər má vra ŋni da Masar a wu ra? » ka həŋ.

Mbsak 14:4

Ka həŋ mataba taŋ sani nda sani mantsa: « Zbafma zba ta mali ka vra mu da Masar! » ka həŋ.

Mbsak 16:13

Ta slaghu a tsa hlagapta gha ta aŋni ma haɗik ya ta mbəzaku uʼa nda zuɗum mida, ŋa rwaŋnata ma mtak ya wu ra? Ta kumay ka ta nzəglaku ka mgham ta ghəŋa aŋni ra?

Mbsak 20:4

Kabgawu kəl kuni ka hlaktá guyatá ghəŋa mnduha Yawe da na mtak ŋa rwuta ŋni hadna, aŋni nda braha ŋni tani?

Mbsak 21:5

Ka zlraftá mnduha ta tsa mndəra i Lazglafta nda Musa, ka həŋ mantsa: « Kabgawu kəl kuni ka hlagaŋnafta ma Masar, ka rwa aŋni ma mtak? Haɗ skwa zay wu, haɗ imi wu, ta ziʼaŋna ziʼa na ghwaɗaka skwa zay na! » ka həŋ.

Slna gwal ghunay 13:41

“Kaghuni gwal ta mna mbrəs nda Lazglafta, nghawa ngha, ndərmima wa ndərmima, ka zwaɗutá kuni, kabga dzaʼa magay yu ta fitika ghuni ta mandərmimi, ya dər ma kinawu rusaghunafta lu ná, grafta a kuni ɗekɗek wu kəʼa ya”. »

1Tes 4:8

Tsaya tama, ka va a yu ta tsa gwaɗa ya wu ka mndu katsi, mndu a vziŋ tsi wu, Lazglafta ta vlaghunatá Sulkuma ni nda ghuɓa ya vziŋ tsi.

Yəhusuwa 24:27

Ka Yəhusuwa nda inda mnduha mantsa: « Nana pala na masləmtsək mataba amu, kabga da sna tsatsi ta inda tsa gwaɗaha mnama Yawe ya. Tsatsi masləmtsək mataba ghuni, ŋa pya kaghuni ta dzaʼa maganatá skwi kul raku ta Lazglafta ghuni, » kaʼa.

1Sam 10:19

Ama kaghuni gita, ka vziŋtá kuni ta Lazglafta ghuni, ya ta mbaghunafta ma inda ɗaŋwaha ghuni, nda inda skwi ta ga zləŋ ŋa ghuni. Ka kuni nda tsi na: “Vlaŋna vla ta mghama ŋni!” ka kuni. Ndanana, sladawa slada ta kəma Yawe, ka mndəra mndu ka mndəra mndu, ka uʼa ka uʼa, » kaʼa.

1Sam 2:30

Tsaya tama, ka Yawe, Lazglafta la Israʼila na: “Si mna mna yu kahwathwata kazlay na dzaʼa nzay gwal ga ghuni, nda zivira dzidzíha gha ŋa magihatá slna ŋa ɗekɗek kəʼa, ama ndanana, nzəglata a mantsa ya wu!” ka Yawe mnata. “Ta vlay yu ta sgit ŋa gwal ta vla sgit ŋa ɗa, ama gwal ta kfara iʼi ya, dzaʼa kfaraku hahəŋ guli.