Mbsak 10:9 - Hdi

⁹ Ka ta sliʼi kuni ma haɗika ghuni da vulu nda ghuma ghuni ta lighunista ya, ka vyata kuni ta ŋizla ni nda duli. Mantsa ya ná, dzaʼa havap hava Yawe ka kaghuni, Lazglafta ghuni, ŋa mbaghunafta ni ma dzva ghumaha ghuni.

Mbsak 10:9 ပူးပေါင်းရင်းမြစ်များ

Zlrafta 8:1

Ka havaptá Lazglafta ka Nuhu, nda inda nimtak, nda inda rini kawadaga nda tsi ma tsa mghama kwambalu ya. Ka viygiŋtá tsi ta falak ta haɗik, ka swiʼaku tsa imi ya.

2Rus 13:12

Wana kawadaga Lazglafta nda aŋni, tsatsi mghama ŋni, nda paya vgha gwal dranatá skwi ŋa vya duli ŋa dzaʼa guyata nda kaghuni. Ariwa Israʼila! Ma vulu kuni ta vulu nda Yawe, Lazglafta dzidzíha ghuni, kabga haɗ kuni dzaʼa zatá ghwa wu! » kaʼa.

2Rus 13:14

Kəʼa ka la Yuda mbəɗavata ná, wya gwal ŋa vulu nda həŋ ta kəma taŋ nda ya nda ga mahulhula taŋ. Ka wahu həŋ ta wahu da Yawe, ta viy gwal dra skwi ŋa Lazglafta ta talakwaha,

La Levi 23:24

« Mnana mna ta la Israʼila, ka ka nda həŋ na: Nda nza taŋtaŋa fitik ma tila mandəfáŋ ka fitika mbiʼa vgha ghuni dar dar, dzaʼa mamu kuni nda guyatá ghəŋ nda ghuɓa, dzaʼa havu lu nda vaya duli.

Mbsak 31:6

Ka ghunaghatá Musa ta gwal vulu dəmbuʼ dəmbuʼ ma inda mndəra mndu da vulu. Ka ghunaghatá tsi ta həŋ kawadaga nda Pinhas, zwaŋa Ilghazar mnda dra skwi ŋa Lazglafta, ta klatá huzla nda ghuɓa, nda duli ŋa tsgha lwi ya ma dzva ni.

1Kwa 14:8

Ka vya a mndu ta duli ŋa dzaʼa da vla vulu nda tva ni ná, wa dzaʼa sliʼafta na?

Vrafta ta zlahu 20:1

« Ka sab sa kuni da gəmata nda vulu nda ghumaha ghuni, ka nghaŋtá kuni ta plisha, ka mwata plisha a tsi, dər malaghu mala ndəghata gwal vulu ka kaghuni, yaha kuni da zləŋa həŋ, kabga kawadaga Yawe, Lazglafta ghuni nda kaghuni, tsatsi ta hlagaghunapta ma haɗika Masar.

Yəhusuwa 6:5

Ka vyata həŋ ta dula taŋ ka tɗaŋtá lwa ni. Na gi snaŋta ghuni ta lwa tsa duli ya, ka dzata mnduha ta lawlaw, dzaʼa tɗu tɗa matsaka luwa. Mantsa tama, ŋa gi ŋla la Israʼila zur nda kəma taŋ, » kaʼa.

Gwal tsa guma 10:12

Ma ghuyay la Tsiduŋ, nda la Ghamalek, nda la Maghuŋ ta ɗaŋwa ŋa ghuni, ka wahu kuni ta wahu da iʼi ná, si katagaghunap a yu ma dzva taŋ wu ra?

Gwal tsa guma 10:8

Daga ta tsa vaku ya, ka dul həŋ ta la Israʼila, ka huʼa vgha ŋa taŋ. Ghwaŋpəɗ tghas vakwa taŋ ta sa duni ŋa inda la Israʼila ta nzakway ta sana ɓla Yardeŋ ta haɗika la Amuru, nda la Gilghat.

Gwal tsa guma 2:18

Ma fitika zlaganapta Yawe ta gwal tsanatá guma ta həŋ, kawadaga Yawe nda mnda tsa guma, ka katu tsi ta həŋ da ghumaha taŋ ma fitika nzakwa tsa mnda tsa guma ya. Ta taway ta hiɗahiɗa ta ŋaɗa ghəŋ ta ŋaɗ həŋ, dabga gwal ta ghuya ɗaŋwa ŋa taŋ, ka sa duni ŋa taŋ ya.

Gwal tsa guma 3:27

Na gi ɓhadaghata ni, ka vyatá tsi ta duli ma kwakwar ta ghwá Ifrayim. Ka sliʼagatá la Israʼila kawadaga nda tsi ta tsa ghwá ya, tsatsi ta kla kəma.

Gwal tsa guma 6:34

Ka lanaghatá Sulkuma Yawe ta ghəŋa Gidghuŋ. Ka vyatá tsi ta duli, ka hagadaghatá lu ta la Avighezer ta uʼa taŋ ŋa dzaʼa mista ni.

Gwal tsa guma 6:9

Katap kata yu ta kaghuni ma dzva la Masar, nda ya da inda gwal ta giri ŋa ghuni. Ka ghəzliŋtá yu ta həŋ ta kəma ghuni, ka vlaghunatá yu ta haɗika taŋ.

1Sam 10:18

Kaʼa nda la Israʼila mantsa: « Wya ka Yawe, Lazglafta la Israʼila mnata: “Iʼi ta hlagaftá la Israʼila ma Masar, ta zluʼaptá kaghuni ma dzva la Masar, nda ya ma dzva inda ga mgham si ta sa duni ŋa ghuni.”