Mbsak 10:33 - Hdi

³³ Ka sliʼaftá həŋ mista ghwá Yawe, ka magatá həŋ ta fitik hkən ta mbaɗa. Laghu la akwata dzratá wa Yawe ta kəma taŋ ma tsa mbaɗa taŋ ka fitik hkən ya, ŋa tsatsaftá vli ŋa fata taŋ ta ghuɓa taŋ.

Mbsak 10:33 ပူးပေါင်းရင်းမြစ်များ

Sabi 19:3

Ka sliʼaftá Musa ka ŋlaghata ta tsa ghwá ya da guyaku nda Lazglafta. Daga ta bɗəma tsa ghwá ya, ka hgaŋtá Yawe ta Musa, kaʼa nda tsi mantsa: « Wya ká ka dzaʼa mnanatá la Yakubu, ta skwi dzaʼa snanamta ka ta la Israʼila ya:

Sabi 3:1

Ma sana fitik, ka nghə Musa ta rina fisika Yitru dzidza ni, mnda dra skwi ŋa Lazglafta ma Midyaŋ. Ka mbadaptá tsi ta bra rina ni da huɗa mtak, ka lagha tsi da Hwarev, ghwá Lazglafta.

Mbsak 10:12

Ka sliʼaftá la Israʼila ta mtaka Sinay, ka dzaʼa nda sladavata ma ya vli, sladavata ma ya vli. Ka sladatá tsa kusay ya ma mtaka Paraŋ.

Vrafta ta zlahu 1:33

Ta wya kay guli, tsatsi ta klaghunatá kəma ta tvi ka zbaghunaftá vli ŋa fatá ghuɓa ghuni. Nda rviɗik ya, ka vu sundul nzakwa ni ŋa tsuwaɗakaghunatá tva mbaɗa ghuni. Ga fitik ya guli, ma kusay sundul nzakwa ni.

Vrafta ta zlahu 31:26

« Zlghawa na deftera zlahu na, ka fanavata kuni ta vata akwata dzratá wa Yawe, Lazglafta ghuni, ŋa nzakwa ni hada ka masləmtsək ta ghəŋa kaghuni.

Vrafta ta zlahu 9:9

Ma ŋlaghata ɗa ta ghwá da tsuʼa klamha, ta nzakway ka klamha dzratá wa Yawe nda kaghuni ná, ka nzatá yu ta ghwá ka vaghu fwaɗ mbsak, nda rviɗik fwaɗ mbsak, kul zaŋtá skwa zay dər saŋtá imi.

Hebru 13:20

Lazglafta ya ta vla zɗaku ta vraganaptá Mgham mu *Yesu mataba gwal nda rwa, ka nzaku tsi ka mndu dagala ta ngha tuwakha. Nda ma usa ni vla tsi ŋa pla ghəŋ, mutsafta lu ta dzrafta wi ŋa kɗekedzeŋ.

Yəhusuwa 4:7

ka kuni dzaʼazlay nda həŋ na: “Sladaghu slada zala Yardeŋ ta kəma akwata dzratá wa Yawe. Ta tsughwaɗagaptá tsi ta Yardeŋ, ka sladaghutá zala kul mbaɗa,” ka kuni dzaʼazlay. Dzaʼa gɗa gɗa na palaha na ka skwa havanaktá la Israʼila, ta tsəna mazəmzəm na, » kaʼa.

Gwal tsa guma 20:27

Ka ɗawaŋtá la Israʼila da Yawe. Ma tsa fitik ya hada akwata dzratá wa Lazglafta.

1Sam 4:3

Ka vraghutá mnduha da ghuɓa taŋ. Ka galata mnduha la Israʼila mantsa: « Kabgawu kəl Yawe ka zlanaŋtá tvi ta la Filisti ŋa zatá ghwa ta ghəŋa amu gita na? Mbaɗma da klaktá akwata dzratá wi nda Yawe ma Silu. Ka mataba amu tsi katsi ná, dzaʼa katap kata ta amu ma dzva ghumaha mu! » ka həŋ.