Mbsak 10:1 - Hdi

¹ Ka Yawe nda Musa mantsa:

Mbsak 10:1 ပူးပေါင်းရင်းမြစ်များ

Zlrafta 42:13

Ka həŋ mantsa: « Aŋni kwalvaha gha ná, zwana ma ŋni ma da turtuk, sliʼaf ta haɗika Kanʼana ŋni. Si ghwaŋpəɗ his ŋni ma da ŋni, waʼa zughuva da da ŋni, zwaɗ zwaɗa sani, » ka həŋ.

Zlrafta 46:15

Tsaha ya zwana Leʼa ta yayatá nda Yakubu ma Padaŋ Aram, nda makwa ni Dina. Hkən mbsak hkən mida gwagwatá zwana zgwana ni nda kwagha ni.

2Sam 6:15

Ka klagaftá i Dawuda nda inda guyatá ghəŋa la Israʼila ta akwata dzratá wa Yawe, ka dzaʼa nda hayayi, nda ya nda vya duli.

2Mgh 11:14

Ta nghə tsi ná, wya mgham ta sladu ta vata guguɗi ta tva lami da həga manda ya snu lu ta magay ta dzidzí. Ta sladu maliha gwal vulu, nda gwal vya talakwa ta vata mgham. Ta rfu inda mnduha tsa haɗik ya ka vya talakwa. Ka kuhwiŋtá Ghataliya ta lguta ni, ka wahata, kaʼa mantsa: « A dzratá wa ghuni ya! A dzratá wa ghuni ya! » kaʼa.

2Rus 23:13

Ta nghə tsi ná, wya mgham ta sladu ta vata guguɗi ta tva lami həga. Ta sladu maliha gwal vulu, nda gwal vya talakwa ta vata mgham, ta rfu inda mnduha tsa haɗik ya ka vya talakwa, nda gwal fa laha nda inda huzla ta pgha laha zləzləvu. Ka kuhwiŋtá Ghataliya ta lguta ni, ka wahata, kaʼa mantsa: « A dzratá wa ghuni ya! A dzratá wa ghuni ya! » kaʼa.

2Rus 5:12

Inda la Levi ka gwal fa laha, i Asaf, nda Hemaŋ, nda Yədutuŋ, nda zwana taŋ nda zwana ma taŋ nda susuɗatá lguta sləvdza liŋ kulefeɗfeɗa həŋ, ka sladata nda ga silwa gwir, ka dza ndeŋndeŋ, nda htimbil, nda kəzliŋkəzliŋ həŋ. Dərmək nda hisambsak (120) gwal dra skwi ŋa Lazglafta ta vata həŋ ta vya talakwa.

2Rus 7:6

Ka sladatá gwal dra skwi ŋa Lazglafta ma vla maga slna taŋ, mantsa ya la Levi nda huzla skalu ŋa Yawe, ya si mamagaf mgham Dawuda ŋa zləzləva Yawe, ka həŋ mantsa: « Ta gɗava gɗa zɗakwa ni ŋa ɗekɗek, » ka həŋ. Taɓ ta laha ya vlaŋ Dawuda ta həŋ, ka viy gwal dra skwi ŋa Lazglafta ta talakwa ta kəma taŋ, ta sladu la Israʼila demdem hada.

Izra 3:10

Ma fitika thay gwal ba həga ta tughwa tsa həga Yawe ya ná, ka hladaghatá lu ta gwal dra skwi ŋa Lazglafta, nda hbatá vgha nda lguta ksa slna taŋ, nda duli nda duli. Ka hladaghatá lu guli la Levi mndəra la Asaf nda ndeŋndeŋ nda ndeŋndeŋ ŋa zləzləvu taŋ ta Yawe manda ya mnaf Dawuda mghama Israʼila.

Mbsak 1:52

Inda la Israʼila dzaʼa fafatá ghuɓa taŋ ma vla taŋ, inda taŋ mista drapwa bakwa gwal vula taŋ.

Mbsak 10:2

« Magaf maga ŋa gha ta duliha his nda kfura tsedi pslap lu, ŋa hga guyatá ghəŋa mnduha, nda ya ŋa sliʼanaftá həŋ ma ghuɓu.

Mbsak 29:1

« Baɗ taŋtaŋ fitik ma mandəfáŋa tili, dzaʼa mamu kuni nda guyatá ghəŋ nda ghuɓa. Haɗ kuni dzaʼa maga slna baɗ tsaya, manda ya snu kuni ta magay wa. Dzaʼa nzakway tsa fitik ya ŋa ghuni ka fitika vya duli.

Mbsak 7:2

Ka hlaktá maliha mataba la Israʼila, maliha mataba mndəra taŋ ta mbəhuha. Hahəŋ maliha ma mndəra mnduha, gwal ta gwaftá vgha ma slna mbəɗaftá mnduha.

Mbsak 9:23

Ta mnafta nda mna Yawe ta kəl həŋ ka fatá ghuɓa taŋ, ta mnafta nda mna Yawe guli ta kəl həŋ ka sliʼavata. Ta magay həŋ ta slna Yawe manda va ya ta mnafta Yawe nda ma wa Musa.

Mata 24:31

Ŋa ghunafta ni ta duhwalha Lazglafta ŋa vyata taŋ ta duli ta taw katakata, ŋa tsakakta taŋ ta gwal ya ɗagap tsi ta slərpa luwa fwaɗ, sliʼafta ni ta mndəra luwa dikw dista luwa. »

Yəhusuwa 6:4

Ndəfáŋ tsa gwal ta dra skwi ŋa Lazglafta ya dzaʼa labi ta kəma akwata dzratá wi. Inda taŋ nda klatá dula maŋazak. Baɗ mandəfáŋa fitik ya, ndəfáŋ səla dzaʼa wanafta kuni ta luwa. Ta dzaʼa gwal dra skwi ŋa Lazglafta nda vya dula taŋ.

Suna Yuhwana 8:2

Ka nghə yu ta duhwalha Lazglafta ndəfáŋ ta sladu ta kəma ni. Ka vlaŋta lu ta duliha ndəfáŋ guli ta həŋ.

Gwal tsa guma 7:20

Ka vyi tsa bakuha hkən ya guli ta duliha, ka paslanaptá hulamha. Ka ŋaŋanatá həŋ nda dzva zlaɓa ta pinatá vu, ma dzva zeghwi na duliha ŋa vyay, ka hlə həŋ ta wi, ka həŋ mantsa: « Kafay ŋa Yawe nda ya ŋa Gidghuŋ! » ka həŋ.