Mbsak 1:50 - Hdi

⁵⁰ Kagha, ka fanaghata ka ta la Levi ta slna ma həga tumpula klamha dzratá wi ya, nda inda huzla ni, nda inda skwiha mida. Hahəŋ dzaʼa hla həga tumpul nda inda huzla ni. Hahəŋ dzaʼa ksa slna mida, ka fafatá ghuɓa taŋ ka wanafta tsa həga tumpul ya.

Mbsak 1:50 ပူးပေါင်းရင်းမြစ်များ

2Rus 24:6

Ka hgaftá mgham ta Yəhuyada, mali ta ghəŋa gwal dra skwi ŋa Lazglafta, kaʼa nda tsi mantsa: « Nya kwal ka havanaghatá la Levi ŋa hlagaghatá da inda mndu ma Yuda nda Ursalima ta dzumna ya tsaf Musa, kwalva Yawe nda guyatá ghəŋa la Israʼila, ŋa paya tumpula akwata dzratá wi na? » kaʼa,

Nəhemiya 12:22

Ma fitika nzakwa i Ilyasiv nda Yuyada, nda Yuhanaŋ nda Yadduwa mali ta ghəŋa gwal ta dra skwi ŋa Lazglafta ná, ka vivindaftá lu ta hgəha zəʼala həga mataba la Levi. Manda va tsaya guli magafta lu ta ŋa gwal ta dra skwi ŋa Lazglafta ha ka lagha ta fitika nzakwa Daryaves mghama Persiya ta pala.

Nəhemiya 12:47

Ta fitika Zərubavel nda Nəhemiya ná, ta vlay inda la Israʼila ta mayaka gwal ta fa laha, nda gwal ta ngha wa tghaha inda fitik manda ya ta raku. Ta faghu fa lu guli ta ŋa la Levi ma mbəhu inda fitik. Ta faghu fa la Levi guli ta ŋa la zivira Haruna gwal ta dra skwi ŋa Lazglafta.

Nəhemiya 12:8

Mataba la Levi ná, mamu: I Yəhusuwa, nda Binnuwi, nda Kadmiyel, nda Sereviya, nda Yahuda, nda Mataniya. Tsa Mataniya ya nda mnduha ni ta kla lwa laha zləzləvu.

Nəhemiya 13:22

Ka yu nda la Levi guli mantsa: « Hliŋwa hla ta skwi ta tsaɗ lu ma nzakwa ghuni, ka sagha kuni da ngha wa tghaha ŋa nzakwa Sabat nda fa ŋa Lazglafta, » ka yu. Ari Lazglafta ɗa, havap hava ka iʼi ta ghəŋa nana na guli. Tawa ta hiɗahiɗa ta iʼi ma glakwa zɗakwa gha.

Nəhemiya 13:5

ka payaftá tsi ŋa ni ta sana dzuguvi dagala si ta pghə lu mida ta mbəha nimaya, nda urdi ŋa dray nda dra, nda huzlaha, nda zaka nimaya, nda ima inabi ta ka nunu, nda rɗi ya si ta fanata lu ta la Levi, nda gwal fa laha, nda gwal ta ngha wa tghaha, nda ya ta fanata lu ta gwal ta dra skwi ŋa Lazglafta guli.

Sabi 31:18

Manda kɗakwa Yawe ta gwaɗa nda Musa ta ghwá Sinay, ka hlaftá tsi ta klamha dzratá wi his vindaf tsatsi nda ndəfiŋa ni, ka vlaŋta.

Sabi 38:21

Wya mbsaka huzla həga tumpul, tumpula dzratá wi. La Levi ta mbəɗafta manda ya mnaf Musa nda ma dzva Itamar zwaŋa Haruna mnda dra skwi ŋa Lazglafta.

Mbsak 1:53

La Levi ya, hahəŋ dzaʼa nzata ka wanaftá tsa həga tumpula klama dzratá wi ya, kada kwala gufatá ŋuɗuf ɗa dɗanaghatá guyatá ghəŋa la Israʼila. La Levi dzaʼa da nghapta ka tsa həga tumpul ya, » kaʼa.

Mbsak 10:21

Tahula tsa, ka fiŋtá mndəra la Kehat ta hla skwiha nda ghuɓa. Ma kɗaku hahəŋ ka ɓhadaghata ya, ta dzagway dzagway sanlaha ta həga tumpul.

Mbsak 17:7

Ma fitika tskavata guyatá ghəŋa mnduha ka gruŋtá i Musa nda Haruna ya, ka mbəɗavata həŋ təv tumpula guyaku, ka gi saha kusay da bukwamtá tumpul guyaku, ka zlagapta glakwa Yawe.

Mbsak 18:5

Kaghuni dzaʼa nghapta ka vli nda ghuɓa, nda gwir. Mantsa tama, haɗ ɓasa ŋuɗufa ɗa dzaʼa dɗəglanaghatá la Israʼila wa.

Mbsak 2:17

Ta hula taŋ, ŋa sliʼa tumpula guyaku kawadaga nda ghuɓa mndəra la Levi ma takataka ghuɓuha. Dzaʼa mbaɗay inda mndəra mndu ta mbaɗa ma vla ni manda ya fa fa həŋ ta ghuɓa taŋ sana baku ka fiŋtá sani, inda taŋ mista drapwa taŋ.

Mbsak 20:11

Ka kapaftá Musa ta dzvu, ka dzuŋtá tsi ta kutumba twaʼ twaʼ his nda dafa ni. Ka mbəzagaptá imi katakata, ka mutsafta guyatá ghəŋa mnduha ta imi ŋa say, mantsa ya braha taŋ guli.

Mbsak 4:15

Ma fitika sliʼanaftá ghuɓu, ŋa kɗiŋta i Haruna nda zwana ni ta bukwamta skwiha nda ghuɓa nda inda huzlaha ni tani. Tahula tsa, ŋa sagha zwana Kehat da hlay. Ama yaha həŋ da ksaŋtá skwiha nda ghuɓa, dá rwutá həŋ. Tsaha ya skwiha ma tumpula guyaku ŋa hlay zwana Kehat.

Mbsak 4:3

gwal ta klaftá imi hkən mbsak ka lafi ta hutaf mbsak, inda gwal ta laviŋtá wuda slna ma tumpula guyaku.

Mbsak 8:19

Mataba la Israʼila ná, vlaŋ vla yu kahwathwata ta la Levi ta i Haruna nda zwana ni, ŋa magay taŋ ta slna ma tumpula guyaku ŋa inda pɗakwa la Israʼila, nda ya ŋa slərɓapta zughu ŋa la Israʼila. Mantsa tama, haɗ lu dzaʼa dzuŋtá la Israʼila dər nda wati ma zləmnda dabga vəl ndusadaghata taŋ nda həga nda ghuɓa wu, » kaʼa.

Mbsak 8:20

Ka magatá i Musa nda Haruna, nda inda guyatá ghəŋa la Israʼila ta inda skwi ta nghanatá la Levi, manda va ya mnanaf Yawe ta Musa ta ghəŋa taŋ.

Mbsak 8:22

Tahula tsa, ka lagha la Levi da klaftá slna taŋ ma tumpula guyaku ta wa ira i Haruna nda zwana ni. Ka magatá lu ta ghəŋa la Levi ta skwi ya mnanaf Yawe ta Musa ta ghəŋa taŋ.

Suna Yuhwana 15:5

Tahula tsaya guli, ka nghaŋtá yu ta gunatá həga tumpul ma həga Lazglafta ta luwa ya ta kəl mnduha ka guya vgha nda Lazglafta.