Mata 8:20 - Hdi

²⁰ Ka Yesu nda tsi mantsa: « Gərhaŋha ná, mamu ghurumha taŋ. Ɗyakha ta ndaraku ta luwa guli, mamu həgaha taŋ. Ama *Zwaŋa mndu ná, haɗ dər vli ŋa fadatani ta ghəŋa ni wu, » kaʼa.

Mata 8:20 ပူးပေါင်းရင်းမြစ်များ

Danyel 7:13

Ka nghə yu manda skwi ma suni girviɗik, ta sana skwi manda mnda səla, ta saha ma ghwayak ta luwa. Ka lagha tsi da tsa mndu daga bamma ya, ka kladaghatá lu da tsi.

Mata 12:32

Ka vzaf vza mndu ta rutsak ta *Zwaŋa mndu katsi, dzaʼa plinis pla lu ta dmakwa ni. Ama mndu ta vzaftá rutsak ta Sulkum nda ghuɓa ná, haɗ lu dzaʼa walaŋtá plinistá dmakwa ni, dər ta na zamana na, dər ta zamana dzaʼa sagha wa. »

Mata 12:40

Manda va ya maga anabi Yunusa ta vaghu hkən nda rviɗik hkən ma huɗa mghama klipi ya, manda va tsaya guli dzaʼa magata Zwaŋa mndu ta vaghu hkən nda rviɗik hkən ma haɗik.

Mata 12:8

*Zwaŋa mndu ná, tsatsi mgham ta ghəŋa fitika Sabat, » kaʼa.

Mata 13:37

Kaʼa nda həŋ mantsa: « Tsa mndu ta sləgamtá vərɗa hulfa hya ya ná, *Zwaŋa mndu ya.

Mata 16:13

Ɓhadaghata *Yesu ta haɗika *Sezare Filip, ka ɗawaŋtá tsi da duhwalha ni: « Wayaka mnduha ta mnay ta *Zwaŋa mndu na? » kaʼa nda həŋ.

Mata 16:27

Wya dzaʼa sasa *Zwaŋa mndu kawadaga nda duhwalha ni ma glakwa Da ni, ŋa dganafta ni ta nisəla inda mndu taɓta magatá slna ni ma mndu.

Mata 17:9

Ta vragatá həŋ ta tsa ghwá ya tama, ka zlahanaghatá Yesu ta həŋ: « Yaha yaha kuni mnanaŋtá dər wati ma mndu ta skwi ya nghaŋ kuni, ha ka sagha fitika sliʼagapta *Zwaŋa mndu nda hafu ma mtaku, » kaʼa.

Mata 19:28

Ka Yesu nda həŋ mantsa: « Kahwathwata ka yu ta mnaghunata, ma mbəɗavafta inda skwi dzaʼazlay ná, dzaʼa nzafta ta dughurukwa glakwa ni na Zwaŋa mndu. Kaghuni gwal ta dzaʼa mista ɗa ya guli, dzaʼa nzanzafta ta dughurukha ghwaŋpəɗ his kaghuni, ŋa tsa guma ta ghəŋa mndəra la Israʼila ghwaŋpəɗ his guli.

Markus 8:38

Ya wana ka dmaku mnduha ta na zamana na, ka sliʼiŋ ka sliʼiŋ həŋ da Lazglafta. Ka kwalaghu kwala mndu ta mnaŋtá hga ɗa nda gwaɗa ɗa guli ta kəma tsa mnduha ya katsi, iʼi *Zwaŋa mndu guli ná, dzaʼa kwalaghu kwala yu ta mnaŋtá tsa mndu ya baɗu vragata ɗa kawadaga nda duhwalha nda ghuɓa ta luwa ma glakwa Lazglafta. »

Lukwa 12:8

« Ka yu ta mnaghunata na, mndu dzaʼa maraŋtá ghəŋa ni ta daɓi ka mnay: “Ŋa *Yesu iʼi” kaʼa ná, ka *Zwaŋa mndu dzaʼazlay ta kəma duhwalha Lazglafta na: “Ŋa ɗa na mndu na,” kaʼa dzaʼazlay.

Lukwa 18:8

Ka iʼi ta mnaghunata, dzaʼa gi magana maga ta zɗaku ta həŋ gi hada hada. Nziya nza tsi, baɗu vragata dzaʼa vragata *Zwaŋa mndu ní, dzaʼa slanagha sla ta gwal ta zlghafta nda ŋuɗuf rki na? »

Lukwa 2:12

Wya ŋizla dzaʼa kəl kuni ka tsəmafta: Dzaʼa slanagha sla kuni ta vziʼuwa mbsam lu ma lgut ka hananamta ma tsughaŋ, » ka duhwala Lazglafta nda həŋ.

Lukwa 2:16

Ka sliʼaftá həŋ ka laghu misimmisim, ka slanaghatá həŋ ta i Mari nda Yusufu nda tsa zwaŋa vziʼuwa ya hananam lu ma tsughaŋ.

Lukwa 2:7

Ka yatá tsi ta zumala ni ka zwaŋa zgun, ka mbsamtá tsi ma lgut ka hananamta ma tsughaŋ, kabga mutsaf a həŋ ta həga nzakwa mayəm wa.

Lukwa 21:36

Hzleŋa ka kuni nzata, ka va maga kuni ta duʼa dər ta wati luwa tsi, kada mutsafta kuni ta ndapta ma inda tsa skwiha dzaʼa magaku ya, ŋa sladata ghuni ta kəma Zwaŋa mndu, » kaʼa.

Lukwa 8:3

nda Yuwana markwa Kuza. Tsa Kuza ya, mndu ya fanam mgham Hiridus ta inda skwi ma həga ni ma dzva ni ya. Mamu Suzana, nda ndəghata sanlaha ma miʼaha guli mataba taŋ. Inda tsa miʼaha ya ná, kataŋ kata həŋ ta i Yesu nda duhwalha ni nda skwi ma dzva taŋ.

Lukwa 9:58

Ka *Yesu mantsa: « Mamu ghuruma gərhaŋha, mamu həga ɗyakha, *Zwaŋa mndu ná, haɗ vli ŋa fadatani ta ghəŋa ni wa, » kaʼa.

Yuhwana 1:51

Ka Yesu sganaghata mantsa: « Kahwathwata ka yu ta mnaghunata, dzaʼa nda ngha kuni ta gunatá luwa buwaŋ ŋa ŋla duhwalha Lazglafta, ŋa saha taŋ ta ghəŋa *Zwaŋa mndu, » kaʼa.

Yuhwana 12:34

« Dzaʼa nzata ŋa kɗekedzeŋ *Kristi, ka aŋni taghafta ma deftera zlahu ná, waká kagha tama ta mnay kazlay: Dzaʼa kapanaf kapa lu ta *Zwaŋa mndu kəʼa. Wa tsa Zwaŋa mndu ya? » ka tsa dəmga ya.

Yuhwana 13:31

Tahula saghwa Zudas dzibil, ka *Yesu mantsa: « Ndanana ŋlanafta lu ta *Zwaŋa mndu. Ka ŋlanaftá lu ta Lazglafta guli nda ma tsatsi.

Yuhwana 3:13

Haɗ mndu ta kəɗ lafi ta luwa, ka mndu ta saha daga ta luwa a tsi wa. Ba *Zwaŋa mndu yeya ta saha daga ta luwa.

Yuhwana 3:14

Manda va ya kapadaf Musa ta nahaɗika ghuva tili ta udzu ma mtak ya, manda va tsaya dzaʼa kapadafta lu ta Zwaŋa mndu,

Yuhwana 6:27

Ma ksə kuni ta slna ŋa skwa zay dzaʼa ɓadzuta. Ŋavawa ŋa ka maga slna ŋa skwa zay ta nzəɗavata dzaʼa vlaghunatá hafu ŋa kɗekedzeŋ. Tsa skwa zay ya ná, *Zwaŋa mndu dzaʼa vlaghunata, kabga ta tsatsi thafta Da ta ŋizla vlaŋta ni ta mbraku, » kaʼa nda həŋ.

Yuhwana 6:53

Ka Yesu nda həŋ mantsa: « Kahwathwata ka yu ta mnaghunata, ka za a kuni ta sluʼuvgha Zwaŋa mndu, sa a kuni ta usa ni wu katsi, haɗ hafu ɗekɗek ma kaghuni wa.

Yuhwana 6:62

A ka tsa nghaŋ kuni ta *Zwaŋa mndu ta ŋlu da vli si hada tsi ghalya, waká ŋuɗufa ghuni dzaʼa magay tama?

Slna gwal ghunay 7:56

Kaʼa nda həŋ kay guli mantsa: « Wana nda ngha yu ta gunatá luwa. Waʼa *Zwaŋa mndu ta sladu nda ga zeghwa Lazglafta, » kaʼa.

2Kwa 8:9

Nda sna kaghuni ta zɗakatahuɗa Mgham Yesu *Kristi. Tsatsi ná, galipi ya, ka niŋtá tsi ta ghəŋa ni ka pɗu ŋa naghunaftá kaghuni ka gadghəl nda ma tsa pɗa ni ya.