Mata 7:7 - Hdi

⁷ « Ɗawawa ɗawa dzaʼa vlaghuna vla lu. Zbawa zba dzaʼa mutsay kuni. Gawaga ta zgu dzaʼa gunaghunaguna lu ta wa tgha.

Mata 7:7 ပူးပေါင်းရင်းမြစ်များ

Zlrafta 26:32

Baɗu va tsaya, ka sagha kwalvaha Izak da mnay ŋa ni ta gwaɗa ta sana vavrəm ta lə həŋ. Ka həŋ mantsa: « Slaf sla ŋni ta imi, » ka həŋ.

1Mgh 3:5

Ma Givghuŋ, ka zlagaptá Yawe da Salumuŋ ga rviɗik ma suni. Ka Lazglafta nda tsi mantsa: « Ɗawiha ɗawa ta skwi ta kum ka, ka vlaghata yu! » kaʼa.

Mata 18:19

« Ka yu ta mnaghunata guli na: Ka dzraf dzra mnduha his mataba ghuni ta wi, ŋa ɗawa dər wati ma skwi tsi katsi, dzaʼa tsuʼanaf tsuʼa Da ɗa ta luwa ta həŋ.

Mata 21:22

Inda skwi dzaʼa ɗawaŋta kuni nda zlghay nda ŋuɗuf nda ma maga duʼa ná, dzaʼa mutsay kuni, » kaʼa.

Mata 6:33

Zbawa zba ta ga mghama Lazglafta nda maga skwi tɗukwa ta wa ira ni karaku, dzaʼa vlaghuna vla lu ta inda tsa skwiha ya ta ghəŋa ni.

Mata 7:11

Ka si kaghuni ta nzakway ka ghwaɗaka mnduha, nda sna kuni ta klaftá ŋərma skwiha ka vlaŋtá zwana ghuni ya ní, Da ghuni ta luwa yeya dzaʼa kwal kul snaŋta klaftá skwiha ɗina ɗina, ka vlaŋtá gwal ta ɗawaŋta da tsi rki? »

Mata 7:8

Dər wati ma mndu ta ɗawaŋta, ta mutsay. Dər wati ma mndu ta zbaŋta, ta slaf sla tida. Ta gunana guna lu ta wa tgha ta mndu ta gatá zgu.

Markus 11:24

Tsaya ta kəl yu ka mnaghunata kazlay: Inda skwi dzaʼa kuni ɗawaŋta nda maga duʼa ná, fafwa fa ta ghəŋa ghuni tida manda skwi nda ghada mutsatani, dzaʼa nghay kuni ta magata tsa skwi ya.

Lukwa 13:25

« Ka sliʼaf sliʼa daŋahəga ni həga ka ŋərzlaftá wa tgha ta mabli kaghuni katsi, ŋa kuɗuslafta kaghuni ta dza wa tgha kazlay: Mghama ɗa! Mghama ɗa! Gunaŋnaguna ta wa tgha kəʼa. “Sna a yu ka sagha ndiga kuni wu!” kaʼa dzaʼazlay nda kaghuni.

Lukwa 18:1

Ka mnə *Yesu ta mahdihdi ŋa taŋ, ŋa gɗavata taŋ nda maga duʼa, yaha malandugwa taŋ da rwaku, da zlanatá həŋ.

Yuhwana 15:16

Kaghuni a ta zbaptá iʼi wu, iʼi ta zabaptá kaghuni, ka faghunaghatá slna ŋa magay, ŋa yafta ghuni, ŋa gɗavata tsa yakwa ghuni ya. Mantsa tama, dzaʼa vlaghuna vla Da ɗa ta inda skwi dzaʼa kuni ɗawaŋta nda hga ɗa.

Yuhwana 15:7

Ka gɗava gɗa ndiʼatá kaghuni ta iʼi, ka gɗava gɗa gwaɗa ɗa guli ma kaghuni katsi, ɗawawa ɗawa ta inda skwi ta kum kuni, dzaʼa mutsay kuni.

Yuhwana 4:10

Ka Yesu mantsa: « Ka má nda sna ka ta skwi ta kum Lazglafta ta vlaghata, nda mndu ya ta ɗawa imi ŋa say da kagha katsi ná, má kagha má dzaʼa ɗawa imi ŋa say, má ŋa vlaghatani ta imi ta vla hafu, » kaʼa nda tsi.

La Ruma 2:7

Ŋa gwal ta gɗata ta maga skwiha ɗina ɗina ŋa mutsa glaku nda sgit, nda hafu ŋa kɗekedzeŋ ya, dzaʼa vlaŋ vla Lazglafta ta nzaku nda hafu ŋa kɗekedzeŋ ta həŋ.

La Ruma 3:11

Haɗ mndu nda sna ta skwi wu, haɗ ya ta psa Lazglafta wa.

Hebru 11:6

Ka haɗ zlghay nda ŋuɗuf wu ná, haɗ fitik zɗəgana mndu ta Lazglafta wa. Mndu ta gavadaghata da Lazglafta ná, ɗina ka grafta ni kazlay: Mamu Lazglafta, ta magay ta skwi ɗina guli ŋa gwal ta zbay kəʼa.

Yakubu 5:15

Ka nda ŋuɗuf turtuk magata lu ta tsa duʼa ya katsi ná, dzaʼa mbanaf mba ta tsa mndu kul ɗughwanaku ya. Dzaʼa mbanaf mba Mgham ma tsa ɗaŋwa ni ya. Ka si mamu dmakuha maga tsi, dzaʼa plinis pla Lazglafta.

1 Yuhwana 3:22

Dər má nu ɗawaŋ mu da tsi ta vlama vla kabga ta snana sna mu ta zlaha ni, ta magana maga mu ta skwi ta zɗəganata.