Mata 7:15 - Hdi

¹⁵ « Ɗasuwa ka kuni nda anabiha ta tsakalawi ta sliʼamta da taba ghuni manda tuwak, ama ma ŋuɗufa taŋ ta sidi həŋ manda kramtak mtak.

Mata 7:15 ပူးပေါင်းရင်းမြစ်များ

1Mgh 13:18

Ka tsa halata anabi ya nda tsi mantsa: « Iʼi guli ná, anabi yu manda va kagha, duhwala Lazglafta ta mnihatá gwaɗa Yawe, kaʼa nda iʼi na: “Vranak vra mista gha da ghuni, ka zaʼata tsi ta skwa zay, ka saʼata tsi ta skwa say,” » kaʼa. Tsaw tsakalawi tsa tsakalana tsi.

Danyel 11:34

Ma tsa fitik dzaʼa ghuy həŋ ta ɗaŋwa ya, kiʼa nda kiʼa dzaʼa mutsafta həŋ ta katu. Mataba tsa gwal dzaʼa gwaftá vgha nda həŋ ya ná, nda maɗgwirmaɗgwir magata həŋ.

Mata 10:17

Ɗasuwa ká kuni, dzaʼa hlay mnduha ta kaghuni da vla guma. Dzaʼa sləvay həŋ ta kaghuni nda gaslərɓaha ma həga tagha skwa taŋ.

Mata 16:11

Ma mnaghunata ɗa kazlay: Ɗasuwa ka kuni nda isa la Farisa nda Sadukiya kəʼa ná, waká kaghuni kwal kul snaŋta kazlay: Ta ghəŋa buradi a ta gwaɗa yu wu kəʼa na? » kaʼa.

Mata 16:6

« Ɗasuwa ka kuni! Nghawa ghəŋa ghuni da isa la *Farisa nda la *Sadukiya, » ka Yesu nda həŋ.

Mata 24:11

Nda ndəgha ghwaɗaka anabiha dzaʼa sagha ŋa nanaghata taŋ ta ndəghata mnduha guli.

Mata 7:14

Wa tgha slrehwa ná, nda bla ka lu ta lab tida, ta kla mndu da hafu. Sira a gwal ta mutsa lab tida guli wa. »

Lukwa 12:15

« Ɗasuwa ka kuni nda tsagana. Vəl nzakwa skwa mndu mamu ka nutá tsi ka gadghəl a kəl tsi ka nzata nda hafu wu, ka Yesu kay guli nda inda mnduha. »

Lukwa 6:26

Ɗaŋwa ŋa ghuni! ka ta mnay inda mnduha ta zɗaku ta kaghuni, kabga mantsa si ta mna dzidzíha taŋ ta ghəŋa la ghwaɗaka anabiha ghalya. »

Yuhwana 10:12

Mndu ta ngha tuwak ta plə lu nda pla ŋa ni ná, ŋa ni a tuwakha wu na, nghay ni ta kramtak mtak ta sagha ya ná, hwayaghuta ni ka zlanavatá tuwakha, ŋa valafta kramtak mtak ta tuwakha, ka kwitanatá həŋ.

Slna gwal ghunay 13:40

Ɗaswa ka kuni tama, da slaghunaghatá skwi mnə la anabi kazlay:

Slna gwal ghunay 13:6

Ka tadaptá həŋ ta tsa haɗik ya ka ɓhadaghata da luwa Pafus. Ka slanaghatá həŋ ta sana ɗəgha, ta hgu lu ka Baryusuwa, sana mnda la Yahuda ya ta niŋtá ghəŋa ni ka anabi.

Galat 2:4

Sab sa gwaɗa ta tsa fafaɗ kabga mamu sanlaha ma zwana ma ka ghwaɗak ta kɗikadamta nzamta mataba ŋni, ŋa ɓadza tsa flauʼwatá vgha ŋni ma Yesu Kristi ya. Ta kumay həŋ ta niŋnista ka vuʼa zlaha Musa.

Afisus 4:14

Nda tsaya tama ná, nzata a mu manda zwani wa. Nanglafta a gwal tsakalawi ta amu nda tsa ghwaɗaka skwa taŋ ta tagh həŋ ya ŋa zaɗimista ma tvi, manda kwambalu ta klambaraku ta ghəŋa drəf wa.

Afisus 5:6

Yaha mnduha da nanaghatá kaghuni nda tsakalawa taŋ. Ta ghəŋa tsa ghwaɗaka skwiha ya ta ɓasa Lazglafta ta ŋuɗuf dzaʼa kəl tsi ka tsanaghatá guma ta gwal ta maga tsa ghwaɗaka skwiha ya.

Filip 3:2

Mantsa tama, ɗasuwa ka kuni nda gwal ta maga ghwaɗaka slna, tsa la kriha ta ndana ɗatsiŋtá fafaɗ ya.

Kwalus 2:8

Ɗaswa ka kuni, da nanaghata mnduha ta kaghuni nda ndana ghəŋa haɗik, ka nda baru ta sabi ma ndana ghəŋa mnduha ta sladafta ta mbrakwa ghəŋa haɗik, kul haɗ Kristi ya a tsi.

2Tim 3:13

Ama ghwaɗaka mnduha nda gwal nənɓa mnduha ná, ta kəma ta kəma ta ɓadzakwa nzakwa taŋ. Dzaʼa nənɓap nənɓa həŋ ta sanlaha, dzaʼa nənɓap nənɓa həŋ ta ghəŋa taŋ guli.

2Tim 4:3

kabga mamu sana fitik dzaʼa sagha ŋa kwala mnduha kul snəgəltá vərɗaka tagha skwi. Ŋa laghwa taŋ sna skwi ya ta kum ghəŋ taŋ. Ŋa laghwa taŋ da mbala ghwaɗaka gwal tagha skwi ŋa taghanatá skwi ya ta kum həŋ.

2 Piyer 3:17

Kaghuni graha ɗa ya ta ɗvu yu, snaghunam sna lu ndana tama. Ɗasuwa ka kuni, yaha krughuva ghwaɗaka mnduha da zaɗighunista da tsaghutá kuni ta vgha ta fatá ghəŋa ghuni.

1 Yuhwana 4:1

Zwana ma ɗa, ma gi sna kuni ta gwaɗa mndu ta mnay kazlay: Mamu Sulkuma Lazglafta ma iʼi kəʼa ya. Ɗaslawa tsa skwi ta mnə tsi ya karaku, ka mamu Sulkuma Lazglafta mida, ka haɗ wa a tsi. Kəl yu ka mna tsaya ná, kabga nda ndəgha ghwaɗaka anabiha ta sliʼagapta ta ghəŋa haɗik.

Yuda 1:4

Klə yu ka mna tsaya ná, nda ndəgha mnduha ta kɗikadamta da taba ghuni, ka ɓadza zɗakatahuɗa Lazglafta. « Lma a Lazglafta ta magay mndu ta ghwaɗaka skwi ta kum mndu wu, » ka həŋ ta mnay. Mantsa ya vziŋta həŋ ta *Yesu *Kristi ta nzakway ka Mgham ta ghəŋa amu. Mndərga tsa mnduha ya ná, nda ghada vinda ta tsatá guma ta ghəŋa taŋ daga ghalya.

Suna Yuhwana 16:13

Ka nghaŋtá yu ta saba ghwaɗaka sulkumha hkən manda kləŋ manda kləŋ ma wa makɗakatandaŋ, nda ya ma wa nimtak, nda ya ma wa ghwaɗaka anabi.

Suna Yuhwana 17:6

Ka nghə yu ta ghuyatá tsa marakw ya da usa mnduha Lazglafta, nda ya da usa masləmtsəkha *Yesu. Na tsa nghaŋtá ɗa mantsa ya ná, ka ndərmimə yu nda ndermima katakata.

Suna Yuhwana 19:20

Ka gi ksuta lu ta tsa nimtak ya kawadaga nda tsa ghwaɗaka anabi si ta magatá mazəmzəmha ta kəma tsa nimtak ya. Nda tsa mazəmzəmha maga tsi ya nanaghata tsi ta gwal ta tsuʼaftá ŋizla tsa nimtak ya ka tsəlɓu ŋa skwa wuyay ni ya. Ka pghaghatá lu ta həŋ his his ta ndiri ta ndiri da duda vu ghandand.

Suna Yuhwana 20:10

Ka gi klaftá lu ta tsa halaway ta nana həŋ ya ka vzaghata da duda vu ghandand ma vli hada tsa nimtak nda ghwaɗaka anabi ya, ŋa giri ŋa taŋ hada nda fitik tani, nda rviɗik tani ha ŋa kɗekedzeŋ.