Mata 6:9 - Hdi

⁹ Wya ka kuni da maga duʼa tama: « Da ŋni ta nzakway ta luwa, ka snava sna hga gha nda ghuɓa.

Mata 6:9 ပူးပေါင်းရင်းမြစ်များ

2Sam 7:26

Ka ŋla hga gha ŋa ɗekɗek, ka mna dər wati ma mndu kazlay: “Yawe mghama gwal vulu, na Lazglafta la Israʼila kəʼa.” Ka nza la ga kwalva gha Dawuda nda diha ta kəma gha!

1Mgh 8:43

Snaga sna daga ta luwa, ma vla nzakwa gha, ka tsuʼanafta ka ta inda skwi ya dzaʼa ɗawaghata tsi! Mantsa ya, dzaʼa snaŋta inda mndəra mnduha ta ghəŋa haɗik ta hga gha, ŋa zləŋay taŋ ta kagha manda ya ta mag mnduha gha, la Israʼila, dzaʼa snaŋ sna həŋ kazlay na ŋa vlaŋtá glaku ta hga gha bafta yu ta na həga na kəʼa.

1Rus 17:24

Ka maga maga tsi kahwathwata, ka ŋla hga gha ŋa ɗekɗek, ka mna dər wati ma mndu kazlay: “Yawe mghama gwal vulu, na Lazglafta la Israʼila, tsatsi Lazglafta ta ghəŋa la Israʼila kəʼa.” Ka nza la ga kwalva gha Dawuda nda diha ta kəma gha!

2Rus 20:6

kaʼa mantsa: « Yawe, Lazglafta dzidzíha ŋni, kagha a Lazglafta ta luwa wu ra? Kagha a ta nzanaghatá inda gá mghama mndəra mnduha wu ra? Ma dzva gha prəsl nda mbraku, haɗ mndu ta laviŋtá ŋaŋta da kagha wa.

Nəhemiya 9:5

Ka la Levi i Yəhusuwa, nda Kadmiyel, nda Bani, nda Hasabniya, nda Sereviya, nda Hudiya, nda Səbaniya, nda Pətahya mantsa: « Sliʼafwa sliʼa, zləzləvawa Yawe, Lazglafta ghuni dər yawu tsi ŋa ɗekɗek. Ka zləzləva inda mndu ta glakwa hga gha ta malaptá inda zləzləvu nda inda ghubu, » ka həŋ.

La Levi 10:3

Ka Musa nda Haruna mantsa: « Nana na skwi si mna Yawe kazlay na: “Dzaʼa maraŋ mara yu ta nzakwa ɗa nda ghuɓa, ŋa gwal ndusa nda iʼi. Dzaʼa zlagigiŋ zlaga yu ta glakwa ɗa, ta kəma inda mnduha,” » kaʼa. Ka nzatá Haruna tsəriɗ.

Mata 10:29

Haɗ lu ta skwaptá tiyti his ta kwaɓu ra? Kulam nda tsa ná, haɗ ya dər turtuk ma həŋ dzaʼa zaɗavaghuta kul ɗvaftá Da ghuni wa.

Mata 23:9

Ma hgə kuni ta mnda səla ta ghəŋa haɗik ka “Da” kabga turtuktuk Da ghuni ta nzakway ta luwa.

Mata 26:29

Ka yu ta mnaghunata ná, haɗ yu dzaʼa səglaŋtá na ima inabi na wu, ha ka sagha fitik ya dzaʼa kəl yu ka səgəltá lfiɗa ni kawadaga nda kaghuni ma ga mghama Da ɗa, » kaʼa.

Mata 26:42

Ka zəgladaptá tsi dawʼ ka mahis, ka ndəɓəgəltá dzvu, kaʼa mantsa: « Da ɗa, ka va a ka ta diʼiŋaghuta na leghwa ghuya ɗaŋwa na nda iʼi wu katsi, ka nda nza tsi ŋa say ɗa ná, ka maga tsi manda ya kumaŋ ka, » kaʼa.

Mata 5:16

Manda tsaya dzaʼa tsuwaɗakakwa tsuwaɗaka ghuni ta kəma mnduha, kada nghaŋta həŋ ta ŋərma slna ta mag kuni, ŋa zləzlvay taŋ ta da ghuni ta luwa. »

Mata 5:48

Nzawa nza ka vərɗa mndu manda va nzakwa Da ghuni ta luwa ka vərɗa mndu ya. »

Mata 6:14

« Ka plinis pla kuni ta dmakwa mnduha ta magaghunata katsi, Da ghuni ta nzakway ta luwa ná, dzaʼa plighunis pla ta ŋa ghuni guli.

Mata 6:6

Ama kagha, ka ta maga duʼa ka, laghu la da dzuguva gha, ka hafta ka ta tgha gha ka ndəɓa ka ta dzvu. Dzaʼa plagham pla Da gha ta nzakway ta nghay ma ɗifa ya.

Mata 7:11

Ka si kaghuni ta nzakway ka ghwaɗaka mnduha, nda sna kuni ta klaftá ŋərma skwiha ka vlaŋtá zwana ghuni ya ní, Da ghuni ta luwa yeya dzaʼa kwal kul snaŋta klaftá skwiha ɗina ɗina, ka vlaŋtá gwal ta ɗawaŋta da tsi rki? »

Lukwa 15:18

Dzaʼa vru yu da da ɗa. Vradaghata ɗa ya, da! magana maga yu ta dmaku ta Lazglafta, maga gha maga yu ta dmaku guli,

Lukwa 15:21

“Ari Da! magana maga yu ta dmaku ta Lazglafta, maga gha maga yu ta dmaku ta kagha guli, rgla a yu ka hgəgəlta ka zwaŋa gha wu,” ka tsa zwaŋ ya nda tsi.

Lukwa 2:14

« Glaku ŋa Lazglafta ta luwa, zɗaku ta ghəŋa haɗik mataba mnduha ɗvu tsi. »

Yuhwana 20:17

« Ma ŋiha ka, ta laf a yu da Da ɗa karaku wu, la da mnay ŋa zwana ma ɗa kazlay: Ta dzaʼa da Da ɗa ta nzakway ka Da ghuni yu, da Lazglafta ta nzakway ka Lazglafta ghuni ya yu guli, » ka Yesu nda tsi.

La Ruma 1:7

Inda kaghuni ta nzakway ma luwa Ruma, ɗvu ɗva Lazglafta ta kaghuni, ka hgaftá tsi ta kaghuni ŋa nzakway ka ŋa ni. Ka nza zɗakatahuɗa Da mu Lazglafta nda Mghama mu Yesu Kristi ta ghəŋa ghuni.

La Ruma 8:15

Tsa Sulkum vlaghuna Lazglafta ya ná, haɗ ta nighunista ka vuʼa ŋa zləŋglay ghuni ta zləŋ wa. Tsa Sulkum ya ná, naghunaf na ka zwana Lazglafta. Nda ma tsa Sulkum ya ta hga mu ta Lazglafta ka « Aba, Da! » kəʼa.

Galat 1:1

Nana ɗelewer na ná, iʼi Pwal ta nzakway ka mnda ghunay ta vindaghunafta. Daga da mnduha a sagha tsa nzakwa ɗa ka mnda ghunay ya wu, sana mndu a guli ta klaɗiktá lwa ni wa. I *Yesu *Kristi nda Lazglafta Da ta sliʼaganaptá Yesu ma mtaku ya, ta ghunaftá iʼi.

Galat 4:6

Ŋa maraŋta kazlay: Zwana ni kuni kəʼa, ka ghunagatá Lazglafta ta Sulkuma zwaŋa ni da ŋuɗufa mu. Tsa Sulkum ya ta mnay kazlay: Aba! Da! kəʼa.

1Tim 6:16

Tsatsi turtukwa ni kul haɗ ta mtavata, ta nzaku ma tsuwaɗak kul laviŋtá mndu ta ɓhanavata. Haɗ mndu ta kəɗ nghaŋta wa. Haɗ mndu dzaʼa laviŋtá nghaŋta guli wa. Ŋa ni glaku, nda mbraku, ŋa kɗekedzeŋ. Amin!

1 Piyer 1:17

Ka ta hgay kuni ma duʼa ghuni ka « Da » ta Lazglafta, ya ta tsa guma ta ghəŋa inda mndu taɓta slna ni maga tsi kul gala mndu nda gala ya, nzawa nza nda zləŋay ma na nzakwa ghuni tata na ghəŋa haɗik na.

Suna Yuhwana 4:11

« Mghama ŋni, Lazglafta ŋni, kagha ta zlaganaptá inda skwi. Manda ya ɗvaf ka zlaganapta ka ta həŋ, Ka gi nzaku həŋ. Tsaya tama kəl tsi ka nzakway ka skwi nda ra ka vlaghata glaku, nda zləzlvu. Ŋa gha mbraku guli, » ka həŋ.

Suna Yuhwana 5:12

Ka həŋ nda lwi dagala dagala mantsa: « Tsa Zwaŋa Tuwak si dza lu ya kay ná, raŋra zlghafta ni ta ga Mgham, nda gadghəl, nda ɗifil, nda mbraku, nda zləzlvu, nda glaku, nda ghubu, » ka həŋ.