Mata 6:30 - Hdi

³⁰ Ka si mantsa ya ta suɗanavata Lazglafta ta lgut ɗina ta kuzuŋ gita, ga mahtsima ni ŋa vzamta da vu ya ní, kaghuni yeya dzaʼa kwal tsi suɗavaghunata tama rki? Kay! Nda hta zlghay nda ŋuɗufa ghuni.

Mata 6:30 ပူးပေါင်းရင်းမြစ်များ

Mata 14:31

Ka gi fadaptá Yesu ta dzvu ka ŋanata. « Nda hta zlghay nda ŋuɗufa gha, kabgawu kəl ka ka dga ghəŋ na? » kaʼa nda tsi.

Mata 16:8

Ka Yesu nda həŋ snaŋər tsi ta tsa ndana taŋ ya mantsa: « Slaghwa a zlghay nda ŋuɗuf da kaghuni wa. Kabgawu ta kəl kuni ka ndanay kazlay: Haɗ skwa zay da amu wu kəʼa na?

Mata 17:17

Ka Yesu mantsa: « Kaghuni mnduha ta na fitik na, haɗ zlghay nda ŋuɗuf da kaghuni wa. Ta maga ghwaɗaka skwi kuni. Ha ŋa yawu dzaʼa gɗavata yu ta vata kaghuni na? Klagaɗighawa tsa zwaŋ ya da hadna, » kaʼa.

Mata 8:26

Ka Yesu nda həŋ mantsa: « Nu ta kəl kuni ka zləŋ. Kay! Nda hta zlghay nda ŋuɗufa ghuni, » kaʼa. Ka sliʼaftá tsi ka davanaghatá falak nda drəf, ka nzatá vli tɓekw.

Markus 4:40

Ka mbəɗavatá tsi təv duhwalha ni. Kaʼa nda həŋ mantsa: « Nu ta kəl kuni ka zləŋ manda na na, kulam ndana, haɗ zlghay nda ŋuɗuf da kaghuni ɗekɗek katək ra? » kaʼa nda həŋ.

Markus 9:19

Ka Yesu nda həŋ mantsa: « Ghwaɗaka mndəra mnduha kul haɗ zlghay nda ŋuɗuf da həŋ! Ŋa kulam yawu dzaʼa nzata yu ta vata kaghuni? Ŋa kulam yawu dzaʼa nzata yu ka suʼuwaghunata? Klagaɗighawa tsa zwaŋ ya, » kaʼa nda həŋ. Ka klədanaghatá lu.

Lukwa 12:28

Ka gita u na ka Lazglafta pghanavatá rka ta kuzuŋ ma vwah ná, gi ga mahtsima ni ŋa driŋta nda vu. Kaghuni yeya dzaʼa kwal tsi suɗavaghunatá lgut tama rki? Nahgani ta htiŋtá zlghay nda ŋuɗufa ghuni? Nu kul laviŋtá kuni ta faftá ghəŋ?

Lukwa 9:41

Ka Yesu mantsa: « Gwal təŋ təŋa ghəŋa taŋ kul haɗ zlghay nda ŋuɗuf da həŋ, kulam ŋa yawu dzaʼa nzavaghunata yu? Kulam ŋa yawu dzaʼa nzata yu ka suʼaghunata? Klak tsa zwaŋa gha ya da hadna, » ka Yesu nda tsa mndu ya.

Yuhwana 20:27

« Wya dzvuha ɗa ksaŋ ksa nda ndəfiŋa gha, wya ŋwazliɓa ɗa guli, ksaŋ ksa nda dzva gha, ka zlaŋta ka ta dga ghəŋ, ka zlghafta ka nda ŋuɗuf, » kaʼa nda Tuma.

Hebru 3:12

Ɗasuwa ka kuni zwana ma ɗa, yaha ya dər turtuk mataba ghuni da nzata nda ghwaɗaka ŋuɗuf ka zlanavatá Lazglafta ta vla hafu ya.

1 Piyer 1:24

Ka lu vindafta ma deftera Lazglafta na: « Inda mnda səla ná, manda kuzuŋ nzakwa ni. Sgita ni guli ná, manda vzlizla kuzuŋ nzakwa ni guli.