Mata 6:2 - Hdi

² « Ta vlə ka ta skwi ŋa pɗu ya, ma ghubu ka ta ghəŋa gha ta ghəŋa ni, manda ya ta mag gwal ta maga maɗgwirmaɗgwir ma həga tagha skwa la *Yahuda, nda ya ta pazlala, ŋa ghubaku da mnduha ya. Kahwathwata ka yu ta mnaghunata, mutsu mutsa həŋ ta nisəla taŋ.

Mata 6:2 ပူးပေါင်းရင်းမြစ်များ

Mata 15:7

Tsa maɗgwirmaɗgwira ghuni ya! Nda tva ni tsa klatá lwa Lazglafta klak Isaya ta ghəŋa ghuni ta mnay kazlay:

Mata 16:3

Nghay ghuni ta ŋəra ta vli ma mndəra luwa ga sərɗək ya guli na: “Dzaʼa ghubugwa vli gita,” ka kuni ta mnay. Nda sna kuni ta dganatá skwiha ya ta magaku ta luwa, ama sna a kuni ta dganatá ŋizla skwiha ya ta magaku nda fitika ni wa.

Mata 22:18

Tsaw nda sna Yesu ta tsa ghwaɗaka ndana taŋ ya. Kaʼa nda həŋ mantsa: « Tsa maɗgwirmaɗgwira ghuni ya. Kabgawu ta kəl kuni ka dzəgha iʼi na?

Mata 23:5

Inda slna ta mag həŋ ná, ta magay həŋ ŋa nghay wa ira mnduha. Mantsa ya ná, ɓərzləzla ka hahəŋ ta mbaghaftá ŋa taŋ ayaha ta fuŋta ta wa bizlbizla kuma, nda ya ta dzvu. Zutut ka həŋ ta zlaŋtá dzva lguta taŋ.

Mata 23:6

Vli nda paya ta kəma ŋa taŋ ta zbay ŋa nzakwa taŋ ma fitika za skwa zay ta badawa. Vli nda paya ta kəma guli ta zbə həŋ ŋa nzakwa taŋ ma həga tagha skwa la *Yahuda.

Mata 24:51

Dzaʼa ɗgapɗga daŋahəga ni həga ni, ŋa tsanaghatani ta guma kawadaga nda la ghwaɗak, ŋa taway tsa kwalva ya ta taw, ka hpaɗa sliʼiŋa ni hada, » kaʼa.

Mata 5:18

Kahwathwata ka yu ta mnaghunata: Ka ta tekeʼa luwa nda haɗik katsi, haɗ sana skwi dər neɗ, dər ndəheɗ dzaʼa wuɗanaghuta lu mataba zlaha Musa, ha ka lagha ni ta fitika kɗavakta inda skwi wa.

Mata 6:16

« Ka ta suma kuni, ma pslaf kuni ta kuma manda ya ta mag ghwaɗaka mnduha. Ta pslafpsla həŋ ta kuma, kabga ŋa nghay mnduha kazlay: Ta suma həŋ kəʼa. Kahwathwata ka yu ta mnaghunata, mutsu mutsa həŋ ta nisəla taŋ nda tsaya.

Mata 6:3

Ama kagha, ta mbəhu ka ta pɗu ya, ma snaŋ dzva zlaɓa gha ta skwi ta mag dzva zeghwa gha.

Mata 6:5

« Ta ndəɓu kuni ta dzvu, ma nza kuni manda ŋa gwal ta maga maɗgwirmaɗgwir zɗəgana maga duʼa ta həŋ ta sladu ta sladu ma həga tagha skwa la *Yahuda, nda ya ta wa madədga tvi ŋa nghaŋta mnduha ta həŋ ya. Kahwathwata ka yu ta mnaghunata, mutsu mutsa həŋ ta nisəla taŋ.

Mata 7:5

Tsa maɗgwirmaɗgwira gha ya. Tiŋəl ká ka kliŋtá dughusl ma ira gha karaku, kada nghaŋta ka ta vli ŋa kligiŋtá slimbitsa udzu ma ira zwaŋama gha. »

Markus 12:39

Ta zbay həŋ ta vla nzaku ta kəma ma həga ta kəl lu ka tagha skwa la *Yahuda. Vla nzaku ɗina ta zbə hahəŋ ma vla za skwa zay guli.

Markus 7:6

Ka Yesu nda həŋ mantsa: « Tsa maɗgwirmaɗgwira ghuni ya. A ta ŋa Isaya ta mnay ta ghəŋa ghuni, manda ya nda vinda mnə na Lazglafta kazlay: nana mnduha na ná, ta wubisim ta wubisim ta zləzlva həŋ ta iʼi. Ma ŋuɗufa taŋ ná, ɗva a həŋ ta iʼi wa.

Lukwa 11:41

Klawa skwi ma leghwa ghuni nda ya ma hliba ghuni, ka vla kuni ŋa gwal ka pɗu, tsaya dzaʼa kəl inda skwi ka nzaku tsuweɗaka da kaghuni.

Lukwa 11:43

« Ɗaŋwa ŋa ghuni la Farisa! Ta laghu la kuni ɗvaftá taŋtaŋa vla nzaku ma həga tagha skwa la *Yahuda, ta kumay kuni ta gagay mnduha ta zgu ŋa ghuni ta dawadawa.

Lukwa 12:33

Dzawiŋwa dzawa ta skwiha ghuni, ka dgiŋta kuni ŋa gwal ka pɗu ta tseda ni. Tskawa tseda ghuni ma vəl dzaʼa kwal kul ɓadzavata ta nzakway ta luwa. Hada, ksaŋta a ghali wu, ksaŋta a hzay guli wa.

Lukwa 12:56

Tsa maɗgwirmaɗgwir maɗəgwira ghuni ya! Nda sna kuni ta dganatá skwiha ta magaku ta haɗik nda ya ta luwa, waká kuni traptá snaŋtá dganatá skwiha ta magaku ma na fitik na tama? » kaʼa.

Lukwa 13:15

« Tsa maɗgwirmaɗgwira ghuni ya! Haɗ inda kaghuni ta pla sla ni ka kəɗiha ni a tsi ta wa guduk ka klay da vla sa imi baɗu Sabat wu ra?

Lukwa 20:46

« Ɗaswa ka kuni nda gwal tagha zlahu zɗəgana wawaku ta həŋ nda lgut zutututa ta kuma gagay lu ta zgu ŋa taŋ ta dawadawa ya. Vla nzaku ta kəma ŋa taŋ ta zbay ma həga tagha skwa la *Yahuda nda ya ma vla za skwa zay.

Lukwa 6:24

Ɗaŋwa ŋa ghuni kaghuni gwal ka gadghəl, kabga nda ghada mutsuta ghuni ta ŋa ghuni zɗaku.

Lukwa 6:42

Waká kagha ta mnay ŋa zwaŋama gha kazlay: Yaha ka klighista yu ta hiwir ma ira gha kəʼa, ya ngha a kagha ta dughusl ma ŋa gha iri na? Mndəra wa ni ma maɗgwirmaɗgwir tsa? Kligiŋ kla karaku ta dughusl ma ŋa gha iri, kada nghaŋta ka ta vli ŋa laviŋtá kligiŋtá hiwir ma ira zwaŋama gha. »

Yuhwana 13:29

Zlah la skwaktá skwi ŋa za skalu, ka la valaŋtá skwi ta gwal ka pɗu a ka Yesu nda tsi, ka sanlaha ta ndanay, kabga da Zudas zliba tska skwa taŋ.

Yuhwana 5:41

« Da mnda səla a ta mutsa iʼi ta glakwa ɗa wa.

Yuhwana 5:44

Kaghuni gwal ta ɗva glaku da sani nda sani, ka kwalaghutá zba glaku daga da Lazglafta turtukwa ni, waká kuni má dzaʼa zlghafta na?

Yuhwana 7:18

Mndu ta mna gwaɗa ta ghəŋa ghəŋa ni ná, ghəŋa ni ta ghubu tsi. Mndu ta zba vlaŋtá glaku ta mndu ya taghunafta, vərɗa mndu tsa mndu ya, ghwaɗaka mndu a wa.

Slna gwal ghunay 10:2

Ŋərma mndu tsa mndu ya nda gwal ga taŋ tani. Ta zləŋay ta Lazglafta, dagala mnduha la *Yahuda mbaha tsi. Ta magay ta duʼa da Lazglafta inda fitik.

Slna gwal ghunay 10:31

Kaʼa nda iʼi mantsa: « Kwarney, sna sna Lazglafta ta duʼa gha, havap hava guli ka mbaha mnduha ta mbah ka.

Slna gwal ghunay 10:4

Ka nghə tsi ta tsa duhwala Lazglafta ya nda zləŋ nda zləŋ. Kaʼa mantsa: « Nya ní Mghama ɗa! » kaʼa. « Ɓhadafɓha tsa maga duʼa ta mag ka ya, nda tsa mbaha mnduha ta mbah ka ya da Lazglafta, kəl tsi ka havapta ka kagha.

Slna gwal ghunay 11:29

Ka gwal zlghay nda ŋuɗuf sladanata mantsa: « Inda mndu, ka vla tsi ta skwi ya laviŋ tsi ta vlay ŋa tsghay ŋa kata zwana ma ta nzaku ma haɗika Zudiya, » ka həŋ.

Slna gwal ghunay 24:17

« Nda kɗa fitika ɗa manda dgata ɗa ta vgha nda Ursalima, kəl yu ka vradaghata, ka kladanaghata nda tsedi ŋa kataŋtá mnduha ɗa, nda ya ŋa planatá ghəŋ ta Lazglafta.

Slna gwal ghunay 9:36

Mamu sana marakw ma luwa Yafu ta hgə lu ka Tabita mataba gwal zlghay nda ŋuɗuf. Tsaya « Durkas » nda gwaɗa *Grek, manda mnay kazlay: Madva kəʼa ya. Dagala ŋərma skwi maga tsi, ta katay ta gwal ka pɗu.

La Ruma 12:8

Ka vla mbraku ŋa mnduha vlaŋ Lazglafta ta mbrakwa ni ta sani ya, ka vla tsi ta tsa mbraku ya ŋa taŋ. Ka muvla vlaŋ Lazglafta ta mndu ya, ka vla tsi nda kwal kul tha madər mista ni. Ka nzaku ka mali ta ghəŋa sanlaha vlaŋ Lazglafta ta mndu ya, ka nza tsi kwats kwats ma slna ni. Ka tawa hiɗahiɗa ta mndu vlaŋ Lazglafta ta sani ya, ka maga tsi nda rfu.

1Kwa 13:3

Dər má hlafha yu ta inda skwa ɗa ka daganaftá gwal ka pɗu, dər má vlaha yu ta ghəŋa ɗa ŋa pla ghəŋ, ka haɗ yu ta ɗvutá mndu wu katsi, haɗ sana skwi dzaʼa kataɗifta tsaya wa.

Galat 2:10

Ka havapta kuni ka gwal ka pɗu, ka həŋ yeya skwi mnaŋna həŋ. Ka mag yu guli ta tsa slna ya.

Afisus 4:28

Ka si ta ghali mndu katsi, yaha tsi da ghalgəltá ghali, ka maga tsi ta slna nda dzva ni ŋa kata ghəŋa ni, nda ya ŋa mutsafta ni ta skwi ŋa kataŋtá la ka pɗu.

1Tes 2:6

Ŋəvaŋ a aŋni ta rfaŋnaghata mnduha, dər kaghuni, dər sanlaha ma mnduha wa.

1Tim 6:18

Mnana mna ta həŋ ka maga həŋ ta zɗaku. Ka sganaghata həŋ ta maga skwiha ɗina ɗina. Mnana mna ta həŋ ka muvla həŋ ta muvla, ka vla həŋ ta skwi ŋa kataŋtá sanlaha nda tsi.

Filimuŋ 1:7

Zwaŋama ɗa, mndərga tsa ɗvuta ɗvu ka ta gwal zlghay nda ŋuɗuf ya ná, vliha vla ta rfu, ta ufiha ta vgha guli, kabga ɗvu ɗva ka ta gwal zlghay nda ŋuɗuf, ka mbanaftá həŋ.

Hebru 13:16

Yaha kuni zlanatá maga zɗaku, nda kataŋtá mndu, kabga mndərga tsa skwiha ta vlata həŋ ya ta zɗəganatá Lazglafta.

1 Piyer 4:11

Ka vlaŋ vla Lazglafta ta mbrakwa gwaɗa ta mndu katsi, ka mna tsi ta skwi mnana Lazglafta. Mndu ya vlaŋ Lazglafta ta mbrakwa maganatá slna ta mndu guli, ka maga tsi nda mbraku ya vlaŋ Lazglafta. Magawa maga mantsa ya ŋa zləzlvay mnduha ta Lazglafta ma inda skwi, kabga Yesu Kristi. Ŋa ni glaku, nda mbraku, ŋa kɗekedzeŋ. Amin!

1Sam 15:30

Ka Sawulu mantsa: « Gaga yu ta dmaku! Wya dzvu, vliha vla ta sgit ta kəma la galata mnduha ɗa, nda ya ta kəma la Israʼila. Vra kawadaga nda iʼi, dzaʼa tsəlɓatá yu ta kəma Yawe, Lazglafta gha, » kaʼa.