Mata 6:16 - Hdi

¹⁶ « Ka ta suma kuni, ma pslaf kuni ta kuma manda ya ta mag ghwaɗaka mnduha. Ta pslafpsla həŋ ta kuma, kabga ŋa nghay mnduha kazlay: Ta suma həŋ kəʼa. Kahwathwata ka yu ta mnaghunata, mutsu mutsa həŋ ta nisəla taŋ nda tsaya.

Mata 6:16 ပူးပေါင်းရင်းမြစ်များ

2Sam 12:16

Ka ndəɓu Dawuda ta dzvu da Lazglafta ta ghəŋa tsa zwaŋ ya, ka sum tsi ta suma. Laghwa ni dzagha, ka hanatá tsi ɓərgədaʼ ta haɗik patsuweɗ vli.

2Sam 12:21

Ka kwalvaha ni nda tsi mantsa: « Nahgani kəl ka ka magay manda na katək na? Ma fitika nzakwa tsa zwaŋ ya ta ndiri ná, si ta suma ka, ka taw dabga ni. Ndanana manda mtata ni ná, ka sliʼaftá ka, ka za skwa zay! » ka həŋ.

1Mgh 21:27

Snaŋta Ahav ta tsa gwaɗa Iliya ya, ka kwahiŋtá tsi ta lguta ni, ka favatá buhu ta vgha, ka suma. Ka han tsi nda tsa buhu ya nda tsa buhu ya, ka mbaɗ tsi ta mbaɗa zehha.

Nəhemiya 1:4

Na snaŋta ɗa ta tsa gwaɗa ya, ka nzata yu, ka taw yu ta taw, kidaghi fitika ɗa ma taw, ka sumə yu ta suma, ka mag yu ta duʼa ta kəma Lazglafta ta luwa,

Asta 4:16

« La ka tskanata ka ta inda la Yahuda ma Susaŋ, ka maga kuni ta sumay ta ghəŋa iʼi. Yaha kuni da za skwi, dər sa skwi ma fitik hkən, nda fitik tani, nda rviɗik tani. Dzaʼa sumay iʼi guli manda va tsaya, nda kwalvaha ɗa tani. Tahula tsaya ŋa sliʼafta ɗa ka lam da mgham, dər má mna a zlahu. Ka ŋa mtakwa ɗa tsi, dzaʼa mtay yu, » kaʼa.

Danyel 9:3

Ka zlraftá yu ta suma, ka favatá buhu ka buhwavatá hutiɗif, ka mbəɗavatá yu təv Mgham Lazglafta ka maga duʼa da tsi nda taw nda taw.

Mata 6:1

« Ɗasuwa ka kuni ta mag kuni ta skwi tɗukwa, yaha kuni da magay ŋa ghubaku ta wa ira mnduha. Ka mantsa tsi ná, mutsafta a kuni ta nisəla ghuni da Da ghuni ta nzakway ta luwa wa.

Mata 6:2

« Ta vlə ka ta skwi ŋa pɗu ya, ma ghubu ka ta ghəŋa gha ta ghəŋa ni, manda ya ta mag gwal ta maga maɗgwirmaɗgwir ma həga tagha skwa la *Yahuda, nda ya ta pazlala, ŋa ghubaku da mnduha ya. Kahwathwata ka yu ta mnaghunata, mutsu mutsa həŋ ta nisəla taŋ.

Mata 6:5

« Ta ndəɓu kuni ta dzvu, ma nza kuni manda ŋa gwal ta maga maɗgwirmaɗgwir zɗəgana maga duʼa ta həŋ ta sladu ta sladu ma həga tagha skwa la *Yahuda, nda ya ta wa madədga tvi ŋa nghaŋta mnduha ta həŋ ya. Kahwathwata ka yu ta mnaghunata, mutsu mutsa həŋ ta nisəla taŋ.

Markus 2:18

Tata suma i duhwalha Yuhwana nda la *Farisa ma sana fitik guli, ka sliʼaktá mnduha ɗawaŋta da *Yesu. Ka həŋ mantsa: « Ya wya ta suma i duhwalha Yuhwana nda la Farisa ní, kabgawu ta kwal ŋa gha ma duhwalha suma ka na? » ka həŋ nda tsi.

Lukwa 18:12

Fitik his ta fata yu ka suma ma luma, ta vlay yu ta skwi turtuk ŋa gha ma skwiha ɗa ghwaŋ kəʼa.”

Lukwa 2:37

ka nzaku tsi ka wadgu. Tghas mbsak fwaɗ mida ima ni. Ma həga Lazglafta ta nzakwa tsi ta ksanatá slna nda fitik tani nda rviɗik tani, nda ma maga duʼa nda suma.

Slna gwal ghunay 10:30

Ka Kwarney mantsa: Mafwaɗa fitik na, manda va na luwa, ta maga duʼa yu ma həga ɗa ta nzəmndi hkən, ka gi sagha sana mndu nda suɗatá lguta ŋusliŋ tilil ta vgha ni ta kəma ɗa.

Slna gwal ghunay 14:23

Ka paghanamtá həŋ ta gwal ŋa ngha mnduha ta həŋ ma inda vla guyatá ghəŋa mnduha Lazglafta. Tahula ndəɓata taŋ ta dzvu kawadaga nda suma, ka fanamtá həŋ ta tsa mnduha ya ma dzvu ta Lazglafta, ya zlghaf həŋ.

1Kwa 7:5

Ka dzraf nda dzra a kuni ŋa fitik rets kabga ŋa maga duʼa wu katsi ná, yaha sani da kwalaghutá vla vgha ni ŋa sani. Tahula tsaya, ka vrəglanafta kuni ta guya vgha ghuni manda va ya snu kuni, da traptá kuni ta ŋafta ghudzaku ma vgha ghuni, da mutsaftá halaway ta ghurum ŋa ŋraptá kaghuni.

2Kwa 11:27

Tazlay ná, ta hərfu hərfa yu, ta duda vgha ɗa ta maga slna, haɗ yu ta faftá hani ta iri baɗu ma sani wu, baɗu ma sani ta dzay maya nda ndala ta iʼi, haɗ yu ta mutsaftá skwa zay baɗu ma sani wu, ta dzay mtasl ta iʼi, ta pɗa pɗa yu ta lgut ŋa fafta ta vgha.

2Kwa 6:5

Ta ɗgay lu ta aŋni, ta pghay lu ta aŋni da gamak, ta sliʼanaf sliʼa lu ta zlərɗa wi ka gi dza aŋni, ta ghuyay ŋni ta ɗaŋwa ta maga slna, haɗ ŋni ta faftá hani ta iri baɗu ma sani wu, haɗ ŋni ta ɗaŋtá skwa zay guli wa.