Mata 6:12 - Hdi

¹² Plaŋna pla ta dmakuha ŋni, manda ya ta plinista aŋni ta dmakwa gwal ta magaŋnata.

Mata 6:12 ပူးပေါင်းရင်းမြစ်များ

1Mgh 8:30

Fa fa ta sləməŋ ka sna tawa kwalva gha, nda ŋa mnduha gha la Israʼila, ta mag həŋ ta duʼa nda təv na vli na! Daga ma vli ta nzakw ka ta nzakwa gha, daga ta luwa, tsuʼaŋnaf tsuʼa ta duʼa ŋni, plaŋnaha ka ta dmakwa ŋni!

1Mgh 8:34

snaga sna ta luwa nda gaftək, plana pla ta dmakwa mnduha gha, la Israʼila, ka vraganaghata ka ta həŋ ta haɗik ya vlaŋ ka ta dzidzíha taŋ.

1Mgh 8:39

snaga sna daga ta luwa nda gaftək, daga ma vla nzakwa gha, ka planata ka ta dmakuha taŋ. Maga, ka vlaŋta ka ta dər wati ma mndu taɓta mbaɗa ni, ya nda sna kagha ta ŋuɗufa inda mndu ya. Mantsa nzakwa ni, kagha turtukwa gha nda sna ta ŋuɗufa mnda səla demdem,

1Mgh 8:50

Plana pla ta dmakwa mnduha gha, nda inda bisibisa taŋ ta gavaghata! Kuksa ta gwal ta ŋanatá həŋ ka vuʼa, kada tawata həŋ ta hiɗahiɗa ta həŋ,

Sabi 34:7

Ta maray yu ta zɗaku ŋa mnduha ha ta zivir dəmbuʼ. Ta plana pla yu ta krughuvi ta maga mndu, nda dmakwa bisibisi, nda dmakuha. Ama mndu ksaf dmaku ná, mna a yu kazlay flaʼu vgha gha kəʼa wa. Ta ghuzlanap ghuzla yu ta iri ta zwani, nda zighiha ta ghəŋa dmakwa dadaha taŋ, ha ka lab ta zigha ndindliŋ, ka ta zigha papah a tsi, » kaʼa.

Danyel 9:19

Rvera ɗa, sna! Rvera ɗa, plaŋna pla ta dmakwa ŋni! Rvera ɗa, fa fa ta sləməŋ! Ma tɗə ka ta huɗi ka sawi kataŋtá tsa luwa ya, nda tsa mnduha gha ya tani ŋa vlaŋtá glaku ta ghəŋa gha, Lazglafta ɗa, » kaʼa.

Mata 26:28

kabga nana na ná, usa ɗa ya, usa slərɓa zughu dzaʼa pghiŋta lu ŋa pla dmakwa ndəghata mndu.

Mata 9:2

Ka tsukwadaghatá sana mnduha da tsi ta kativiŋ ta sana mndu nda rwa səla ni. Nghanata Yesu ta zlghay nda ŋuɗufa taŋ, kaʼa nda tsa mndu nda rwa səla ni ya mantsa: « Sagəŋ! Ŋava ŋa gha, nda pla dmakwa gha! » kaʼa.

Markus 11:25

Ka ta maga duʼa kuni katsi, ka wa ya kaʼa mamu dgun ma ŋuɗufa ghuni nda sana mndu katsi, pliniswapla ta dmakwa tsa mndu ya, kada plighunista Da ghuni Lazglafta ta luwa ta dmakuha kaghuni guli.

Lukwa 11:4

plaŋna pla ta dmakwa ŋni, manda ya ta plinista aŋni ta dmakuha gwal ta magaŋnata guli. Ma zlaŋna ka tawa skwi dzaʼa dzəghaŋnata,” » kaʼa.

Lukwa 13:4

Ari tsa mnduha ghwaŋpəɗ tghas ta rwuta ma fitika zləmbanaghata sana həga dagala ma Silwe ta həŋ ya ná, mal ŋa taŋ glakwa dmaku ka pɗakwa sanlaha ma mnduha ma Ursalima a ka kaghuni ta gray na?

Lukwa 6:37

Ma tsanagha kuni ta guma ta mndu. Haɗ Lazglafta dzaʼa tsaghunaghatá guma guli wa. Ma ŋam kuni ta mndu ma ŋuɗuf, haɗ Lazglafta dzaʼa ŋamtá kaghuni ma ŋuɗuf guli wa. Pliniswa dmakwa mnduha, dzaʼa plighunis pla Lazglafta ta ŋa ghuni guli.

Slna gwal ghunay 13:38

Mantsa tama zwana ma, ɗina ka snaŋta ghuni kazlay: Əŋkaʼ a ka tsa Yesu ya kəl lu ka mnaghunaŋta nda pla dmakwa ghuni kəʼa. Trap tra zlaha Musa ta klaptá kaghuni ma tsa dmakwa ghuni ya.

Afisus 1:7

Nda usa ni varata tsi ta amu, amu gwal nda ndiʼa nda tsi, ka plimistá tsi ta dmakuha mu. Mantsa ya maramaŋta Lazglafta ta glakwa zɗakatahuɗa ni.

Afisus 4:32

Ŋərma skwi ká kuni magay mataba ghuni, nzawa nza nda tawa hiɗahiɗa, pluvuswa dmakuha ghuni, manda va ya plaghuna Lazglafta ta dmakuha ghuni nda ma Kristi ya.

Kwalus 3:13

Katuvuswa vgha, pluvuswa dmaku ka mamu skwi gana sani ta sani. Manda va ya plighunis Kristi ta dmakuha ghuni ya ná, pluvuswa dmakwa ghuni guli.