Mata 5:3 - Hdi

³ « Rfu da gwal nda sna ta pɗa taŋ ma Sulkum, kabga ŋa taŋ ga mghama Lazglafta.

Mata 5:3 ပူးပေါင်းရင်းမြစ်များ

2Rus 33:12

Ma tsa nzakwa ni ma ghuya ɗaŋwa ya, ka zbə tsi ta lɓanatá ŋuɗuf ta Yawe, Lazglafta ni, ka hanaganatá tsi ta ghəŋ katakata ta kəma Lazglafta dzidzíha ni.

2Rus 33:19

Ndəɓa dzva ni, nda ya ká Lazglafta tsuʼanaftá tawa ni, inda dmakuha ni nda ghwaɗaka skwiha maga tsi, nda vliha ya babaf tsi ta vliha tskal tskala, nda dzagwatá skwa wuyayha Asera, nda tsatsatá skwa wuyayha makəɗ tsi ka hanaganatá ghəŋ ná, nda vivinda ma ɗelewera Huzay.

2Rus 33:23

Hanagana a ta ghəŋa ni ta kəma Yawe, manda ŋa da ni wa. Ama sgə nda sga tsatsi katək ta gá dmaku.

2Rus 34:27

Tsəhala ta haga madər ka, ka hanaganatá ka ta ghəŋa gha ta kəma Lazglafta ma snaŋta gha ta tsa gwaɗaha ta ghəŋa tsa vli ya, nda ya ta ghəŋa mnduha ni, kabga hanaganata gha ta ghəŋ ta kəma ɗa, ka kuhiŋtá ka ta lguta gha, ka tawatá ka ta taw ta kəma ɗa ya, iʼi guli ná, nda sna yu, ka Yawe mnata.

2Rus 7:14

ka lagha mnduha ɗa, ya ta hgə lu ta həŋ nda hga ɗa ta həŋ, ka hanaganatá ghəŋ, ka ndəɓa dzvu, ka zba iʼi, ka mbəɗanatá hul ta ghwaɗaka tva taŋ katsi, dzaʼa snaga sna yu daga ta luwa, dzaʼa plana pla yu ta dmakwa taŋ, dzaʼa mbanaf mba yu ta haɗika taŋ.

Mata 11:25

Ma va tsa fitik ya, ka *Yesu mantsa: « Ta rfay yu ta kagha Da, Mghama luwa nda haɗik tani, kabga ɗifana ɗifa ka ta na skwiha na da gwal nda ɗifil ma ghəŋa taŋ, nda gwal nda sna ta skwi, ka maranatá ka ta zwani.

Mata 11:6

Rfu da mndu ya kul kwalaghutá zlghaftá iʼi, » kaʼa.

Mata 13:16

« Kaghuni ná, nda tfa wi ta ghəŋa kaghuni, kabga nda ngha ira ghuni ta vli, nda sna sləməŋa ghuni ta sləməŋ.

Mata 19:14

Ka Yesu nda tsa duhwalha ya mantsa: « Zlaŋwa zla ta zwani ka sagha həŋ da iʼi, ma pyə kuni ta həŋ, kabga ŋa gwal ta gara vgha nda hahəŋ na ga mghama Lazglafta, » kaʼa.

Mata 24:46

Rfu ŋa tsa kwalva dzaʼa sagha daŋahəga ni həga ni slanaghata ta magay magay ta tsa slna ya.

Mata 25:34

Ka mgham dzaʼazlay nda tsaha nda ga zeghwa ni ya mantsa: “Saghawa sa, kaghuni gwal tfanagha Da ɗa ta wi ya. Tsuʼawa tsuʼa, ta za mgham ya payaghunaf Lazglafta daga ma zlrafta ghəŋa haɗik ya.

Mata 3:2

« Mbəɗanafwa mbəɗa ta nzakwa ghuni, kabga ndusa ga mghama Lazglafta ka sagha, » kaʼa.

Mata 8:11

Ka yu ta mnaghunata ná, nda ndgha gwal zlghay nda ŋuɗuf mndərga nana dzaʼa sliʼagaghata daga ma mndəra luwa nda ya mista luwa, ka nzata ka za skwi kawadaga nda i Abraham nda Izak nda Yakubu ma ga mghama Lazglafta.

Markus 10:14

Ka nghə Yesu ta tsa skwi ta mag həŋ ya ná, zɗəgana a wu, ka kuzlanaftá tsi ta ŋuɗuf. « Zlaŋwa zla ta zwani kwitikw kwitikw ka sagha həŋ da iʼi, ma pyə kuni ta həŋ, kabga ŋa gwal ta gara vgha nda həŋ na ga mghama Lazglafta.

Lukwa 11:28

« Katək ná, rfu da mndu ta fata sləməŋ ka sna gwaɗa Lazglafta, ka ksa slna nda tsi, » ka Yesu nda tsi.

Lukwa 18:14

Ka iʼi ta mnaghunata, ta lagha tsa mndu ya dzagha ni, nda dzra ŋa ni nda Lazglafta. Mantsa a nzakwa ŋa tsa la Farisa ya wa. Nzakwa ni ná, dər wa ta kapanaftá ghəŋa ni, dzaʼa gwitsaganagwitsa lu. Ka hanana hana mndu ta ghəŋa ni, dzaʼa kapanaf kapa lu, » kaʼa.

Lukwa 22:29

Manda ya payana Da ɗa ta vla ga mghama ni ŋa ɗa ya, manda tsaya ta payaghunata iʼi guli ta kaghuni.

Lukwa 22:30

Ŋa nzata ghuni ka zay nda say ma ga mghama ɗa, ŋa nzanzafta ghuni ta dughurukwa má mgham mgham, ŋa tsay ghuni ta guma ta ghəŋa mndəra la Israʼila ghwaŋpəɗ his. »

Lukwa 4:18

« Kawadaga Sulkuma Lazglafta nda iʼi ŋa vlihatá mbraku. Zbap zba Lazglafta ta iʼi ka tfiɗaghatawi ŋa mnanatá Lfiɗa Gwaɗa ta gwal ka pɗu, ghunaf ghuna ta iʼi ŋa mnanatá gwal habaf lu kazlay: Palaghunispala lu kəʼa, ŋa gwaniŋtá ira gwal nda ghulpa, ŋa zluʼagapta ɗa ta gwal raghwana lu,

Yuhwana 20:29

« Zlray gha ta zlghaftá tsa ɓa kabga nghaŋta gha ta iʼi? Rfu da gwal ta zlghaftá iʼi, kul nghaŋtá həŋ ta iʼi, » ka Yesu nda tsi.

Vrafta ta zlahu 8:2

Ka hava kuni ta inda tvi raghunaf Yawe, Lazglafta ghuni tida ma mtak ma na vaku fwaɗ mbsak na, kada hanaganatá ghəŋa tsi ghuni. Manda tsaya, ka dzəghaghunatá tsi ŋa tsatsaftá skwi ma ŋuɗufa ghuni, ka dzaʼa ŋana ŋa kuni ta zlahuha ni rí, ka ŋanata a wa a kuni.

Yakubu 1:10

Ka rfa mndu ka gadghəl guli ta rfu, nda vraganata Lazglafta, kabga dzaʼa lula manda gəgdakwa vzlizla.

Yakubu 1:12

Rfu da mndu ta ksa ŋuɗuf ka suʼa skwi ta dzghaŋta, kabga tahula dzghaŋta, dzaʼa mutsay ta zewzewa hafu ya tanaf Mgham Lazglafta ta imi ta sləməŋ ta inda gwal ta ɗvuta.

Yakubu 2:5

Zwana ma ɗa gwal ɗvu yu, fawa fa ta sləməŋ. Lazglafta a ta zabaptá gwal ka pɗu ta wa ira gwal ma ghəŋa haɗik, ŋa nzaku ka Gadghəl ma zlghay nda ŋuɗuf, ŋa mutsay taŋ ta ga mgham ya tanaf tsi ta imi ta sləməŋ, ta gwal ta ɗvuta ra?

Suna Yuhwana 19:9

Ka sana duhwala Lazglafta nda iʼi mantsa: « Vindaf vinda kazlay: Rfu da gwal hagaf lu da vla za skwa zaya klay Zwaŋa Tuwak ta makwa » kəʼa. Kaʼa nda iʼi guli mantsa: « Nana gwaɗaha na ná, gwaɗa Lazglafta ya kahwathwata, » kaʼa.

Suna Yuhwana 22:14

Nda tfa wi ta ghəŋa gwal ta ghuɓaptá lguta taŋ. Hahəŋ gwal dzaʼa mutsaftá laviŋta za yakwa fwa hafu, nda lami nda ta wa tgha tsa luwa ya.

Suna Yuhwana 3:17

Ka kagha ta mnay na: Ka gadghəl yu, nda na yu ka gadghəl, “haɗ sana skwi ta pɗu yu wu,” ka ka. Tsaw sna a ka kazlay: ɗaŋwa ŋa gha, ta ksaku ka ka hiɗahiɗa kəʼa wa. Ka pɗu ka, ka fərdiʼu ka, nda ghulpa ka guli.