Mata 5:22 - Hdi

²² Ama ka iʼi ta mnaghunata ná, dər wa ta ɓasanavatá ŋuɗuf ta zwaŋama ni ka makuma ni a tsi katsi, dzaʼa klay lu ta tsa mndu ya da guma. Dər wa mndu dzaʼa mnay nda zwaŋama ni ka makuma ni a tsi kazlay: Ghwaɗak kəʼa ná, dzaʼa klay lu ta tsa mndu ya ta kəma guyatá ghəŋa gwal tsa guma. Dər wa mndu dzaʼa mnay nda zwaŋama ni ka makuma ni a tsi kazlay: Rgha kəʼa, nda ra tsa mndu ya ŋa vzaghata da duda vu.

Mata 5:22 ပူးပေါင်းရင်းမြစ်များ

Zlrafta 37:4

Kəʼa ka zwana ma ni ná, ɗvu ɗva da taŋ ka malaghutá inda zwana ma ni, ka husaŋtá tsi ta həŋ, laviŋ a həŋ ta gwaɗa nda tsi nda zɗaku wa.

Zlrafta 37:8

Ka zwana ma ni mantsa: « Ta kumay ka ta ga mgham ta ghəŋa aŋni ra? Ta kumay ka ta nzaŋnaghata ra? » ka həŋ, ka va husəglaŋtá tsi ta həŋ kay guli ta ghəŋa tsa suniha ni, nda tsa gwaɗaha ni ya.

2Sam 16:7

Wya ka Simghi ta mnay ta dzaʼa tsi nda ksiʼay: « Laghu la gha, laghu la gha, mnda pghiŋtá us, falaya mndu!

2Sam 6:20

Ka vradaghatá Dawuda dzagha ni ŋa tfanaghatá wi ta la ga taŋ. Ka sab Mihal, makwa Sawulu da gmay, kaʼa mantsa: « Wati ma glaku na gita ŋa mghama la Israʼila ɓa! Pala pala ta vgha ni gita ka gwana mndər ta kəma kurɗuha kwalvaha ni, manda magakwa falayha! » kaʼa.

1Mgh 21:4

Ka laghu Ahav dzagha ni nda gufatá ŋuɗuf, nda gatá sidi, dabga tsa gwaɗa mnana Navut mnda la Yizrəghel ya: « Haɗ yu dzaʼa vlaghatá skwa za həga ɗa daga ta dzidzíha ɗa wu! » kəʼa ya. Ka hanatá tsi ta ghəzləŋa ni, ka mbəɗaghatá kuma nda təv vata həga, ka kwalaghutá za skwa zay.

2Rus 16:10

Ka ɓasanavatá Asa ta ŋuɗuf ta tsa slayaŋ ya, ka tsamtá tsi ma gamak, kabga gufatá ŋuɗufa ni ta ghəŋa ni, dabga tsa gwaɗa ya. Ma tsa fitik ya, ka ghuyanaptá Asa ta ɗaŋwa ta sanlaha ma mnduha.

2Rus 19:5

Ka paghatá tsi ta gwal tsa guma ma inda luwaha la Yuda ŋaŋam lu ma matsaka huzlu.

Nəhemiya 5:8

Ka yu nda həŋ mantsa: « Nda skwi ya laviŋ mu ta magata varagaghata mu ta zwana ma mu la Yahuda dzawanap lu ta mndəra sana mnduha. Ama kaghuni ka ghəŋa ghuni ta dzawuglaptá zwana ma ghuni, ŋa va tsa amu ya ta dzawapta kuni ta həŋ guli, » ka yu. Ka trapta həŋ ta skwi ŋa gwaɗay, ka nzata həŋ tsətsriɗ.

Danyel 3:13

Mantsa tama, huɓ sliʼaf sliʼa Nevuhadnetsar nda gufatá ŋuɗuf, ka gaftá sidi. Kaʼa mantsa: « Hlagiɗighawa hla ta i Sadrak, nda Mesak, nda Ghaveɗnegu ya, » kaʼa. Ka hlədanaghata lu ta həŋ.

Danyel 3:19

Ka gaftá Nevuhadnetsar ta sidi katakata, ka ŋrusanavatá kuma ta i Sadrak, nda Mesak, nda Ghaveɗnegu. Kaʼa mantsa: « Vanaghawa va ta vu gik ma həga vu manda tsa snu lu ya, manda tsa snu lu ya ha ndəfáŋ səla, » kaʼa.

Mata 10:17

Ɗasuwa ká kuni, dzaʼa hlay mnduha ta kaghuni da vla guma. Dzaʼa sləvay həŋ ta kaghuni nda gaslərɓaha ma həga tagha skwa taŋ.

Mata 10:28

Ma zləŋ kuni ta gwal ta dzatá sluʼuvgha ta kwal kul laviŋta dzatá hafu. Lazglafta ta laviŋta zaɗanatá sluʼuvgha nda hafu tani ma həga vu ya ŋa zləŋay katək.

Mata 12:24

Na snaŋta la *Farisa ta tsa skwi ya, ka həŋ mantsa: « Nda mbrakwa halaway ta nzakway ka mghama ghwaɗaka sulkumha ya ta ghazla tsi ta ghwaɗaka sulkumha, » ka həŋ.

Mata 17:5

Tata tsa gwaɗa ya Piyer, gi ka saha kusay ka ŋusliŋ tilil bukwamtá həŋ. Gi ka snaŋtá lu ta sana lwi ta gwaɗagapta ma tsa kusay ya: « Nana na Zwaŋa ɗa ya ɗvu yu katakata Tsatsi zbap yu, ta rfu yu ta ghəŋa ni. Snawa sna ta gwaɗa ni, » kaʼa.

Mata 18:21

Ka sliʼaftá *Piyer ka gavadaghata ɗawaŋta da *Yesu, kaʼa mantsa: « Mghama ɗa! Ka ta giha ga zwaŋama ɗa ta dmaku ní, kidaghi səla dzaʼa planata yu ta dmakwa ni na? Ndəfáŋ səla rki dzaʼa planata yu na? » kaʼa nda tsi.

Mata 18:35

« Dər wa tsi ma kaghuni kul haɗ ta planatá dmakwa zwaŋama ni ma hya hya ŋuɗufa ni wu katsi ná, manda va tsaya dzaʼa maga Da ɗa ya ta luwa nda kaghuni, » kaʼa.

Mata 23:15

« Ɗaŋwa ŋa ghuni gwal tagha zlahu ŋa mnduha, nda la Farisa. Tsa maɗgwirmaɗgwira ghuni ya. Ta wawaku kuni ka ra vli ta drəf nda ya ta haɗik ŋa mutsaftá dər mndu turtuk ŋa da dina ghuni. Ka mutsaf mutsa kuni, ŋa niŋta ghuni ka mnda nzakway ma duda vu ka malaghutá ŋa ghuni mantsa ya mantsa ya his.

Mata 23:33

Nahaɗikha! Mndəra la mupuha! Haɗ wa ghuni ŋa ndapta ma tsa guma nda vu ya wa.

Mata 25:41

« Tahula tsa, kaʼa dzaʼazlay nda tsa gwal nda ga zlaɓa ni ya mantsa: “Laghwala ta vata iʼi, kaghuni gwal ksiʼaf Lazglafta. Lawa la da həga vu ya ŋa kɗekedzeŋ, payaf lu ŋa i halaway nda duhwalha ni.

Mata 26:59

Ka zbə la mali ta ghəŋa gwal dra skwi ŋa Lazglafta, nda inda gwal tsa guma, ta tsanavatá ghwaɗaka gwaɗa ta Yesu prək ka dzata.

Mata 3:17

« Nana na zwaŋa ɗa ya ɗvu yu, ya ta zɗəgihata katakata, » ka sana lwi snagata daga ta luwa.

Mata 5:34

Ama ka iʼi ta mnaghunata na: Yaha kuni walaŋta waɗutá vli, dər nda luwa, kabga vla nzakwa Lazglafta ya.

Mata 5:44

Ama ka iʼi ta mnaghunata: Ɗvuwa ɗva ta ghuma ghuni, magawa duʼa ta ghəŋa gwal ta giri ŋa ghuni.

Markus 14:55

Mbaɗa maliha ta ghəŋa gwal dra skwi ŋa Lazglafta, nda gwal tsa guma, ka zba skwi dzaʼa kəl lu ka mutsaftá rutsak nda inda tsakalawi ta ghəŋa Yesu, kabga ŋa mutsaftá dzata, triɗ mutsaf a həŋ wa.

Markus 15:1

Tsaɗakwa vli, ka gi tskavatá maliha ta ghəŋa gwal dra skwi ŋa Lazglafta ka dzrəku kawadaga nda la galata mndu, nda gwal tagha zlahu ŋa mnduha, nda gwal tsa guma demdem. Ka habaftá həŋ ta *Yesu. Ka klaftá həŋ ka laghu vlaŋtá Pilat ka ŋumna.

Lukwa 12:5

Ka maraghuna mara yu ta mndu dzaʼa kuni zləŋay. Zləŋawa zləŋa ta Lazglafta. Tsatsi ta laviŋtá dzatá sluʼuvgha ghuni, mamu guli nda mbrakwa klafta kaghuni ka vzamta da vu. Mantsa ya nzakwa ni, tsatsi dzaʼa kuni zləŋay, ka yu ta mnaghunata.

Lukwa 22:66

Tsaɗakwa vli, ka tskavatá la galata mnduha mataba la *Yahuda, nda mali ta ghəŋa gwal dra skwi ŋa Lazglafta, nda gwal tagha zlahu ŋa mnduha, ka klaghatá həŋ ta *Yesu da vla tsa guma taŋ.

Yuhwana 11:47

Lagha la mali ta ghəŋa gwal dra skwi ŋa Lazglafta nda la Farisa, ka tskanatá gwal tsa guma. Ka həŋ mantsa: « Dagala mazəmzəm ta mag tsa mndu ya, waká mu dzaʼa magay na?

Yuhwana 15:25

Tsaw sla sla tsaya mantsa ya, ŋa nzakwa tsa gwaɗa nda vinda ma deftera zlaha taŋ ta mnay kazlay: Ka bətbət husaŋta yu ta həŋ kəʼa ya, manda va tsaya nzakwa ni.

Yuhwana 7:20

Ka həŋ mantsa: « Nda ksa ka da halaway, wa ta zba kagha ŋa dzata na? » ka həŋ nda tsi.

Yuhwana 8:48

Ka la *Yahuda mantsa: « Ta ŋa ŋni a ta mnay kazlay: Mnda la Samari kagha, nda ksa ka da halaway kəʼa kay rke? » ka həŋ nda tsi.

Slna gwal ghunay 17:18

Mamu gwal ta tagha dzaŋa tva mbaɗa gwaɗa ta hgə lu ka la Ipikuri, nda Situyikiya ta mbaɗa gwaɗa nda tsi guli. « Nu ta yə na mndu na katək na? » ka sanlaha. « Gwaɗa ta sana Lazglafta kul haɗ hadna ta gwaɗ tsi. » Ka sanlaha, kabga snay taŋ ta mnay Pwal ta gwaɗa ta *Yesu nda sliʼagapta ya sliʼagap tsi mataba gwal nda rwa.

Slna gwal ghunay 22:30

Ga mahtsima ni, ka zbə tsa mghama la sludzi ya ta vərɗaka skwi kəl la *Yahuda ka ksaftá Pwal. Ka paliŋtá tsi ta tsa habafta habaf tsi ta Pwal ya. Ka hagaktá tsi ta la mali ta ghəŋa gwal dra skwi ŋa Lazglafta, nda gwal ta tsa guma, ŋa tskavata. Ka kladaghata tsi ta Pwal ka sladanata ta kəma taŋ.

Slna gwal ghunay 23:1

Ka vazlanamtá Pwal ta iri ta gwal tsa guma. Kaʼa mantsa: « Zwana ma ɗa, haɗ sana skwi dəmanaf yu ta Lazglafta ha gita wa. Haɗ sana skwi guli ŋa tsaɗivata wu, » kaʼa.

Slna gwal ghunay 24:20

Ka mantsa a tsi wu, ma mnaŋ mna nana mnduha na ta dmaku ya ksaf həŋ ta iʼi nda tsi ma fitika lagha ɗa ta kəma gwal ta tsa guma.

Slna gwal ghunay 4:15

Ka ghunigiŋtá həŋ dzibil ta i Piyer nda Yuhwana ma tsa həga dzra gwaɗa ya, ka nzatá hahəŋ hahəŋ ka dzra gwaɗa ta ghəŋa taŋ.

Slna gwal ghunay 5:21

Ka snatá tsa gwal ghunay ya ta tsa gwaɗa ya ka sliʼaftá həŋ bit tgha ka laghu da həga Lazglafta ka tagha skwi ŋa mnduha hada. Ka tskavata i mali ta ghəŋa gwal dra skwi ŋa Lazglafta nda gwal ta vata ni, nda la galata mndu mataba la Yahuda, ŋa dzra gwaɗa. Ka ghunaftá həŋ ta mnduha ŋa dzaʼa hlagaptá tsa gwal ghunay ya kay, ma gamak.

Slna gwal ghunay 5:27

Hlakta taŋ ta həŋ, ka hladaghatá həŋ ta həŋ ta kəma tsa gwal dagala dagala ya. Ka mali ta ghəŋa gwal dra skwi ŋa Lazglafta mantsa:

Slna gwal ghunay 6:12

Mantsa ya, ka sliʼanaftá həŋ ta ghəŋ ta dəmga nda la galata mndu, nda gwal tagha zlahu. Tahula tsa, ka valaftá həŋ ta Atiyen, ka ksaghatá da vla tska vgha taŋ.

Slna gwal ghunay 6:15

Ka pghaftá inda tsa gwal ma tsa həga ya ta iri ta Atiyen, ka nghay. Tata nghay nghay həŋ, ka mbəɗavaftá kuma ni manda ŋa duhwala Lazglafta.

Slna gwal ghunay 7:37

Tsa Musa ya ta mnay nda zwana la Israʼila guli kazlay: Dzaʼa klagap kla Lazglafta ta anabi manda iʼi mataba la ghuni ya kəʼa.

La Ruma 12:10

Manda zwana ma ka kuni ɗvuvustá vgha ghuni mataba ghuni. Ŋavawa ŋa ta tiŋlaghuta vlaŋtá glaku ta sani ta ghəŋa ghuni.

1Kwa 6:10

Nda gwal ta ghali, nda gwal ta haraʼu ta iri nda gwal ghuyaku, nda gwal ta kuslemberaku, nda gwal ta zlaʼuwa mndu ná, haɗ həŋ dzaʼa lami da ga mghama Lazglafta wu kəʼa ra?

1Kwa 6:6

Ra a ka klay ghuni ta gwaɗa mataba kaghuni gwal zlghay nda ŋuɗuf ha ka klay ghuni da gwal guma kul snaŋtá Lazglafta wa.

Vrafta ta zlahu 15:11

Dzaʼa mamu mnduha ka pɗu teʼukla ta haɗika ghuni. Tsaya ta kəl yu ka mnaghunafta kazlay: “Guniniswa guna ta dzva ghuni ta la ghuni tulek, nda mndu ka pɗu ta haɗika ghuni,” kəʼa ya. »

Vrafta ta zlahu 16:18

« Ka paghamta kuni ta gwal tsa guma, nda gwal nghapta ma inda mndəra ghuni ma inda luwaha dzaʼa vlaghunata Yawe, Lazglafta ghuni, ka tsanata həŋ tɗukwa ta guma ta mnduha.

1Tes 4:6

Ma tsa skwiha ya tama ná, ma tsaghu sani ta sani ka nənɓapta, kabga dzaʼa ghuzlanap ghuzla Lazglafta ta iri ta gwal ta maga mndərga tsaya, manda ya ghada ŋni ta mnuta ya.

Titus 3:2

Mnana mna ta həŋ, yaha həŋ da mna ghwaɗaka skwi ta mndu, nda zɗaku ka həŋ nzaku nda mndu. Ka gwal dzra nzaku ka həŋ, leɓtekwa ka həŋ nzata nda inda mndu,

Hebru 12:25

Ɗasuwa ka kuni! Yaha kuni da kwalaghutá snaŋtá lwa Lazglafta ya ta gwaɗa nda kaghuni! Ghalya, tsa gwal ta kwalaghutá snatá gwaɗa tsa mndu ta mnay ŋa taŋ ta ghəŋa haɗik ya ná, ndap a həŋ ma guma wa. Amu yeya dzaʼa ndapta ka mbəɗana mbəɗa mu ta hul ta Lazglafta ta gwaɗa nda amu daga ta luwa rki tama?

Hebru 5:9

Manda kɗiŋta Lazglafta ta dzanaghatá ghəŋa skwi ya kumaŋ tsi nda ma tsatsi, ka nzaku tsi ka mndu ya ta mba inda gwal ta snanatá gwaɗa ni, ŋa nzakwa taŋ nda hafu ŋa kɗekedzeŋ.

Yakubu 2:20

Rghargha vgha na. Ta kumay ka kulam gita ta mnaghaŋta kazlay: Zlghay nda ŋuɗuf kul haɗ slna ni ná, haɗ ghəzliwa ni wu kəʼa ra?

Yakubu 3:6

Ghanik guli ná, manda vu nzakwa ni. Ma tsa ghanik ta nzakway ma amu ya, nzamta inda ghwaɗaka skwi. Mataba fawayha mu nzamta ghanik, ka pgha ɓədzaku ta vgha demdem. Ta ghanika mu nzafta duda vu, mbaɗa ghanik tama ka pgha vu ta nzakwa mu daga yagatá amu ha ka mta ta amu.

1 Piyer 2:23

Ma fitika razay mnduha, vranam a ta həŋ nda razu wa. Ma fitika ghuyay lu ta ɗaŋwa ŋa ni, tha a kazlay: Nyaʼ, kabgawu na kəʼa wa. Ka zlanaŋtá tsi ta ghəŋa ni ta Lazglafta ya ta tsa guma nda tva ni ya.

1 Piyer 3:9

Ka maga maga mndu ta ghwaɗaka skwi, ma vranam ka nda ghwaɗaka skwi. Ka razaghaf raza mndu, ma vranam ka nda razu, « katək na tfanagha tfa ta wi, » kabga ŋa tsaya hgafta Lazglafta ta kaghuni, ŋa tfaghunaghatani ta wi ta kaghuni guli.

1 Yuhwana 2:9

Ka « ma tsuwaɗak yu » ka mndu ta gray, tata husaŋ husa zwaŋama ni ta nzakway ma zlghay nda ŋuɗuf katsi ná, ta ma grum tsa mndu ya manda va nzakwa ni ghalya.

1 Yuhwana 3:10

Dər wati ma mndu kul haɗ ta maga skwi tɗukwa, nza a tsa mndu ya ka Zwaŋa Lazglafta wa. Mantsa ya mndu kul ɗva zwaŋama ni guli. Ta tsaha ya ta tsatsafta lu ta nzakwa zwana Lazglafta nda nzakwa zwana halaway.

1 Yuhwana 5:16

Ka nda ngha mndu ta zwaŋama ni ta ga dmaku, dzaʼa kwal kul klaghata da mtaku ŋa kɗekedzeŋ katsi, ka maga tsi ta duʼa da Lazglafta ta ghəŋa tsa mndu ya ŋa vlaŋta Lazglafta ta hafu. Tsa hafu ya, ŋa gwal ta ga dmaku dzaʼa kwal kul klaghatá həŋ da mtaku ŋa kɗekedzeŋ dzaʼa vla lu. Mamu dmaku ta kla mndu da mtaku ŋa kɗekedzeŋ. Mna a iʼi kazlay: Ka maga kuni ta duʼa da Lazglafta ta ghəŋa mndərga tsaya kəʼa wa.

Yuda 1:9

Dər *Misel mali mataba duhwalha Lazglafta má, walaŋ a ta razanaftá halaway baɗu zlərɗay taŋ ta wi ta ghəŋa mbla Musa wa. Skwi mnana tsi kweŋkweŋ ná, « Ka dvagha dva Lazglafta, » kaʼa,

Suna Yuhwana 20:14

Ka gi klafta lu ta mtaku nda vla tska ta vgha gwal ta rwuta tani, ka pghaghata da duda vu. Tsa duda vu ya ta nzakway ka mahisa mtaku.