Mata 5:19 - Hdi

¹⁹ « Tsaya tama, dər wa ta kwalaghutá snatá dər ya kwitikw mataba tsa zlahuha ya, ka tagha magay manda tsa ŋa ni ya ŋa sanlaha ná, dzaʼa nzakway tsa mndu ya ka sagəŋ gudzekw ma ga mghama Lazglafta. Ama ka sna sna mndu ta tsa zlahu ya, ka tagha magay manda tsa ŋa ni ya ŋa sanlaha guli ná, ka mndu dagala tsa mndu ya dzaʼazlay ma ga mghama Lazglafta.

Mata 5:19 ပူးပေါင်းရင်းမြစ်များ

Danyel 12:3

Gwal nda mahizl ma ghəŋa taŋ ya, dzaʼa wuɗaku hahəŋ manda wuɗakwa ghuvaŋata luwa. Gwal ta taghanaftá nzaku tɗukwa ta ndəghata mnduha ya guli, dzaʼa wuɗaku hahəŋ manda tekwatsa ŋa kɗekedzeŋ, haɗ kɗavakta ni wa.

Mata 11:11

Kahwathwata ka yu ta mnaghunata na: Mataba inda mndu ya yaga marakw nda ya ná, haɗ mndu ya ta zlagapta ka malaghutá Yuhwana mnda maga batem wa. Tsaw tama ná, mndu ya ta htuta katakata ma ga mghama Lazglafta ná, malaghu mala ta tsatsi.

Mata 19:28

Ka Yesu nda həŋ mantsa: « Kahwathwata ka yu ta mnaghunata, ma mbəɗavafta inda skwi dzaʼazlay ná, dzaʼa nzafta ta dughurukwa glakwa ni na Zwaŋa mndu. Kaghuni gwal ta dzaʼa mista ɗa ya guli, dzaʼa nzanzafta ta dughurukha ghwaŋpəɗ his kaghuni, ŋa tsa guma ta ghəŋa mndəra la Israʼila ghwaŋpəɗ his guli.

Mata 20:26

Ama mantsa ya a nzakwa ni mataba kaghuni wa. Katək ná, ka ta kumay sani ta nzakway ka mali mataba ghuni ná, nzata ni ka kwalva ghuni.

Mata 28:20

Ka taghanafta kuni ta həŋ ta snatá inda skwiha ya mnaghunaf yu. Ya wana yu kawadaga nda kaghuni ha kɗavakta ghəŋa haɗik, » kaʼa.

Lukwa 1:15

Ka mndu dagala dzaʼa nzakwa tsi ta kəma Lazglafta. Haɗ dzaʼa sa ima inabi dər skwi ta ghuya mndu wa. Dzaʼa ndəghundəgha nda Sulkum nda ghuɓa daga ma huɗa ma ni.

Lukwa 11:42

« Ɗaŋwa ŋa ghuni la Farisa! Ta laghu la kuni vla skwi turtuk maghwaŋ ta nzakway mataba niɗali ta mutsafta kuni ma vwah, nda masuʼataha ta hvata kuni nda hva ka vlay ŋa Lazglafta, ka zlaŋtá nzaku tɗukwa, nda ɗvutá Lazglafta. Tsaya skwi má ŋa magay nda kwal kul zanaptá sana skwiha.

Lukwa 9:48

Kaʼa nda həŋ mantsa: « Dər wa ta tsuʼaftá na zwaŋ kwitikw na nda hga ɗa, vərɗa iʼi tsuʼaf tsi. Dər wa ta tsuʼaftá iʼi guli, tsuʼaf tsuʼa ta tsa mndu ta ghunigihata ya. Tsa mndu ta niŋtá ghəŋa ni ka zwaŋ gudzekw ɗekɗek mataba ghuni ya ná, tsa mndu ya ta nzakway ka mali, » kaʼa.

Slna gwal ghunay 1:1

Ari Ŋərma ɗa Tawfilus, Ma taŋtaŋa deftera ɗa ná, rusaghaf rusa yu ta inda skwi ya maga Yesu, nda skwi ya si ta tataghə tsi ŋa mnduha daga ma zlrafta ni,

La Ruma 3:8

Ka si mantsa ya tsi ní, nu kwal lu kul mnay kazlay: Magama dmaku kada saba skwi ɗina kəʼa? Nu kul mag lu manda ya ta tsaŋnavata sanlaha ta gwaɗa kazlay: Mantsa ya ta mna həŋ kəʼa nda aŋni ya na? Nda ra ka tsanaghata Lazglafta ta guma ta tsa mnduha ya.

La Ruma 6:1

Nu ka mu dzaʼa magay tama ndana? Ka gɗavata mu ma dmaku kada sgavaghata zɗakatahuɗa Lazglafta re, ari ki?

La Ruma 6:15

Kinawu nzakwa ni tama! Ka maga mu ta dmaku kabga kwala mu ta kul haɗ mista zlahu, laghu la mu dista zɗakatahuɗa Lazglafta rki? Mantsa a ɗekɗek wa!

Vrafta ta zlahu 27:26

“Nda ksiʼa mndu ta kwal kul maga slna nda gwaɗaha tsa zlahu ya.” “Ka nza tsi mantsa!” ka inda mnduha dzaʼa zlghaftá wa ni. »

1Tim 6:11

Ama kagha mnda Lazglafta, wara ta tsa skwiha ya. Ka zba ka ta tva nzaku tɗukwa, nda tva ndiʼanavatá vgha ta Lazglafta, nda tva zlghay nda ŋuɗuf, nda tva ɗvutá mndu, nda tva ksa ŋuɗuf, nda tva nzaku leɓtekwa guli.

Titus 3:8

Vərɗa skwi na gwaɗa ta mnə yu na. Ka gɗata ka ta mna tsa gwaɗa ya ka ŋɗaŋɗa ŋa mnduha, kada maga gwal zlghay nda ŋuɗuf ta ŋərma skwiha inda fitik. Tsaya vərɗa skwi ta kata mnduha.

1 Piyer 5:4

Ka mantsa ya ka kuni magay, baɗu zlagagaghata mghama gwal ta ngha rini ná, ŋa mutsay ghuni ta zewzewa nda sgit tida, kul ɓadzavata ya.

1 Yuhwana 3:4

Ka ta gɗa gɗa mndu ta maga dmaku katsi ná, sna a tsa mndu ya ta zlaha Lazglafta wa. Dmaku ná, kwal kul sna zlaha Lazglafta ya.

Suna Yuhwana 2:20

Ama mamu skwi ya ta dvaghaghata yu ta ghəŋa ni. Zlanaŋ zla ka ta tvi ta sana marakw ta hgə lu ka Zizabel, ta mnay kazlay: Mnda kla lwa Lazglafta yu kəʼa ya. Mbaɗa kəʼa ka tagha tsakalawi, ka nanaghatá gwal ta ksihata slna ɗa da maga sliʼiŋsliʼiŋ, nda ya da za sluʼa skwa wuyay.

1Sam 2:30

Tsaya tama, ka Yawe, Lazglafta la Israʼila na: “Si mna mna yu kahwathwata kazlay na dzaʼa nzay gwal ga ghuni, nda zivira dzidzíha gha ŋa magihatá slna ŋa ɗekɗek kəʼa, ama ndanana, nzəglata a mantsa ya wu!” ka Yawe mnata. “Ta vlay yu ta sgit ŋa gwal ta vla sgit ŋa ɗa, ama gwal ta kfara iʼi ya, dzaʼa kfaraku hahəŋ guli.