Mata 5:12 - Hdi

¹² Rfawa rfa ta rfu, ka nzata kuni waɗah, kabga mamu nisəla ghuni dagala ta kəzla kaghuni ta luwa. Manda va tsaya ganapta lu ta iri ta anabiha ta tiŋlaghutá kaghuni. »

Mata 5:12 ပူးပေါင်းရင်းမြစ်များ

Zlrafta 15:1

Tahula tsa skwiha ta maguta ya, ka maravatá Yawe da Abram manda skwi ma suni, kaʼa nda tsi mantsa: « Abram! Ma zləŋ ka ta zləŋ. Iʼi ná, zalama gha yu, dzaʼa vlagha vla yu ta nisəla dagala, » kaʼa.

1Mgh 18:13

Rusaghaf a lu rí rvera ɗa ta skwi maga yu ma pslata Izabel ta anabiha Yawe ra? Ɗifana ɗifa yu ta anabiha Yawe dərmək, ka bakwa mnduha hutaf mbsak hutaf mbsak ma galighaha, ka vlə yu ta skwa zay nda imi ŋa taŋ.

1Mgh 18:4

Ma fitika zaɗay Izabel ta anabiha Yawe ná, ka hlaftá Ghuvadiya ta anabiha dərmək, ka laghwi ɗifanatá həŋ ka bakwa mnduha hutaf mbsak hutaf mbsak ma galighaha, ka vla skwa zay nda imi ŋa taŋ.

1Mgh 19:2

Ka ghunaftá Izabel ta mnda ghunay da Iliya ŋa mnanata: « Ka tsiɗagha tsa lazglaftaha ta guma katakata, ka mahtsim, ta va na luwa na, ka magagha a yu ta skwi ya magana ka ta tsa anabiha ya! » kaʼa.

1Mgh 21:20

Ɓhadaghata Iliya, ka Ahav nda tsi mantsa: « Sləgləɗigha sla ka ɓa, a ghuma ɗa? » kaʼa. Kaʼa mantsa: « Sləglaghagha sla yu, kabga skwap skwa ka ta ghəŋa gha ŋa maga ghwaɗaka skwi ta wa ira Yawe.

1Mgh 22:8

Ka mghama la Israʼila nda Yəhusafat mantsa: « Ta mamu mndu turtuk dzaʼa laviŋta lu ta snanatá ndana Yawe nda da tsatsi, ama iʼi, husiha husa tsa mndu ya, kabga haɗ ta mnaŋtá skwi ɗina ta ghəŋa iʼi wu, ta ghəŋa ghwaɗaka ni ta mnə tsi. Mihayhu, zwaŋa Yimla ya, » kaʼa. Ka Yəhusafat mantsa: « Ma gwaɗ mgham ta gwaɗa mantsa! » kaʼa.

2Mgh 1:9

Ka ghunaftá mgham da Iliya ta mali ta ghəŋa sludziha hutaf mbsak, nda mnduha ni hutaf mbsak. Ka laf tsa mala sludziha ya da Iliya ta nzaku ta wa lilwa ta ghwá. Kaʼa nda tsi mantsa: « Mnda Lazglafta, “Sa sa!” ka mgham nda kagha, » kaʼa.

2Rus 16:10

Ka ɓasanavatá Asa ta ŋuɗuf ta tsa slayaŋ ya, ka tsamtá tsi ma gamak, kabga gufatá ŋuɗufa ni ta ghəŋa ni, dabga tsa gwaɗa ya. Ma tsa fitik ya, ka ghuyanaptá Asa ta ɗaŋwa ta sanlaha ma mnduha.

2Rus 36:16

Ama ka va gag həŋ ta ghunatá mnduha Lazglafta, ka hərtət həŋ ta gwaɗa ni, ka niŋtá həŋ ta anabiha ka ghwana ghuɓasu, ha ka gufaftá ŋuɗufa Yawe ya kul haɗ ghwana ni ta ghəŋa mnduha ni.

Nəhemiya 9:26

Ama ka kawalaghutá həŋ ta snata ka gavaghatá sidi, ka wuɗiŋtá həŋ ta zlaha gha nda ga mahulhul. Ka pslatá həŋ ta anabiha ta mna gwaɗa ta kala wa taŋ ŋa varanaktá həŋ da kagha. Ka rarazaghatá həŋ katakata.

Mata 16:27

Wya dzaʼa sasa *Zwaŋa mndu kawadaga nda duhwalha ni ma glakwa Da ni, ŋa dganafta ni ta nisəla inda mndu taɓta magatá slna ni ma mndu.

Mata 6:16

« Ka ta suma kuni, ma pslaf kuni ta kuma manda ya ta mag ghwaɗaka mnduha. Ta pslafpsla həŋ ta kuma, kabga ŋa nghay mnduha kazlay: Ta suma həŋ kəʼa. Kahwathwata ka yu ta mnaghunata, mutsu mutsa həŋ ta nisəla taŋ nda tsaya.

Lukwa 13:34

« Luwa Ursalima! Luwa Ursalima! Kagha ta rwanatá anabiha. Ghunəgaghagha Lazglafta ta mnduha ná, rwana ka, ka pslatá həŋ nda pala. Kumaŋ kuma yu ta tskanatá mnduha gha ta vata iʼi, manda mana ghatalakw ta tskanatá nduɗukhani ma zlambaka ni, ka kwalaghutá kuni.

Lukwa 6:23

Rfawa rfa ta rfu, ka vavalakwa kuni da rfu baɗu slaghunaghata tsa skwiha ya, kabga dzaʼa mutsay kuni ta nisəla dagala ta luwa. Mantsa ya si ta ghuya dzidzíha taŋ ŋa la anabiha ghalya.

Lukwa 6:35

Kaghuni ya ná, ɗvuwa ɗva ta ghumaha ghuni, magawa maga ta zɗaku ŋa taŋ. Ɓlawa nzawa ŋa mnduha, ma faf kuni ta ghəŋ ta vraghunamta, dzaʼa mamu nisəla ghuni dagala, dzaʼa nzakway kuni ka zwana Lazglafta Dagala, kabga tsatsi ná, zɗa ghəŋa ni nda mnduha kul haɗ ta rfa mndu, nda gwal ta sidi tani. »

Slna gwal ghunay 16:25

Ma takala tama, ka mag i Pwal nda Silas ta duʼa, ka fa laha nda zləzlva Lazglafta. Ta snay snay hamata la vuʼa.

Slna gwal ghunay 5:41

Ka sliʼaftá tsaha ya ka laghu nda rfu, nda mnay kazlay: Nda ra kuni ka ghuya ɗaŋwa ta ghəŋa Yesu, ka Lazglafta nda aŋni, ka həŋ.

La Ruma 5:3

Ta ghəŋa tsaya guli ná, ta rfu mu nda ghuya ɗaŋwa ta ghuy mu, kabga nda sna amu kazlay: Ta taghay ghuya ɗaŋwa ta ksa ŋuɗuf kəʼa.

1Kwa 3:8

Ka skwa turtuk mndu ta sləgafta nda mndu ta tatiŋtá imi. Dər wa dzaʼa mutsay ta nisəla ni taɓta slna ya maga tsi da Lazglafta.

2Kwa 4:17

Skwi ta kum yu ta mnay ná, kiʼa yeya na ghuya ɗaŋwa ta ghuy mu ndanana ka tsa glaku dagala ŋa kɗekedzeŋ ta payamata tsa ghuya ɗaŋwa ya ta tvi ŋa mutsay ya.

Filip 1:29

Zɗaghunaŋzɗa Lazglafta ta huɗi nda ma *Yesu Kristi kəl kuni ka zlghafta. Zlghafta ghuni kweŋkweŋ yeya a wu, ta ghuyay kuni ta ɗaŋwa ka ŋa ni guli.

Filip 2:17

Tsa zlghay zlghaf kuni ta Yesu ya ná, nda nza manda planatá ghəŋ ta Lazglafta. Kawayaka skwi dzaʼa dza dza həŋ ta iʼi, dzaʼa nzakway usa ɗa ka skwi dzaʼa tɗanaghata yu ta ghəŋa ŋa ghuni. Ka mantsa tsi katsi, dzaʼa mamu yu nda rfu, dzaʼa rfay yu ta rfu kawadaga nda kaghuni.

Kwalus 1:24

Ndanana, ta rfu yu nda ghuya ɗaŋwa ta ghuy yu ta ghəŋa kaghuni. Ghuya ɗaŋwa *Kristi ma sluʼuvgha ni ta nzakway ta ghəŋa *Igliz ya ta kɗaŋta yu ta ghuyay ma sluʼuvgha ɗa.

Kwalus 3:24

Ɗina ka snaŋta ghuni kazlay: Dzaʼa plaghuna pla Mgham Yesu nda skwi ya payana tsi ta mnduha ni kəʼa. Vərɗa daŋahəga ni həga ná, Kristi ya. Tsatsi mndu ta maganata kuni ta slna.

1Tes 2:15

Tsa la *Yahuda ya ta pslatá la anabi, ka dzatá həŋ ta Mgham Yesu, ka limistá həŋ ka giri ŋa mu guli. Zɗəgana a tsa skwi ta mag həŋ ya ta Lazglafta wu, nda nza həŋ ka ghuma inda mnduha.

Hebru 10:34

Ksu ksa ka hiɗahiɗa ta kaghuni, na gwal ya hlaf lu ka pghamta ma gamak ta gwaɗa ta Yesu. Hlugudughunusha lu ta huzla ghuni, ta rfu nda rfa kuni, ndanaŋ a kuni wu, kabga nda sna kuni mamu skwi da kaghuni ta malaghutá inda skwi kəʼa. Tsa skwi ya guli ná, ŋa kɗekedzeŋ nzakwa ni.

Hebru 11:26

Mal ghuyɗipta mnduha ta ɗaŋwa manda ya dzaʼa ghuyanapta lu ta *Kristi ya, ka inda skwa gadghəl ta haɗika Masar, » kaʼa, kabga nda fa ŋuɗufa ni ta skwi ya dzaʼa vlaŋta Lazglafta ta kəma.

Hebru 11:33

Hahəŋ ná, nda ma zlghay nda ŋuɗuf zazakta həŋ ta haɗikha nda vulu. Ka magatá həŋ ta skwi tɗukwa, ka mutsaftá həŋ ta skwi ya tanaf Lazglafta ta imi ta sləməŋ ta həŋ. Ka hahanaftá həŋ ta wi ta rveriha.

Hebru 11:6

Ka haɗ zlghay nda ŋuɗuf wu ná, haɗ fitik zɗəgana mndu ta Lazglafta wa. Mndu ta gavadaghata da Lazglafta ná, ɗina ka grafta ni kazlay: Mamu Lazglafta, ta magay ta skwi ɗina guli ŋa gwal ta zbay kəʼa.

Yakubu 1:2

Zwana ma ɗa, ka slaghunagha sla dər mndərga wati ma ghuya ɗaŋwa tsi katsi, nghawa ngha manda skwa rfu.

Yakubu 5:10

Zwana ma ɗa, klawa kla ta saɗa satá duni nda ksa ŋuɗufa la anabi, gwal si ta mna gwaɗa nda hga Mgham.

1 Piyer 4:13

Rfawa rfa ta rfu katək, nda nzakwa ghuni kawadaga nda *Kristi ma ghuya ɗaŋwa, kada ndəghafta ŋuɗufa ghuni nda rfu baɗu dzaʼa maraŋta tsi ta glakwa ni ŋa inda mndu.

Rut 2:12

Ka plagham pla Yawe ta skwi ya maga ka, ka hɗaghamta Yawe, Lazglafta la Israʼila, sagha ka da zba vla bukwa mista zlimbira ni ya, ta nisəla gha gerger! » kaʼa.