Mata 5:11 - Hdi

¹¹ Rfu da kaghuni, ka ta rarazay lu ta kaghuni, ka ta gay lu ta iri ŋa ghuni, ka ta vazay lu ta rutsak ta kaghuni ta ghəŋa gwaɗa ta iʼi.

Mata 5:11 ပူးပေါင်းရင်းမြစ်များ

Mata 10:18

Dzaʼa hlay lu ta kaghuni, kabga gwaɗa ta iʼi ta kəma ŋumna nda ya ta kəma mghamha. Ŋa nzakwa ghuni ka masləmtsəka ɗa ta kəma taŋ, nda ya ta kəma sanlaha ma mndəra mnduha.

Mata 10:22

Dzaʼa husaŋ husa kuni ta inda mnduha ta ghəŋa gwaɗa ta iʼi. Ama mndu dzaʼa kɗanakta ná, dzaʼa mbaku.

Mata 10:25

Laviŋ lava mndu ta taghanata lu ta skwi ta nzakway ka guram nda mndu ta taghanatá skwi. Laviŋ lava kwalva ta nzakway ka guram nda daŋahəga ni həga ni guli. Ka si halaway, ka lu ta hga daŋahəga ni həga ya ní, kighkigh ká lu dzaʼa hga gwal ma tsa həga ya tama? »

Mata 10:39

Ka ta nzula hafa ɗa yu ka mndu katsi ná, dzaʼa zaɗiŋ zaɗa tsa mndu ya ta tsa hafa ni ya. Mndu ta zaɗiŋtá hafa ni ta gwaɗa ta iʼi guli ná, dzaʼa mutsay tsa mndu ya ta tsa hafa ni ya guli. »

Mata 19:29

Dər wati ma mndu ta zlanavatá həga ni, ka zwana ma ni a tsi, ka kwaghama ni a tsi, ka da ni a tsi, ka ma ni a tsi, ka zwana ni a tsi, ka vwaha ni a tsi, ta ghəŋa gwaɗa ta iʼi ná, dzaʼa mutsay həŋ ta dərməkata ni, ka malaghuta a tsi, ŋa mutsay taŋ ta hafu ŋa kɗekedzeŋ guli ta ghəŋa ni.

Mata 24:9

« Dzaʼa vla vla lu ta kaghuni ma dzvu ŋa mnduha, ŋa gaghunaptá iri. Dzaʼa psla psla lu ta kaghuni guli. Dzaʼa husaŋ husa kuni ta inda mndəra mnduha ta ghəŋa haɗik kabga gwaɗa ta iʼi.

Mata 27:39

Ka rarazə gwal ta mbaɗa ta tvi ka kəktsa ghəŋ.

Markus 13:13

Dzaʼa husaŋ husa kuni ta inda mnduha, kabga nzakwa ghuni ka duhwalha ɗa, ama mndu ya dzaʼa kɗanakta suʼafta dzaʼa mbaku, » kaʼa.

Markus 13:9

Kaghuni, ɗaswa ka kuni, dzaʼa hlay lu ta kaghuni da vla guma, dzaʼa ɗgay lu ta kaghuni nda sarak ma həga tagha skwa la *Yahuda. Dzaʼa hladaghunagha hla lu ta kəma la ŋumna nda mghamha, kabga nzakwa ghuni ka duhwalha ɗa. Hada dzaʼa maraŋta kuni ta nzakwa ghuni ka masləmtsəka ɗa ta kəma taŋ.

Markus 4:17

ama haɗ həŋ ta zlaŋtá vli ŋa dzugwamta tsa gwaɗa ya ta slrəŋ ma ŋuɗufa taŋ wa. Ka gruŋgra ghuya ɗaŋwa nda giri ta həŋ kabga tsa gwaɗa ya katsi, gi suwak zlanavata taŋ ta zlghay nda ŋuɗufa taŋ.

Markus 8:35

Ka dzaʼa mbanaf mba yu ta hafa ɗa ka mndu katsi ná, dzaʼa zaɗiŋ zaɗa tsa mndu ya ta hafa ni. Mndu dzaʼa zaɗiŋtá hafa ni kabga iʼi, nda ya kabga *Lfiɗa Gwaɗa ná, dzaʼa mbanaf mba tsa mndu ya ta hafa ni.

Lukwa 21:12

« Ma kɗaku tsa skwiha ya magaku dzaʼa kasay lu ta kaghuni, dzaʼa ghuyay lu ta ɗaŋwa ŋa ghuni, dzaʼa hlay lu ta kaghuni da həga tagha skwa la *Yahuda, ŋa tsaghunaghatá guma, dzaʼa tsatsam tsatsa lu ta kaghuni ma gamak, dzaʼa hlay lu ta kaghuni ta kəma mghamha nda ŋumnaha, kabga nzakwa ghuni ka ŋa ɗa.

Lukwa 21:17

Dzaʼa husaŋ husa kuni ta həŋ demdem, kabga nzakwa ghuni ka ŋa ɗa.

Lukwa 6:22

Rfawa rfa ta rfu ka ta husaŋ husa kuni ta mnduha, ka ta vzighunisvza həŋ, ka ta razay həŋ ta kaghuni, ka ta vazay həŋ ta rutsak ta kaghuni kabga vəl zlghafta ghuni ta Zwaŋa mndu.

Lukwa 9:24

Kaʼa guli mantsa: « Ka dzaʼa mbanaf mba yu ta hafa ɗa ka mndu katsi, dzaʼa Zaɗiŋ zaɗa tsa mndu ya ta hafa ni. Ala ka dzaʼa Zaɗiŋ zaɗa mndu ta hafa ni ta ghəŋa iʼi katsi, dzaʼa mbanaf mba tsa mndu ya ta hafa ni.

Yuhwana 15:21

Ta gwaɗa ta iʼi dzaʼa maga həŋ ta tsaya ŋa ghuni, kabga sna a həŋ ta mndu ta ghunigihata wa.

Yuhwana 9:28

Ka rarazə həŋ. Ka həŋ mantsa: « Ba kagha ta nzakway ka duhwala ni wala, aŋni ná, duhwalha Musa aŋni.

Slna gwal ghunay 9:16

Dzaʼa maranaŋ mara iʼi ka ghəŋa ɗa, ta inda ghuya ɗaŋwa ya tkweʼ dzaʼa tsi ghuyay ta ghəŋa hga ɗa, » kaʼa.

La Ruma 8:36

Manda ya nda vinda ma deftera Lazglafta na: « Ta ghəŋa gwaɗa ta kagha ta kəl ŋni ka nzakway ta wa hɗak inda fitik. « Ta kəl lu ka ngha aŋni manda tuwakha ta klə lu ta tumbla kəʼa. »

1Kwa 4:10

Nda nza aŋni ka rgha, ta ghəŋa gwaɗa ta Kristi. Kaghuni ya, nda hiɗa aŋni ka kaghuni, kabga nzugwatá kaghuni nda Kristi. Kaghuni yeya nda mbra, mbra a aŋni wa. Kaghuni yeya gwal ka mndu, haɗ mndu ta kulaftá aŋni ka mndu wa.

2Kwa 4:11

Ma inda ŋa aŋni ma nzaku ná, ta wa hɗak ŋni ta ghəŋa gwaɗa ta Yesu, kada maravata nzakwa Yesu ma na ŋa ŋni ma sluʼuvgha ta mtaku na.

Filip 1:29

Zɗaghunaŋzɗa Lazglafta ta huɗi nda ma *Yesu Kristi kəl kuni ka zlghafta. Zlghafta ghuni kweŋkweŋ yeya a wu, ta ghuyay kuni ta ɗaŋwa ka ŋa ni guli.

1 Piyer 2:23

Ma fitika razay mnduha, vranam a ta həŋ nda razu wa. Ma fitika ghuyay lu ta ɗaŋwa ŋa ni, tha a kazlay: Nyaʼ, kabgawu na kəʼa wa. Ka zlanaŋtá tsi ta ghəŋa ni ta Lazglafta ya ta tsa guma nda tva ni ya.

1 Piyer 4:14

Ka ta razay mnduha ta kaghuni, ta ghəŋa nzakwa ghuni ka ŋa Kristi katsi, rfawa rfa ta rfu kabga ta nzaku Sulkum ya dagala ta nzakway ka Sulkuma Lazglafta ta ghəŋa kaghuni.

Suna Yuhwana 2:3

Ta ŋava ŋa ka, ka suʼa ghuya ɗaŋwa ta ghəŋa gwaɗa ta iʼi. Haɗ ka ta rwa mala gulu wa.