Mata 4:9 - Hdi

⁹ Kaʼa nda tsi mantsa: « Ka tsəlɓa tsəlɓa ka ma ghuva ɗa ka vlihatá glaku, ta vlagha vla yu ta inda taŋ demdem, » kaʼa.

Mata 4:9 ပူးပေါင်းရင်းမြစ်များ

Danyel 4:32

Haɗ ghəzliwa mnduha ta haɗik ta kəma ni wa. Manda skwi ya ndanaŋ tsi ta maga tsi nda bakwa gwal vulu ta luwa, nda mnduha ta haɗik tani. Haɗ mndu dzaʼa huzliŋtá dzva ni wu, dər ŋa mnanata kazlay nahgani na ta mag ka na? kəʼa nda tsi wa.

Mata 26:15

Kaʼa nda həŋ mantsa: « Nu dzaʼa vlihata kuni ka vlaghuna vla yu ta *Yesu na? » kaʼa. Ka vlaŋtá həŋ ta sulay hkən mbsak.

Mata 4:10

Ka Yesu nda tsi mantsa: « Halaway! Laghu la gha ta vata iʼi. “Ŋa Mghama gha Lazglafta dzaʼa vla ka ta glaku, da tsatsi turtukwa ni dzaʼa skwa ka ta htsiŋ,” » ka lu vindafta ma deftera Lazglafta, kaʼa nda tsi.

Yuhwana 12:31

Ndanana tama, nda maga fitika tsanaghatá guma ta na ghəŋa haɗik na. Ndanana dzaʼa wuɗidiŋta lu ta mghama na ghəŋa haɗik na.

Yuhwana 13:3

Nda sna Yesu ka ghəŋa ni kazlay: Sa daga da Lazglafta yu, dzaʼa vru da Lazglafta yu kəʼa. Nda sna guli kazlay: Fanam fa Lazglafta ta inda skwi ma dzva ni kəʼa.

Yuhwana 14:30

Haɗ gwaɗa ta dagala ta ŋa mnaghunata ɗa wu, kabga wya tsa ghwaɗaka mghama na ghəŋa haɗik na ya ta sagha. Tsaw laviŋ a ta ŋraptá iʼi wa.

Yuhwana 16:11

Ta nanay mnduha ta ghəŋa haɗik ta ghəŋa taŋ ta ghəŋa skwi ka guma, kabga nda ghada tsanaghatá guma ta ghwaɗaka mghama na ghəŋa haɗik na.

2Kwa 4:4

Sna a həŋ ta na Lfiɗa Gwaɗa ta mnə aŋni na wu, kabga hanaf ha Lazglafta na ghəŋa haɗik na ta ŋuɗufa taŋ, ŋa kwala taŋ kul nghaŋtá tsa tsuwaɗak ta tsuwaɗaka həŋ, ta sabi ma Lfiɗa Gwaɗa ta ghəŋa glakwa *Yesu *Kristi ya. Tsa Yesu Kristi ya ná, ka guram nda Lazglafta.

1Tim 3:6

Ma nza tsa mndu ya ka lfiɗa mndu ma zlghay nda ŋuɗuf, da glə tsi ta ghəŋ, da zləmbamtá tsi ma mndərga tsa guma tsanagha lu ta halaway ya.

Suna Yuhwana 19:10

Na tsa snaŋta ɗa mantsa ya, ka zləmbata yu ka tsəlɓu ta kəma ni. Ama kaʼa nda iʼi mantsa: « Nawa, ma mag ka mantsa! Mnda ksanatá slna ta Lazglafta yu manda va kagha, manda va zwana ma gha ta ŋanatá kahwathwata ya marigiŋ lu nda ma Yesu. Ŋa Lazglafta dzaʼa tsəlɓa ka ta tsəlɓu, » kaʼa. Tsa kahwathwata marigiŋ lu nda ma Yesu ya ta vlata mbrakwa kla lwa Lazglafta.

Suna Yuhwana 19:16

« Rveri ta ghəŋa rveriha, Mgham ta ghəŋa mghamha, » ká lu vindaftá hgu ta lguta ni nda ya ta rkufa ni.