Mata 4:4 - Hdi

⁴ Ka Yesu mantsa: « Ka lu vindafta ma gwaɗa Lazglafta na: “nda skwa zay kweŋkweŋ yeya a ta nzata mndu nda hafu wu, ama nda inda gwaɗa ta sabi ma wa Lazglafta,” » kaʼa.

Mata 4:4 ပူးပေါင်းရင်းမြစ်များ

Sabi 16:15

Nghanata la Israʼila, ka həŋ mataba taŋ mantsa: « Nahgani na na? » ka həŋ, kabga sana a həŋ wa. Ka Musa nda həŋ mantsa: « Skwa zay ya vlaghuna Yawe ŋa zay ghuni.

Sabi 16:35

Fwaɗ mbsak vakwa la Israʼila ta za manna ha ka lagha taŋ ta haɗik ya ta nzaku mnduha. Ka gɗata həŋ ta zay ha ka ɓhadaghata taŋ ta vraghwa haɗika Kanʼana.

Sabi 16:8

Ka Musa guli mantsa: « Dzaʼa vlaghuna vla Yawe ga hawu ta sluʼi ŋa zay ghuni. Ga sərɗək ya, ŋa baghaghunafta ni nda skwa zay, kabga snaŋ sna ta ruruŋwaku ta ruruŋ kuni ta ghəŋa ni. Ta ghəŋa aŋni a tsa ruruŋwakwa ghuni ya wa. Wa aŋni na? Ta ghəŋa Yawe ta ruruŋwa kuni ta ruruŋwaku, » kaʼa.

Sabi 23:15

Ka skala kuni ta skala buradi kul haɗ is mida. Fitik ndəfáŋ dzaʼa zata kuni ta za buradi kul haɗ is mida, ma fitik ya mnaf lu ma tila Aviv, kabga ma tsa tili ya sliʼagapta kuni ma haɗika Masar. Yaha kuni sagha ta kəma ɗa nda dzvu bətbət.

Mata 15:11

Skwi ta lami nda la nda ma wubisim a ta ŋəriŋtá mndu wu, ama skwi ta sabi nda sa ma wa mndu ta ŋəriŋtá mndu, » kaʼa.

Mata 4:10

Ka Yesu nda tsi mantsa: « Halaway! Laghu la gha ta vata iʼi. “Ŋa Mghama gha Lazglafta dzaʼa vla ka ta glaku, da tsatsi turtukwa ni dzaʼa skwa ka ta htsiŋ,” » ka lu vindafta ma deftera Lazglafta, kaʼa nda tsi.

Mata 4:7

Ka Yesu guli mantsa: « Ka lu vindafta ma gwaɗa Lazglafta guli na: “Ma dzəghə ka ta Mgham Lazglafta gha kəʼa,” » kaʼa nda tsi.

Markus 7:20

« Skwi ta sab nda sa ma ŋuɗufa mndu ná, tsaya ta ŋəriŋta mndu,

Lukwa 4:12

Ka Yesu nda tsi guli mantsa: « Nda vinda ma deftera Lazglafta kazlay: ma dzəghə ka ta Mgham Lazglafta gha ɗekɗek kəʼa, » kaʼa.

Lukwa 4:4

Ka Yesu mantsa: « Nda vinda ma deftera Lazglafta kazlay: Nda skwa zay kweŋkweŋ yeya a ta nzata mndu nda hafu wu kəʼa, » ka Yesu.

Lukwa 4:8

Ka Yesu nda tsi mantsa: « Nda vinda ma deftera Lazglafta kazlay: ma ghuva Mgham Lazglafta gha dzaʼa tsəlɓa ka ta tsəlɓu, ka maganatá slna ni turtukwa ni, » kaʼa.

Yuhwana 15:26

« Tsa mnda kata kaghuni dzaʼa saha ya, Sulkum ta kligiŋtá kahwathwata ya dzaʼa saha daga da Da. Dzaʼa mnay ta gwaɗa ta iʼi.

Yuhwana 6:63

Sulkuma Lazglafta ta vla hafu, haɗ sana skwi laviŋ mnda səla ta magata wa. Na gwaɗa mnaghuna yu na ná, Sulkum nda hafu ya.

La Ruma 15:4

Tsaw inda skwi ya vindaf lu ma deftera Lazglafta manda ghalya ná, vindaf vinda lu ŋa gunamatá sləməŋ, kada nzakwa mu nda fata ghəŋ ta Lazglafta, ma lɓa ŋuɗuf nda ksa ŋuɗuf ya ta mnamata gwaɗa Lazglafta.

Afisus 6:17

Grafwa gra kazlay: Mbaghunaf mba Lazglafta kəʼa, tsaya dzaʼa nzakway manda takazak ta famta kuni ma ghəŋ ŋa kata ghəŋa ghuni ya. Ŋanawa ŋa ta gwaɗa Lazglafta, tsaya ta nzakway manda budugwa faghunam Sulkum nda ghuɓa ma dzvu.

Vrafta ta zlahu 8:3

Ka hanaganatá tsi ta ghəŋa ghuni, ka faghunamta da maya. Ka zughunustá tsi ta manna, skwi si kul snaŋta kaghuni nda dzidzíha ghuni tani. Mantsa ya magata tsi ŋa snaŋta ghuni kazlay, nda skwa zay kweŋkweŋ yeya a ta nzata mndu nda hafu wu kəʼa, ama nda inda gwaɗa ta sabi ma wa Yawe.