Mata 4:23 - Hdi

²³ Ka rə *Yesu ta inda haɗika Galili, ka tagha skwi ŋa mnduha ma həgaha tagha skwa la *Yahuda, ka mna *Lfiɗa Gwaɗa ta ghəŋa ga mghama Lazglafta, ka mbamba mnduha ma inda ɗaŋwaha taŋ, nda inda ya ta raghwa həŋ.

Mata 4:23 ပူးပေါင်းရင်းမြစ်များ

Mata 11:5

Nda ngha gwal si nda ghulpa ta vli. Ta mbaɗa gwal si nda raghwa səla taŋ. Nda mbamba gwal si nda rɗa mndu ta həŋ. Nda sna gwal si ka matghəm ta sləməŋ. Sliʼagap sliʼa gwal si ta rwuta. Mnana mna lu ta *Lfiɗa Gwaɗa ta gwal ka pɗu.

Mata 12:9

Ka sliʼaftá *Yesu ka zlaŋtá tsa vli ya, ka laghu da həga tagha skwa la *Yahuda.

Mata 13:19

Tsa tvi rkaf hulfa tida ya ná, gwal ta snaŋtá gwaɗa ta ga mghama Lazglafta kul grafta həŋ ya, həŋ. Ka sagha halaway zluʼugudunustá həŋ ta tsa skwi wutsam lu ma ŋuɗufa taŋ ya.

Mata 13:54

Ka ɓhadaghata tsi da luwa Nazaret ta nzakway ka luwa ta glakwa ni. Ka taghə tsi ta skwiha ŋa mnduha ma həga tagha skwa taŋ. Ka ndərmim həŋ, ka həŋ mantsa: « Wa ta vlaŋtá mndərga na ma ɗifil? Wa ta vlaŋtá mbrakwa maga mndərga na ma mazəmzəm?

Mata 14:14

Ta sabi Yesu ma kwambalu, kəʼa kəʼa ná, tizlik mnduha. Ka ksaŋtá həŋ ta Yesu ka hiɗahiɗa, ka mbambanaftá tsi ta gwal kul ɗughwanaku guli.

Mata 24:14

Dzaʼa mnay lu ŋa mnduha ta ghəŋa haɗik demdem ta tsa *Lfiɗa Gwaɗa ta ghəŋa ga mghama Lazglafta ya, ŋa snaŋta gwal kul snaŋtá Lazglafta. Tahula tsaya tama, ŋa sagha fitika gwaɗa ta kɗakwa ghəŋa haɗik.

Mata 3:2

« Mbəɗanafwa mbəɗa ta nzakwa ghuni, kabga ndusa ga mghama Lazglafta ka sagha, » kaʼa.

Mata 9:35

Ka rə *Yesu ta vli ma inda luwa dagala dagala nda zwana luwa tani. Ka tataghə tsi ta skwi ŋa mnduha ma həgaha tagha skwa la *Yahuda. Ka mnə tsi ta *Lfiɗa Gwaɗa ta ga mghama Lazglafta, ka mbamba mnduha ma inda ɗaŋwaha, nda inda ya ta raghwa mndu.

Markus 1:14

Ma sana fitik, ka ksaghatá lu ta Yuhwana tsamta ma gamak, ka sliʼaftá Yesu ka laghwi ta haɗika Galili da mna Lfiɗa Gwaɗa Lazglafta.

Markus 1:21

Tahula tsa, ka ɓhadaghatá həŋ da luwa Kafarnahum. Na gi sagha Sabat, ka lam *Yesu da həga tagha skwa la *Yahuda, ka taghə tsi ta skwi ŋa mnduha ma tsa həga ya.

Markus 1:39

Ka laghu tsi da mna gwaɗa Lazglafta ma həgaha tagha skwa la *Yahuda ta inda haɗika Galili, ghazligiŋha ta duhwalha halaway ma mnduha.

Markus 3:10

kabga nda ndəgha mnduha mbambanaf tsi, kəl inda gwal ɗaŋwa ka sliʼadaghata.

Markus 6:2

Baɗu Sabat, ka lam Yesu da tagha skwi ŋa mnduha ma həga tagha skwa la *Yahuda. Ká ka nda ndəghata mnduha hada ta sna tsa skwi ta tagh tsi ya. Ka ndərmim həŋ nda ndərmima: « Wa ta taghanaftá mndərga nana ma skwi? Wa ta vlaŋtá mndərga nana ma ɗifil ta kəl tsi ka maga nana ma mazəmzəmha na?

Markus 6:6

Ka ndərmim Yesu nda ndərmima ta tsa kwala taŋ kul zlghaftá tsatsi nda ŋuɗuf ya. Tahula tsa, ka sliʼaftá Yesu ka laghu da ra zwana luwa ta hula Nazaret. Ka tatagha skwi ŋa mnduha.

Lukwa 10:9

Ka mbambanafta kuni ta gwal kul ɗughwanaku dzaʼa slanaghata kuni ma tsa luwa ya. “Ndana ná, ndusavaghuna ndusa ga mghama Lazglafta,” ka kuni dzaʼazlay nda həŋ,

Lukwa 13:10

Baɗu sana Sabat, ka taghə *Yesu ta skwi ŋa mnduha ma həga tagha skwa la *Yahuda.

Lukwa 16:16

« Daga ghalya ta zlraftá lu ta mna gwaɗa ta ghəŋa skwi vindaf lu ma deftera zlaha Musa, nda ya ma deftera anabiha, ha ka sagha ta fitika zlagapta Yuhwana mnda maga Batem. Ta fitika zlagapta Yuhwana mnda maga batem tama, ka zlraftá lu ta mna gwaɗa ta ghəŋa *Lfiɗa Gwaɗa ta ga mghama Lazglafta, ka zluʼu mnduha ta vgha ŋa lami.

Lukwa 20:1

Ma sana fitik, ma tsa fitika tataghay *Yesu ta skwi ŋa mnduha ma həga Lazglafta, ka mna *Lfiɗa Gwaɗa ya, ka sliʼadaghatá la mali mali ta ghəŋa gwal dra skwi ŋa Lazglafta, nda gwal tagha zlahu, nda la galata mndu slanaghata.

Lukwa 4:14

Ta sliʼaftá *Yesu ka laghwi ta haɗika Galili nda ndəgha nda mbrakwa Sulkum nda ghuɓa. Ka tutá hga ni ma inda vli ta wanaftá tsa vli ya.

Lukwa 5:17

Ma sana fitik ta tagha skwi *Yesu ŋa dəmga, ta nzaku la *Farisa nda gwal tagha zlahu ŋa mnduha hada ta sliʼakta ma inda luwa ta haɗika Galili nda ya ma luwa Ursalima, nda pɗakwa gwal ma haɗika Zudiya. Ka va sgaku maravata mbrakwa Mgham Lazglafta nda ma mbambay Yesu ta mnduha ma ɗaŋwaha taŋ.

Lukwa 6:17

Tahula tsa, ka saha həŋ kawadaga, ka sladavatá həŋ ta sana vli ka dandar tskava ŋəɗdəma ta sanlaha ma duhwalha ni, nda ndəghata mnduha ta sliʼakta ma luwa Ursalima, nda sanlaha ta haɗika Zudiya, nda sanlaha guli ta wa drəf ta nzakway ka luwa Tir nda Tsiduŋ.

Lukwa 6:6

Ma sana Sabat guli, ka lam *Yesu da həga tagha skwa la *Yahuda, ka taghə tsi ta skwi. Mamu sana mndu nda mta dzva zeghwa ni hada.

Lukwa 7:21

Ma va tsa fitik ya, ka mbambanaftá Yesu ta ndəghata mnduha ma ɗaŋwa taŋ, nda gwal nda raghwa, nda gwal kasaf ghwaɗaka sulkum, gwananaha ta iri ta gwal si nda ghulpa.

Lukwa 7:22

Kaʼa nda həŋ mantsa: « Lawa la mnanata Yuhwana ta inda skwiha nghaŋ kuni, nda inda skwiha sanaŋ kuni. Gwal si nda ghulpa nda ngha həŋ ta vli, ta mbaɗa gwal si nda raghwa səla taŋ, kwandlaŋkwandlaŋ mbambatá gwal si nda rɗa mndu ta həŋ, nda gwana sləməŋa gwal si ka rgha si kul snaŋtá sləməŋ. Gwal si nda rwa, varamvara həŋ nda hafu. Mananamana lu ta *Lfiɗa Gwaɗa ta gwal ka pɗu.

Lukwa 8:1

Tsəɓakw fitik tahula tsa, ka laghu *Yesu da ra luwaha dagala dagala nda luwaha kwitikw kwitikw, ka tuza *Lfiɗa Gwaɗa ta ghəŋa ga mghama Lazglafta, ka mna gwaɗa ta ghəŋa ni

Lukwa 9:11

Snaŋta dəmga kazlay: Laghu la həŋ kəʼa, ka sliʼaftá həŋ zbiŋtá həŋ. Ka lagha həŋ slanaghatá həŋ, ka zlghaftá Yesu ta həŋ, ka mnə tsi ta gwaɗa ta ga mghama Lazglafta ŋa taŋ. Ka mbambanaftá tsi ta gwal ta kuma mbambanaftá həŋ ma ɗaŋwa taŋ.

Lukwa 9:60

« Zlaŋ zla ta gwal nda rwa ka paɗa həŋ ta ghəŋa taŋ, sliʼaf sliʼa kagha ka dzaʼa ka da mna gwaɗa ta ga mghama Lazglafta, » kaʼa nda tsi.

Yuhwana 18:20

Ka Yesu nda tsi mantsa: « Baŋluwa si ta mna yu ta gwaɗa ŋa inda mndu ma həga tagha skwa la *Yahuda nda ya ma həga Lazglafta. Ma vli ta tskavata inda la Yahuda si ta gɗata yu ta tagha skwiha. Haɗ sana skwi mna yu kɗekkɗek wa.

Yuhwana 6:59

Ta tagh tsi ta skwi ma həga tagha skwa la Yahuda ma Kafarnahum, mna Yesu ta tsa gwaɗa ya.

Yuhwana 7:1

Tahula tsa, mbaɗa *Yesu ka ra haɗika Galili. Va a ta dzaʼa ta haɗika Zudiya wu, kabga ta ɗakwatsay ɗakwatsay maliha ta ghəŋa la *Yahuda hada ŋa dzata.

Slna gwal ghunay 10:38

Nda sna kuni ka Lazglafta pghəganaghatá mbrakwa Sulkum nda ghuɓa ta Yesu Kristi mnda la Nazaret. Nda sna kuni guli ka Yesu ranaftá inda vli ka maga zɗaku, ka mbamba gwal ghurgana halaway ta həŋ, kabga kawadaga Lazglafta nda tsi.

Slna gwal ghunay 18:4

Inda fitika *Sabat Pwal ta zlərɗa gwaɗa ma həga tagha skwa la Yahuda, nda la Yahuda nda ya nda la *Grek, kabga ta kumay ta tɗaktá həŋ ŋa zlghaftá gwaɗa Lazglafta.

Slna gwal ghunay 20:25

« Ndanana ná, nda sna yu kazlay: Nghəglaŋta a inda na kaghuni raghunaf yu, ka mnaghunatá gwaɗa ta ga mghama Lazglafta ná, ta həga kuma ɗa ɗekɗek wa.

Slna gwal ghunay 28:31

Pyaf a lu wu, ka mnə tsi ta gwaɗa ta ghəŋa ga mghama Lazglafta. Ka taghə tsi ta skwi ta ghəŋa Mgham Yesu *Kristi, haɗ sana skwi ta gurtsaŋta wa.

La Ruma 10:15

Kinawu ka gwal ta mnay dzaʼa mnaŋta ka ghunaf a lu ta həŋ guli? Nda vinda ma deftera Lazglafta kazlay: Ngha ɓa ta waɗahata vgha mndu ta ghəŋa gwal ta klədanaghatá Lfiɗa Gwaɗa ta həŋ kəʼa.