Mata 4:13 - Hdi

¹³ Ka zlanatá tsi ta luwa Nazaret. Ka laghu da nzata ma luwa Kafarnahum ta nzakway ta wa drəfa Galili, ma kwakwara luwa Zəvuluŋ nda Naftali.

Mata 4:13 ပူးပေါင်းရင်းမြစ်များ

Mata 11:23

« Kagha guli Kafarnahum! Dzaʼa kapay Lazglafta ta iʼi ta luwa ka kagha ta gray ra? Bukwa a gha tsa! Dzaʼa vradagha vra lu tɗəm da vla gwal nda rwa. Ka má tsa mazəmzəm maga lu ma luwa gha ya, má maga ma luwa Sədum lu katsi ná, má ta tekeʼa luwa Sədum gita na.

Mata 17:24

Manda ɓhadaghata taŋ da luwa Kafarnahum, ka gwal tska dzumna həga Lazglafta nda *Piyer mantsa: « Ta plər pla a waʼa Mghama ghuni ta dzumna həga Lazglafta katək na? » ka həŋ nda tsi.

Mata 4:14

Mantsa ya magata tsi ŋa dzanaghatá ghəŋa gwaɗa ya mnə anabi Isaya:

Mata 4:15

« Kaghuni kwakwara Zəvuluŋ nda Naftali ta nzakway ta wa drəf təv sana ɓla ghwa Yardeŋ, nda kagha haɗika Galili ta nzaku gwal kul haɗ ka la Yahuda mida ya,

Mata 9:1

Ka sliʼaftá *Yesu ka lami da kwambalu, ka vrəglaghuta nda ta drəf, ka ɓhadaghatá tsi da luwa ni.

Markus 1:21

Tahula tsa, ka ɓhadaghatá həŋ da luwa Kafarnahum. Na gi sagha Sabat, ka lam *Yesu da həga tagha skwa la *Yahuda, ka taghə tsi ta skwi ŋa mnduha ma tsa həga ya.

Markus 2:1

Tsɓakw fitik tahula tsa, ka sliʼaftá *Yesu ka vradaghata da luwa Kafarnahum. Manda snaŋta lu kazlay: Vragagha vra Yesu dzagha kəʼa,

Lukwa 10:15

« Kagha luwa Kafarnahum, dzaʼa kapiɗif kapa lu ta luwa ka kagha ra? Siga! Dzaʼa vradagha vra lu ha da vla gwal nda rwa, » kaʼa.

Lukwa 4:23

Ka Yesu nda həŋ mantsa: « Nda sna yu dzaʼa mnay kuni ta mahdihdi ta ghəŋa iʼi kazlay: Ka duhtur ka katsi ná, mbanaf mba ta ghəŋa gha kagha ka ghəŋa gha kəʼa. Ka kuni dzaʼazlay nda iʼi guli, “maga maga hadna ma luwa gha ta tsa skwiha snaŋ ŋni ta mag ka ma Kafarnahum ya” » kəʼa.

Yuhwana 2:12

Tahula tsa, ka sliʼaftá tsi ka lagha da luwa Kafarnahum kawadaga nda i ma ni nda zwana ma ni, nda duhwalha ni tani, ka zatá həŋ ta fitik tsəɓakw hada.

Yuhwana 4:46

Ka vraghatá tsi tama da luwa Kana ta haɗika Galili, ma vla mbəɗanaftani ta imi ka ima inabi ya kay. Tsaw mamu sana mndu dagala ma slna ŋumna, ta maga slna ga mgham ma luwa Kafarnahum, kul ɗughwanaku zwaŋa ni ta kala ghəŋ.

Yuhwana 6:17

Ka sliʼadamtá həŋ da kwambalu ŋa tsughwaɗa drəf ŋa dzaʼa da luwa Kafarnahum. Nda ghada kuzatá vli, ta vradagha a *Yesu slanaghatá həŋ wa.

Yuhwana 6:24

Nghay mnduha ná, haɗ Yesu hada wu, haɗ duhwalha ni hada guli wu, ka sliʼadamtá həŋ da tsa kwambalu ya ka laghu da luwa Kafarnahum da zba Yesu.

Yuhwana 6:59

Ta tagh tsi ta skwi ma həga tagha skwa la Yahuda ma Kafarnahum, mna Yesu ta tsa gwaɗa ya.