Mata 4:10 - Hdi

¹⁰ Ka Yesu nda tsi mantsa: « Halaway! Laghu la gha ta vata iʼi. “Ŋa Mghama gha Lazglafta dzaʼa vla ka ta glaku, da tsatsi turtukwa ni dzaʼa skwa ka ta htsiŋ,” » ka lu vindafta ma deftera Lazglafta, kaʼa nda tsi.

Mata 4:10 ပူးပေါင်းရင်းမြစ်များ

1Rus 21:1

Ma sana fitik, ka zbə Halaway ta maganatá ghwaɗaka skwi ta la Israʼila. Ka tiŋwaftá tsi ta Dawuda ŋa mbəɗaftá mbsaka la Israʼila.

Sabi 23:25

Dzaʼa magihatá iʼi Yawe, Lazglafta ghuni kuni ta slna. Tsaya tama, dzaʼa tfanagha tfa yu ta wi ta skwa zay ghuni, nda ima say ghuni. Dzaʼa huzliŋ huzla yu ta ɗaŋwaha ta ghəŋa ghuni.

Mata 16:23

« Laghu la gha ta vata iʼi, halaway na. Tuthun ta fə ka ŋa ɗa. Manda ŋa Lazglafta a ta ndana ka ta ndanu wu, manda ŋa mnda səla ta ndana ka, » ka Yesu mbəɗavata nda Piyer.

Markus 1:13

Ka zatá tsi ta fitik fwaɗ mbsak hada ta dzəghay dzəghay halaway. Ma tsa mtak ya, mataba nimtak ta nzakwa tsi, ta katay katay duhwalha Lazglafta.

Lukwa 10:18

Ka Yesu nda həŋ mantsa: « Nda ngha yu ta halaway ta dəɗagata ta luwa manda wuɗakwa luwa.

Lukwa 11:18

Ka si dgavap dga halaway his katsi ní, waká tsa ga mghama ni ya dzaʼa gɗavata tama, “ya nda mbrakwa belzebul ta ghazla tsi ta duhwalha halaway” ka kaghuni nda iʼi?

Lukwa 13:16

Wana na marakw na ta sab ma mndəra la Abraham Maghwaŋpəɗ tghasa vakwa ni na manda hbuta halaway, ra a ka pliŋtá tsəna marakw na ma tsa ziɗa ya baɗu Sabat wu ra? »

Lukwa 22:3

Tsaw ka lami halaway da Zudas ta hgə lu ka Iskaryut ta nzakway mataba mbsaka gwal ghwaŋpəɗ his.

Lukwa 22:31

« Simuŋ! Simuŋ! Nda sna ka ra? ɗawaf ɗawa halaway ta mbraku ŋa ktsiɗa kaghuni manda hya ma dzelela.

Lukwa 4:8

Ka Yesu nda tsi mantsa: « Nda vinda ma deftera Lazglafta kazlay: ma ghuva Mgham Lazglafta gha dzaʼa tsəlɓa ka ta tsəlɓu, ka maganatá slna ni turtukwa ni, » kaʼa.

Yuhwana 13:27

Na gi tsa zlghafta Zudas ta tsa ndurzla ɗafa ya, gi lama halaway dida tsa. « Maga misimmisim ta skwi ta kum ka ta magay, » ka Yesu nda tsi.

Slna gwal ghunay 26:18

Ŋa gwananata gha ta iri ta həŋ, Ŋa sliʼagapta taŋ ma grusl ka lam da tsuwaɗak, ŋa kwala halaway ka gəgəlta mgham ta ghəŋa taŋ. Lazglafta ta dzaʼa ga mgham ta ghəŋa taŋ. Mantsa ya dzaʼa kəl həŋ ka mutsafta planata dmakwa taŋ, ŋa mutsafta taŋ ta vla nzaku kawadaga nda gwal ta zlghaftá Lazglafta,” » kaʼa.

Slna gwal ghunay 5:3

Ka *Piyer nda tsi mantsa: « Ari Hananiya, kabgawu kəl ká ka zlanaŋtá ŋuɗufa gha ta halaway, ka tsakalanatá wi ta Sulkum nda ghuɓa, ka ɗifanaghutá tseda tsa vwah skwap ka ya na?

1Kwa 5:5

Ka vlaŋta kuni ta tsa mndu ya ta halaway, ŋa ɓadziŋtá sluʼuvgha ni, kada mbanafta Lazglafta ta hafa ni baɗu vragata Mghama mu Yesu.

1Kwa 7:5

Ka dzraf nda dzra a kuni ŋa fitik rets kabga ŋa maga duʼa wu katsi ná, yaha sani da kwalaghutá vla vgha ni ŋa sani. Tahula tsaya, ka vrəglanafta kuni ta guya vgha ghuni manda va ya snu kuni, da traptá kuni ta ŋafta ghudzaku ma vgha ghuni, da mutsaftá halaway ta ghurum ŋa ŋraptá kaghuni.

2Kwa 11:14

Skwa ndərmimay a tsaya wa! Halaway ka ghəŋa ni guli ná, ta klaf kla ta ghəŋa ni ka niŋta manda duhwala Lazglafta ta wuɗaku.

2Kwa 12:7

Kada kwala yu ta ghərɓaku ta ghəŋa tsa skwa ndərmimay katakata mariha Lazglafta ya ná, ka faɗimtá lu ta mbraz ma vgha ta nzakway manda duhwala halaway ghunaf lu ŋa dzadzuɗusta, ŋa pyaftá iʼi ka ghərɓaku.

2Kwa 2:11

kada kwala halaway zata ghwa ta amu, kabga nda sna amu ɗina ɗina ta hiɗakwa ni.

Vrafta ta zlahu 10:20

Yawe, Lazglafta ghuni dzaʼa kuni da zləŋay, ŋa ni dzaʼa tsəlɓa kuni ta tsəlɓu, ka ndiʼafta kuni ta vgha nda tsi. Nda hga ni dzaʼa waɗa kuni ta waɗu.

Yakubu 4:7

Hanaganawa hana ta ghəŋa ghuni ŋa Lazglafta, ka pgha kuni ta ghəŋ nda halaway ŋa hwayaghuta ni diʼiŋ nda kaghuni.

Yəhusuwa 24:14

Ka Yəhusuwa sganaghata guli mantsa: « Ndanana tama, zləŋawa Yawe, ka maganata kuni ta slna manda ya ta raku nda inda kahwathwata. Ka hliŋta kuni mataba ghuni ta lazglaftaha ya si ta tsəlɓu dzidzíha ghuni ta tsəlɓu ŋa taŋ ta tsa ɓla zala Yufratis, nda ya ma Masar ya. Ka tsəlɓa kuni ta tsəlɓu kuni ta Yawe.

1 Piyer 5:9

Dihavawa diha ma zlghay nda ŋuɗuf, ma zlanaŋ kuni ta tvi. Nda sna kuni kazlay: Mndərga va tsa ɗaŋwa ya ná, slanagha sla ta inda zwana ma ghuni ta ghəŋa haɗik demdem kəʼa.

1Sam 7:3

Ka Samuyel nda inda la Israʼila mantsa: « Ka ma hya hya ŋuɗufa ghuni ta vrakta kuni da Yawe katsi, hliŋwa hla mataba ghuni ta inda lazglaftaha mndəra sanlaha ma mnduha, nda fwatuha Ghasturet skwa wuyay. Ka vlata kuni ta ŋuɗufa ghuni ŋa Yawe, ka maganata kuni ta slna ta tsatsi turtukwa ni, dzaʼa plap pla ta kaghuni ma dzva la Filisti, » kaʼa.