Mata 27:19 - Hdi

¹⁹ Ta nzaku Pilat ma vla tsa guma tama, ka ghunafta markwa taŋ ta mndu ŋa mnanata kazlay: Ma fam ka ta ghəŋa gha ma gwaɗa ta na mndu kul haɗ dmakwa ni na. Ya ghuy ghuya yu ta ɗaŋwa katakata ta ghəŋa na mndu na ma suna ɗa ta na rviɗik gita u na kəʼa.

Mata 27:19 ပူးပေါင်းရင်းမြစ်များ

Zlrafta 31:11

Ka duhwala Lazglafta nda iʼi ma tsa suna ɗa ya mantsa: “Yakubu,” kaʼa. “Wana yu!” ka yu

Zlrafta 31:24

Girviɗik tama, ka maravata Lazglafta da Lavaŋ mnda la Aram ma suni, kaʼa nda tsi mantsa: « Ɗasuwa ká ka, yaha ka da gwaɗanaftá Yakubu dər nda zɗaku, dər nda ŋaslu, » kaʼa.

Zlrafta 31:29

Mamu yu nda mbrakwa magaghunatá ghwaɗaka skwi mazlay, tsaw ka Lazglafta da gha nda iʼi ta rviɗik ɗahawu na: “Ɗasuwa ká ka, yaha ka da gwaɗanaftá Yakubu dər nda zɗaku dər nda ŋaslu,” kaʼa.

Mbsak 12:6

Kaʼa mantsa: « Kdəkwakdək, fawa fa ɗina ta sləməŋ. Ka mamu anaba Yawe mataba ghuni, ta marava mara yu manda skwi ma suni da tsi, manda skwi ma suni dzaʼa gwaɗganata yu.

Mata 1:20

Tata ndanay ndanay tsatsi ta zlanavata, ka lagha duhwala Mgham Lazglafta da suna ni. « Yusufu zivira Dawuda, ma zləŋ ka ta kla Mari ŋa nzakway ka markwa ghuni. Tsa huɗi zlghaf tsi ya ná, Sulkum nda ghuɓa ta zlghanavata.

Mata 2:19

Manda mtatá mgham Hiridus, ka ləglagha duhwala Mgham Lazglafta da suna Yusufu ma haɗika Masar.

Mata 2:22

Ama snaŋta ni kazlay: Zwaŋa Hiridus ta nzakway ka Arkilayus ta ga mgham ta haɗika Zudiya kəʼa, ka zləŋaftá tsi ta dzaʼa da hada. Tahula mnanaŋta Mgham Lazglafta nda ma suni, ka mbəɗaghatá tsi ta vgha ta haɗika Galili.

Mata 27:18

Nda sna Pilat kazlay: Ka draku vlata həŋ ta Yesu kəʼa ya kay.

Mata 27:24

Nghay Pilat ná, zlramta a mataba taŋ wu, ta sgaku nda sga sliʼavafta ŋuɗufa mnduha, ka taʼatá tsi ta imi, « wya dzva ɗa, wya dzva ɗa, » kəʼa mbaziŋtá dzva ni ta kəma mnduha. « Sab sa dzva ɗa ta ghəŋa gwaɗa ta na mndu na, dzik nda kaghuni tsa, » kaʼa.

Mata 27:4

« Gaga yu ta dmaku ta vlatá mndu kul haɗ dmakwa ni ŋa dzata, » kaʼa nda həŋ. « Nu gwaɗa aŋni! Dzik nda kagha tsaya, » ka həŋ nda tsi.

Lukwa 23:41

Ŋa u ná, rakwa ni tsaʼuwaghatá guma, kabga nisəla slna u maga u ŋu u ta mutsafta. Tsatsi, haɗ skwi ga tsi wu, » kaʼa.

Lukwa 23:47

« Kahwathwata si ŋərma mndu na mndu na, » ka mghama sludza la Ruma nghər tsi ta tsa skwi ta magata ya, ka zləzlvu tsi ta Lazglafta.

Yuhwana 19:13

Snaŋta Pilat ta tsa gwaɗaha ya, « kladapwa kla ta Yesu dzibil, » kaʼa. Ka nzaftá tsi ta vla tsa guma ma sana vli ta hgə lu ka Pave. Tsa Pave ya, Gabasla ta hga lu nda gwaɗa *Hebru.

Slna gwal ghunay 12:21

Baɗu tsa fitik tsaf həŋ ya, ka suɗavatá Hiridus ta lguta mamgham mghama ni, ka nzafta ta dughurukwa ni, ka ŋəzlatá tsi baŋluwa.

Slna gwal ghunay 18:12

Ma fitika nzakwa Galiyuna ka ŋumna ta haɗika Akaya tama, ka gwaftá la Yahuda ta wi ka gruŋtá Pwal. Ka kladaptá həŋ da vla tsa guma.

Slna gwal ghunay 18:16

Ka ghəzlaftá tsi ta həŋ ma vla tsa guma.

Slna gwal ghunay 18:17

Ka gwaftá həŋ ta wi ta Sustene, ta nzakway ka mgham ta ghəŋa tsa həga tagha skwa la Yahuda ya, ka ksafta, ka ɗgapta ta wa tsa vla tsa guma ya, gvalaŋ a Galiyuna wa.

Slna gwal ghunay 25:10

Ka Pwal mantsa: « Wana yu ma vla tsa guma mgham Sezar. Hadna guli rakwa tsaɗighatá guma. Haɗ dmaku gana yu ta la Yahuda wu, nda sna vərɗa kagha ka ghəŋa gha.

Slna gwal ghunay 25:17

Ka saha həŋ da hadna mista ɗa. Gərɗava a yu guli wu, ka gi nzata ŋni ma vla tsa guma ga mahtsima ni. Hgagaghawa hga ta tsa mndu ya ka yu, ka hgaktá lu.

Slna gwal ghunay 25:6

Ka tghas tsi, ka ghwaŋ a fitik za Festus ma luwa Ursalima, ka laha tsi da luwa Sezare. Ga mahtsima ni, ka sliʼaftá tsi, ka lagha da vla tsa guma. « Klagapwa kla ta Pwal ya, » kaʼa.

1 Piyer 2:22

Tsatsi ná, walaŋ a ta gatá dmaku wu, haɗ sana tsakalawi ta sabi ma wa ni wa.

1 Yuhwana 2:1

Zwana ɗa, skwi kəl yu ka vindaghunaftá na skwi na ná, vindaghunaf vinda yu ŋa mbəl ŋa waray ghuni ta maga dmaku. Ala ka si maga maga mndu ta dmaku katsi, mamu mndu tɗukwa ta nzaku ta vata Lazglafta ta kla lwa mu ŋa ni. Tsa mndu ya, Yesu *Kristi ya.