Mata 26:34 - Hdi

³⁴ « Kahwathwata ka yu ta mnaghata, ta va na rviɗik gita u na, ma kɗaku vazak ka wahata, dzaʼa mna mna ka hkən səla kazlay: Sna a yu ta na mndu na wu kəʼa, » ka Yesu nda tsi.

Mata 26:34 ပူးပေါင်းရင်းမြစ်များ

Mata 26:33

Ka *Piyer nda tsi mantsa: « Dər ma dzaʼa hwayaghu hwaya lamndu ka zlavaghata ná, haɗ iʼi dzaʼa walaŋta hwayaghuta ka zlavaghata wu, » kaʼa.

Mata 26:75

Ka gi havaktá Piyer ka gwaɗa ya si mnana Yesu kazlay: Ma kɗaku vazak wahata ná, dzaʼa mnay ka hkən səla kazlay: Sna a yu ta tsa mndu ya wu kəʼa ya. Ka gi sliʼafta tsi ka laghu dzibil ka hərɓa taw.

Markus 14:72

Ka gi wahatá vazak ka mahis. Snaŋta Piyer ta tsa wahata vazak ka mahis ya, hizl sagha tsa gwaɗa mnana Yesu kazlay: Ma kɗaku vazak wahata ka mahis ná, dzaʼa mnay ka kazlay: Sna a yu ta kagha wu kəʼa ya tsa da ghəŋa ni. Ka gi sliʼaftá tsi ka laghu da hərɓa taw.

Lukwa 22:34

« Piyer! ka yu ta mnaghata ná, ma kɗaku vazak ka wahata gitaʼuna ná, hkən səla dzaʼa mnata ka kazlay: Sna a yu ta na mndu na wu kəʼa, » ka Yesu.

Lukwa 22:61

Ka mbəɗavatá Mgham Yesu nghagapta ka Piyer ma kuma. Ka havaktá Piyer ta gwaɗa mnana Yesu kazlay: Ma kɗaku vazak wahata gita u nana, hkən səla dzaʼa waɗata ka kazlay: Sana a yu ta na mndu na wu kəʼa nda iʼi kəʼa ya.

Yuhwana 13:38

Ka Yesu mantsa: « Va kahwathwata, fa fa ka ta vgha gha ŋa ɗa ra? Kahwathwata ka yu ta mnaghata, ma kɗaku vazak wahata ná, hkən səla dzaʼa mnata ka kazlay: Sna a yu ta na mndu na wu, kəʼa nda iʼi, » kaʼa.