Mata 26:27 - Hdi

²⁷ Ka klafta tsi ta leghwa ima inabi guli. Tahula rfanaghatani ta Lazglafta, ka vlaŋtá tsi ta həŋ. Kaʼa mantsa: « Sasaʼawasasa kaghuni demdem,

Mata 26:27 ပူးပေါင်းရင်းမြစ်များ

Mata 15:36

Ka hlaftá tsi ta tsa buradi ndəfáŋ nda tsa klipiha ya, ka rfanaghatá tsi ta Lazglafta ta ghəŋa ni. Ka ɓalanaptá tsi ka vlaŋtá duhwalha ni. Ka daganaftá hahəŋ guli ta tsa ndəghata dəmga ya.

Mata 26:26

Ta za skwa zay həŋ, ka klafta *Yesu ta buradi. Tahula rfanaghatani ta Lazglafta, ka ɓlanaptá tsi ka vlaŋtá duhwalha ni. Kaʼa mantsa: « Zlghawazlgha ka za kuni. Nana na ná, sluʼuvgha ɗa ya, » kaʼa.

Mata 26:28

kabga nana na ná, usa ɗa ya, usa slərɓa zughu dzaʼa pghiŋta lu ŋa pla dmakwa ndəghata mndu.

Lukwa 22:20

Tahula zuta taŋ ta skwa zay, ka kapaftá tsi ta leghwa manda tsaya guli, kaʼa mantsa: « Nana leghwa na ná, slərɓatá zughu mataba mnduha nda Lazglafta ya nda ma usa ɗa ta pghuta ŋa ghuni.

1Kwa 10:16

Tsa leghwa tfa wi ta sə mu, ka rfa Lazglafta ta ghəŋa ni ya ní, nza a ka guyatá amu nda *Kristi nda ma usa ni ra? Tsa buradi ta dguvusta mu ya guli ní, nzaʼa ka guyatá amu nda Kristi nda ma sluʼuvgha ni guli ra?

1Kwa 11:28

Ka gala mndu ma ghəŋa ni ta nzakwa ni karaku makəɗ tsi ka za na buradi na, nda ya makəɗ tsi ka sa skwi ma na laghwa na.