Mata 24:9 - Hdi

⁹ « Dzaʼa vla vla lu ta kaghuni ma dzvu ŋa mnduha, ŋa gaghunaptá iri. Dzaʼa psla psla lu ta kaghuni guli. Dzaʼa husaŋ husa kuni ta inda mndəra mnduha ta ghəŋa haɗik kabga gwaɗa ta iʼi.

Mata 24:9 ပူးပေါင်းရင်းမြစ်များ

Danyel 11:33

Dzaʼa taghanaf tagha gwal nda ɗifil ma ghəŋa taŋ ta pgha mnduha ta skwi ta ndəghata mnduha. Ama dzaʼa mamu fitik dzaʼa pslata lu nda kafay ta sanlaha mataba taŋ. Dzaʼa driŋta nda dra lu ta sanlaha, dzaʼa pgham pgha lu ta sanlaha da gamak tahula hlaghutá huzla taŋ.

Mata 22:6

ta valafta sanlaha ta tsa kwalvaha ya ka ganaptá iri ta həŋ, ka pslatá həŋ.

Mata 23:34

Tsaya tama ná, dzaʼa ghunaghunafghuna yu ta la anabi, nda gwal nda ɗifil da həŋ, nda gwal tagha zlahu. Dzaʼa pslata nda psla kuni ta sanlaha, dzaʼa zleŋafta nda zləŋa kuni ta sanlaha, dzaʼa sləvapta nda sləva kuni ta sanlaha ma həga tagha skwa ghuni, dzaʼa zbiŋ zba kuni ta həŋ ma inda luwaha, ka giri ŋa taŋ.

Lukwa 11:49

Tsaya kəl Lazglafta ma ɗifila ni ka mnay kazlay: Dzaʼa ghunədaghuna ghuna yu ta la anabi nda gwal ghunay ta həŋ, dzaʼa psla psla həŋ ta sanlaha, dzaʼa Ganap ga həŋ ta iri ta sanlaha kəʼa.

Lukwa 21:12

« Ma kɗaku tsa skwiha ya magaku dzaʼa kasay lu ta kaghuni, dzaʼa ghuyay lu ta ɗaŋwa ŋa ghuni, dzaʼa hlay lu ta kaghuni da həga tagha skwa la *Yahuda, ŋa tsaghunaghatá guma, dzaʼa tsatsam tsatsa lu ta kaghuni ma gamak, dzaʼa hlay lu ta kaghuni ta kəma mghamha nda ŋumnaha, kabga nzakwa ghuni ka ŋa ɗa.

Yuhwana 15:18

Ka *Yesu mantsa: « Ka ta husaŋ husa kuni ta mnduha ta na ghəŋa haɗik na katsi, tiŋəl iʼi ta husaŋtá həŋ ka kaghuni.

Yuhwana 15:21

Ta gwaɗa ta iʼi dzaʼa maga həŋ ta tsaya ŋa ghuni, kabga sna a həŋ ta mndu ta ghunigihata wa.

Yuhwana 16:2

Dzaʼa taliŋ tala lu ta kaghuni ma həga tagha skwa la *Yahuda. Tsa yeya a va ni wu, ta sagha sa fitik dzaʼa kəl mnduha dzaʼa pslatá kaghuni ka ndanay kazlay: Na skwi maga mu na ná, maga maga mu ta skwi ta zɗəganatá Lazglafta kəʼa.

Slna gwal ghunay 28:22

Ta kumay aŋni ta snaŋtá skwi ta ndanu kagha ka ghəŋa gha nda ma wa gha. Skwi ya snaŋ aŋni ná, nda ndəgha gwal ta pgha rutsak ta na lfiɗa dina ghuni na, » ka həŋ.

Slna gwal ghunay 7:59

Ta zlərtsə həŋ ta Atiyen nda pala ya, ta mag tsatsi ta duʼa da Lazglafta. Kaʼa mantsa: « Mgham Yesu, tsuʼa ta hafa ɗa, » kaʼa.

1 Piyer 4:16

Ala, ka lagha mndu ka ghuya ɗaŋwa, kabga vəl nzakwa ni ka krista katsi, yaha tsaya da ksay ka skwa hula. Katək na, ka rfa tsi ta Lazglafta ta ghəŋa vəl favatani ta tsa hgu ya.

Suna Yuhwana 2:10

Ma zləŋ ka ta ghuya ɗaŋwa ya dzaʼa ka da ghuyay. Ya wya halaway dzaʼa hlafta sanlaha ma kaghuni ka pghamta ma gamak ŋa dzəghaghunata, ŋa zaghunatá fitik ghwaŋ ta giri ŋa ghuni. Ka sladafta ka ta zlghay nda ŋuɗufa gha dər ŋa dzata kagha tsi. Dzaʼa vlagha vla yu ta hafu ŋa nisəla vəl zata gha ta ghwa.

Suna Yuhwana 2:13

Nda sna yu kazlay: Ma vla ga mghama halaway nzata ka kəʼa. Kulam nda tsa, ndiʼaf ndiʼa ka ta vgha ta iʼi. Zlana a ka ta zlghay nda ŋuɗufa gha, dər ma fitika dzata Aŋtipas ta nzakway ka ŋərma mndu, ka masləmtsəka ɗa ma luwa ghuni, ma vla nzakwa halaway ya wa.

Suna Yuhwana 7:14

« Kagha yeya nda sna Mghama ɗa, » ka yu nda tsi. Kaʼa nda iʼi mantsa: « Hahəŋ ná, gwal ta sabi ma giri ganap lu ta həŋ katakata ya həŋ. Ka ghwaɓaptá həŋ ta lguta taŋ, ka ɓaɓaptá həŋ ma usa Zwaŋa Tuwak.