Mata 22:5 - Hdi

⁵ Ndanaŋ a tsa gwal hagaŋ lu ya wa. Ta laghu ya da vwaha ni, ta laghu ya da tsakalani,

Mata 22:5 ပူးပေါင်းရင်းမြစ်များ

Zlrafta 19:14

Ka sliʼaftá Lut ka laghu da mnay ŋa gwasiha ni ta dzugwa kwagha ni, kaʼa mantsa: « Sliʼafwa sliʼa misimmisim ka sliʼapta kuni ma na vli na, kabga dzaʼa zaɗanatá na luwa na Yawe, » kaʼa. Ama ma ndana gwasiha ni ya ná, gaga mndani ya, ka həŋ.

Zlrafta 25:34

Ka vlaŋtá Yakubu ta Ghesav ta buradi nda datá mbiza. Ka zutá tsi, suha ta imi, ka sliʼaftá tsi ka laghwi. Ka hərtətatá Ghesav ta má mali mala ni.

Mata 13:22

Tsa vli ma teki rkam hulfa mida ya guli ná, tsaya gwal ta snaŋtá gwaɗa Lazglafta, ka laghu həŋ da ndana skwiha ma ghəŋa haɗik, nda skwa gadghəl, ka raghwanatá tsa skwiha ya ta tsa gwaɗa ya ma həŋ, ka niŋtá həŋ ka ksubaŋ.

Mata 22:4

Ka ghunəglafta tsi ta sanlaha ma kwalvaha ŋa dzaʼa “mnanatá tsa gwal hagaŋ tsi ya nda mnay kazlay: Ndanana ná, ndusa skway zay kəʼa. Psla psla yu ta slaha ɗa, nda rina fisika ɗa nda uwasla nda uwasla, nda paya inda skwi, saghawa sa da za skwa zay ma vla kla makwa,” kaʼa nda həŋ.

Mata 22:6

ta valafta sanlaha ta tsa kwalvaha ya ka ganaptá iri ta həŋ, ka pslatá həŋ.

Yuhwana 2:16

« Hliŋwa na skwiha na hadna, ma niŋ kuni ta həga Da ɗa ka həga mbəɗa dzvu, » kaʼa nda gwal dzawa ghərbuʼha.

Slna gwal ghunay 2:13

« Nda ghuya həŋ, » ka sanlaha ka ghuɓasa həŋ.

Slna gwal ghunay 24:25

Ka zlraftá Pwal ta zwa gwaɗa ta ghəŋa nzaku ya ta zɗəganatá Lazglafta, nda gwaɗa ta nghuta mndu ta ghəŋa ni, nda gwaɗa ta ghəŋa ya ka Lazglafta dzaʼa tsa guma ta ghəŋa mnduha. Ka Feliks ksur tsi ka zləŋ mantsa: « La tama, baɗu mutsafər yu ta fitik ya guli ná, hgəgəlta ɗa ta kagha tsa, » kaʼa.

La Ruma 2:4

Lazglafta ná, dagala zɗaku da tsi, dagala ksa ŋuɗuf da tsi, ghudza a nda ghudza ta skwi wa. Ta gagə nda gaga kagha tama rki? Ari sna a wa kagha kazlay: Tsa zɗakwa Lazglafta ya ta tiŋwa kagha ŋa mbəɗanafta gha ta nzakwa gha kəʼa ka na?

La Ruma 8:6

Ka laghu la lu da snanatá ta ŋa skwi ta zɗəganatá sluʼuvgha katsi ná, kla ghəŋ da mtaku tsa. Ka laghu la lu da sna skwi ta zɗəganatá Sulkum nda ghuɓa katsi guli ná, kla ghəŋ da hafu nda ya da zɗaku tsa guli.

2Tim 3:4

Dzaʼa nzakway həŋ ka gwal ta dzawaptá mndu, ka gwal ta valafta ta mndu, ka gwal ta ghərbuta ma vəl gla ghəŋ. Mal skwi ta zɗəganatá həŋ ɗvu həŋ ka Lazglafta.

Hebru 2:3

Ka si mantsa ya tsi, waká amu dzaʼa ndapta ma tsa guma ya, ka si kwalaghu kwala mu ta tsa glakwa glakwa mbaku ya tama? Wya tiŋəl Mgham *Yesu ta mna tsa gwaɗa ta mbaku ya tama, ka sgamaghatá gwal ta snaŋtá tsa gwaɗa ya guli kazlay: Kahwathwata tsa gwaɗa ya kəʼa.

2 Piyer 2:3

Ta taɗaku ira tsa ghwaɗaka mnduha ya ta skwa mndu, ŋa tsakalay taŋ ta wi ŋa gatugadughunustá skwa ghuni. Tsaw nda ghada tsatá guma ta ghəŋa taŋ daga manda ghalya, ta kzlaykzlay zaɗaku ta həŋ.