Mata 22:3 - Hdi

³ Ka ghwanaftá tsi ta kwalvaha ni ŋa hagaktá gwal hagaŋ tsi ŋa za tsa skwa zay ya, ama ka kwalaghuta tsaha ya ta sagha.

Mata 22:3 ပူးပေါင်းရင်းမြစ်များ

Mata 21:34

Magatá fitika ɗaga yakwa ni, ka ghunafta tsi ta kwalvaha ni da tsa gwal hva ma tsa vwah ya, ŋa mutsanafta taŋ ta ŋa ni ma ɗagata yakwa tsa inabi ya.

Mata 23:37

« Aya Ursalima! Aya Ursalima! Kagha ta pslatá la anabi, kagha ta pslata nda pala ta gwal ghunadaghagha Lazglafta. Nda kɗa fitika zbaŋta ɗa ta tskanatá zwana gha manda mana ghatalakw ta tskanatá nduɗukhani ma zlambakha ni ya, ama ka kwalaghuta kuni.

Mata 3:2

« Mbəɗanafwa mbəɗa ta nzakwa ghuni, kabga ndusa ga mghama Lazglafta ka sagha, » kaʼa.

Mata 9:15

Ka Yesu nda həŋ mantsa: « Dzaʼa laviŋ lava gwal hagaŋ lu da vla kla makwa ta nzata zuzuʼuva, ka ta kawadaga zwaŋamidzi nda həŋ ra? Dzaʼa sagha sa fitik ŋa kləgadanaghutá həŋ ta zwaŋamidzi. Ma tsa fitik ya dzaʼa suma həŋ ta suma.

Lukwa 13:34

« Luwa Ursalima! Luwa Ursalima! Kagha ta rwanatá anabiha. Ghunəgaghagha Lazglafta ta mnduha ná, rwana ka, ka pslatá həŋ nda pala. Kumaŋ kuma yu ta tskanatá mnduha gha ta vata iʼi, manda mana ghatalakw ta tskanatá nduɗukhani ma zlambaka ni, ka kwalaghutá kuni.

Lukwa 15:28

Ka ɓasaftá tsi ta ŋuɗuf, ka kwalaghutá dzaʼa da həga. Ka sab da ni gatay ŋa lama ni da həga.

Lukwa 19:27

Tsa hamata gwal kul kuma nzakwa ɗa ka ga mgham ta ghəŋa taŋ ya, hlagaghawa hla ta həŋ ka pslata kuni ta həŋ tawa ira ɗa, kaʼa nda həŋ,” » ka Yesu.

Yuhwana 5:40

Sew va a kuni ta sagha da iʼi ŋa mutsa vərɗa hafu wa.

Slna gwal ghunay 13:45

Nghay la Yahuda ta tsa tskata mnduha ya, ka lam həŋ nda draku, ka dzadzə həŋ ta wa i Pwal, ka raraza həŋ.

La Ruma 10:21

Tsaw kaʼa mnata ta ghəŋa la Israʼila guli na: « Pgha pgha yu ta dzva ɗa ŋa tsuʼa gwal kwisa ghəŋa taŋ, sna a həŋ ta gwaɗa da mndu ya wu, » kaʼa.

Hebru 12:25

Ɗasuwa ka kuni! Yaha kuni da kwalaghutá snaŋtá lwa Lazglafta ya ta gwaɗa nda kaghuni! Ghalya, tsa gwal ta kwalaghutá snatá gwaɗa tsa mndu ta mnay ŋa taŋ ta ghəŋa haɗik ya ná, ndap a həŋ ma guma wa. Amu yeya dzaʼa ndapta ka mbəɗana mbəɗa mu ta hul ta Lazglafta ta gwaɗa nda amu daga ta luwa rki tama?

Hebru 9:15

Tsaya kəl Kristi ka sladamta ma takataka i Lazglafta nda mnduha, ŋa dzrəglaftá wi ka lfiɗ nda həŋ, ŋa zlghay gwal hagaf Lazglafta ta tsa ŋərma skwi tanaf tsi ta imi ta sləməŋ ta həŋ ŋa vlaŋtá həŋ, ŋa nzakwa ni ka ŋa taŋ ŋa ɗekɗek ya. Əŋkaʼ a ka mtakwa Kristi ta varagaptá mnduha ma ghwaɗaka skwiha ya ta mag həŋ ma dzratá wi ya ŋa ghalya.

Suna Yuhwana 22:17

Ka i Sulkum nda makwamidzi mantsa: « Sagha sa, » ka həŋ. Ka inda mndu ya ta snay guli mantsa: « Sagha sa, » kaʼa. Mndu ya ta kuzlaŋta ndala, ka sawi tsi da sa ima hafu, dzaʼa vlaŋ vla lu ka mbalay.

1Sam 9:13

Na gi ɓhadamta ghuni da luwa ya ná, dzaʼa slay kuni ma kɗaku tsi da ŋlaghata ta vli tskala da za skwa zay. Nziya nza tsi ná, haɗ mnduha dzaʼa zutá skwa zay ta kul lagha tsatsi wu, kabga tsatsi dzaʼa ɗawa tfa wi ta ghəŋa tsa pla ghəŋ ya. Tahula tsa, ŋa zay gwal mbala lu ta skwa zay. Lawa misimmisim, kabga dzaʼa slay kuni, » ka həŋ.