Mata 21:3 - Hdi

³ Ka mamu mndu ta gwaɗgaghunata ta ghəŋa ni katsi ná, “Mgham ta kumay,” ka kuni da zlghanaftá wa ni. Dzaʼa gi zlaghunaŋ zla həŋ. »

Mata 21:3 ပူးပေါင်းရင်းမြစ်များ

1Mgh 17:9

« Sliʼaf sliʼa, la da luwa Tsarfat ta haɗika Tsiduŋ ka nzata ka hada, ya mnanaf mna yu ta sana markwa wadgu, ŋa vla skwa zay ŋa gha, » kaʼa.

Izra 1:1

Ta taŋtaŋa vakwa gay Sirus mghama Persiya ta mgham ta ghəŋa Babila, ka sliʼanaftá Yawe ta ŋuɗufa Sirus mghama Persiya, ŋa mnaŋta baŋluwa, nda ya nda vindi, ma inda vli ta gə tsi ta mgham, kada hɗamta gwaɗa Yawe ta mnigiŋta nda ma wa anabi Yirməya. Kaʼa mnata mantsa:

Izra 1:5

Mantsa tama, ka sliʼaftá maliha mataba mndəra la Yahuda, nda la Biŋyamiŋ, nda gwal ta dra skwi ma həga Lazglafta, nda la Levi, inda tsa gwal vlaŋ Lazglafta ta mahizl ŋa dzaʼa ba həga Yawe ma Ursalima ya.

Izra 7:27

Ka Izra mantsa: « Kagha Yawe, Lazglafta dzidzíha ŋni ŋa zləzləvay, kabga kagha ta famta ma ŋuɗufa mgham ta tva vlaŋtá sgit ta həga Yawe ma Ursalima.

Mata 21:2

Kaʼa nda həŋ mantsa: « Lawa la da a luwa ta kəma ghuni a. Ka ɓhadagha ɓha kuni, dzaʼa gi slanagha sla kuni hada ta hbatá mana kəɗih nda zwaŋa ni. Ka pligiɗaghata kuni ta həŋ.

Mata 21:4

Kəl tsaya ka nzakway mantsa ná, nda nza kabga ŋa dzanaghatá ghəŋa gwaɗa ya mna anabi Zakari kazlay:

Yuhwana 17:2

Vlaŋ vla ka ta mbraku ta ghəŋa inda mnda səla, ŋa vlaŋta ni ta hafu ŋa kɗekedzeŋ ta gwal pgham ka ta həŋ ma dzva ni.

Yuhwana 3:35

« Ɗvu ɗva Da ta Zwaŋ, ka fanamtá tsi ta inda skwi ma dzva ni.

Slna gwal ghunay 17:25

Psaŋ a ta katu da mnda səla ŋa vlaŋtá skwi wa. Haɗ skwi pɗa tsatsi guli wa. Tsatsi ta famta hafu ma inda mndu ta kəl mndu ka hafu. Tsatsi guli ta vlata inda hamata skwi.

2Kwa 8:16

Ta rfay ŋni ta Lazglafta ta vlaŋtá ndanu ta Titus, ka fatá tsi ta ghəŋa ni ŋa kataghunata manda va ŋa ŋni.

2Kwa 8:9

Nda sna kaghuni ta zɗakatahuɗa Mgham Yesu *Kristi. Tsatsi ná, galipi ya, ka niŋtá tsi ta ghəŋa ni ka pɗu ŋa naghunaftá kaghuni ka gadghəl nda ma tsa pɗa ni ya.

Yakubu 1:17

Inda skwi ya ta ɗinuta, nda inda mbəhu ya kul haɗ sana skwi ta ghəŋa ni ná, ta luwa ta saha tsi, da Lazglafta ta nzakway ka Da ni ma tsuwaɗakha. Haɗ tsatsi ta mbəɗavafta wa, haɗ sana skwi ta zawataku ka grum da tsatsi wa.

1Sam 10:26

Ka laghu Sawulu dzagha ni ma Givgha. Ka pghaftá gwal nda sgit, gwal kasaŋ Lazglafta ta ŋuɗufa taŋ kawadaga nda tsi.