Mata 20:8 - Hdi

⁸ « Ga hawu tama, “hagakhaga ta tsa gwal ta ksa slna ya, ka planata ka ta nisəla taŋ ka zlrafta ka nda tsa gwal ka kwanaha ni ya, ŋa kɗiŋta gha nda gwal taŋtaŋ,” ka tsa da ni ma vwaha inabi ya nda kwalva ni.

Mata 20:8 ပူးပေါင်းရင်းမြစ်များ

Zlrafta 15:2

Ka Abram mantsa: « Rvera ɗa Yawe, nya dzaʼa vlihata ka na? Haɗ zwaŋ ya yu wa. Ilighezer mnda la Damas dzaʼa za həga ɗa, » kaʼa.

Zlrafta 43:19

Ka gavanavatá həŋ ta tsa mndu ta nghapta ka həga Yusufu ya, ka gwaɗganata ta dzaʼa həŋ lam da həga.

La Levi 19:13

Ma tsaghu kuni ta mndu, ma ghala kuni. Ma ŋaghu kuni ta nisəla mndu ta magatá slna ha ka lab ta sərɗək ga mahtsima ni.

Mata 20:7

Ka həŋ nda tsi mantsa: “Haɗ mndu ta klaftá aŋni ŋa maga slna wa,” ka həŋ. Kaʼa nda həŋ mantsa: “Lawa kaghuni guli da maga slna ma vwaha ɗa,” kaʼa.

Mata 20:9

Ka lagha tsa gwal ta zlraftá ksa slna beeghwa fitik ya. Ka vlaŋtá lu ta tseda vagha mndu turtuk turtuk ta həŋ.

Mata 25:19

« Nzɗavanzɗa lu katakata tama, ka vraktá daŋahəga ni həga tsa kwalvaha ya dzagha. Ka ɗaw tsi da həŋ ta skwi maga həŋ nda tsa tseda ni ya.

Mata 25:31

« Baɗu sagha dzaʼa sagha *Zwaŋa mndu ma glakwa ni kawadaga nda inda duhwalha Lazglafta ná, dzaʼa nzaf nza ta dughurukwa glakwa ni.

Lukwa 10:7

Ka tsuʼaf tsuʼa lu ta kaghuni, ka nzata kuni ma tsa həga ya, ka za kuni, ka sa kuni ta inda skwi dzaʼa vlaghunata lu, kabga nda ra ka tsuʼay mndu ta maga slna ta nisəla ni. Yaha kuni dzaʼa da ra həga.

Lukwa 12:42

« Wa na mndu tɗukwa nda mahizl ma ghəŋa ni na na? Tsaya a mndu dzaʼa daŋahəga ni həga ni mnay ŋa ni: “Ta vlagha vla yu ta slna, ka vla ka ta skwa zay ŋa gwal ta magihatá slna nda fitika ni,” kaʼa ya ra.

Lukwa 8:3

nda Yuwana markwa Kuza. Tsa Kuza ya, mndu ya fanam mgham Hiridus ta inda skwi ma həga ni ma dzva ni ya. Mamu Suzana, nda ndəghata sanlaha ma miʼaha guli mataba taŋ. Inda tsa miʼaha ya ná, kataŋ kata həŋ ta i Yesu nda duhwalha ni nda skwi ma dzva taŋ.

2Kwa 5:10

Inda amu demdem ná, dzaʼa lagha la mu ta kəma *Kristi ŋa tsamaghatá guma, ŋa zlghay inda mndu ta nisəla slna ni ya maga tsi ma nzakwa ni ta ghəŋa haɗik. Ka ɗina slna ni maga tsi, dzaʼa zlghay ta nisəla ni, ka ɗina a slna ni maga tsi wu dzaʼa zlghay ta nisəla ni guli.

Vrafta ta zlahu 24:15

Vlaŋta gha ta nisəla ni baɗ va tsaya. Yaha fitik da dɗata makəɗ ka ka vlaŋta, kabga pɗu ya, zlah ta kəzla tsi. Ka vlaŋ a ka wu, dzaʼa ŋaɗay ta ghəŋ da Yawe ta ghəŋa kagha, dá nzakw dmaku ka ŋa gha.

Titus 1:7

Mndu kul haɗ gwaɗa ta ghəŋa ni katsi, kabga slna Lazglafta ta mag tsi. Má ma nza tsi ka mndu tsuʼaslaŋslaŋa, ka mndu ta gufwaku ŋuɗufa ni, ka mndu ta ghuyaku, ka mnda ghazeŋzeŋ, ma nza tsi ka mndu ta nənɓaptá mndu ma tsedi.

Hebru 9:28

Manda tsaya Kristi guli, turtuktuk səla mtuta tsi, ŋa vlaŋtá ghəŋa ni ta Lazglafta, ŋa hərɗiŋtá dmakwa ndəghata mnduha, ŋa vrəglagatani ka mahis. Tsa vrəglagata dzaʼa vrəglagata tsi ya, ŋa hərɗgəltá dmaku a wa, ama ŋa mbanaftá gwal ta fata vgha ka kəzlay.

1 Piyer 4:10

Inda kaghuni, magawa maga ta slna nda tva ni ŋa sanlaha nda skwi ya vlaghuna Lazglafta. Mantsa ya dzaʼa kəl kuni ka nzakway ka vərɗa gwal ta ksa slna nda zɗakatahuɗi kavghakavgha ya ta vlə Lazglafta.

Rut 2:6

Ka tsa mali ta ghəŋa gwal ta tska skwi ta vwah ya mantsa: « Makwa la Muwav ya, tsa marakw ta vragaghata kawadaga nda Naghumi si ta haɗika Muwav ya.