Mata 2:4 - Hdi

⁴ Ka tskanatá tsi ta inda gwal mali ta ghəŋa gwal dra skwi ŋa Lazglafta, nda gwal tagha zlahu ŋa mnduha. Ka ɗawu tsi da həŋ: « Ga tsa vli dzaʼa yata lu ta Kristi ya na? » kaʼa nda həŋ.

Mata 2:4 ပူးပေါင်းရင်းမြစ်များ

2Rus 34:13

Hahəŋ guli ta nghapta ka slna hla huzla nda inda gwal ta maga slna kavghakavgha. Mamu sanlaha ma la Levi guli ta vindi, maliha sanlaha, ngha wa tgha ŋa sanlaha.

2Rus 34:15

Ka Hilkiya nda Safaŋ, mnda vindi mantsa: « Slaf sla yu ta deftera zlaha Musa ma həga Yawe, » kaʼa. Ka vlaŋtá Hilkiya ta tsa defteri ya ta Safaŋ.

2Rus 36:14

Inda maliha gwal dra skwi ŋa Lazglafta, nda mnduha tani, ka sganaghatá həŋ ta ga dmaku, nda ma tagha skala sana mndəra mnduha ta maga manzakɗawaya skwiha. Ka niŋtá həŋ ka skwi kul tsaɗaku ta həga Yawe faghu tsi ma Ursalima ya.

Izra 10:5

Ka sliʼaftá Izra, kaʼa nda la maliha ta ghəŋa gwal ta dra skwi ŋa Lazglafta ta nzakway ka la Levi, nda inda la Israʼila mantsa: « Waɗawa waɗa ka dzaʼa magay kuni manda tsa ndanu mna Sekaniya ya, » kaʼa. Ka waɗatá həŋ.

Izra 7:6

Tsa Izra ya ná, saf ma Babila. Mnda tagha zlahuha ta sutá zlaha Musa vla Yawe, Lazglafta Israʼila ya. Ta vlaŋ vla mgham ta inda skwi ɗawaŋ tsi, kabga ta hula ni Yawe, Lazglafta ni.

Nəhemiya 12:7

nda Salu, nda Amuk, nda Hilkiya, nda Yədaya. Tsaha ya mali ta ghəŋa gwal dra skwi ŋa Lazglafta, nda mnduha taŋ ta fitika Yəhusuwa.

Mata 13:52

Kaʼa nda həŋ guli mantsa: « Tsaya tama ná, ka nuna mnda tagha zlahu ka duhwala ga mghama Lazglafta ná, ka guram nda daŋahəga ni həga ta mutsa skwa gadghəla ni ma skwiha ka lfiɗ ka lfiɗ, nda ya ma skwiha nda kɗa fitika ni, dzaʼa gra lu, » kaʼa.

Mata 2:3

Snaŋta mgham Hiridus ta tsa gwaɗa ya, tsiɓak ma vgha ni. Mantsa ya inda gwal ma luwa Ursalima guli.

Mata 2:5

Ka həŋ nda tsi mantsa: « Ma luwa Betʼlehem ta haɗika Zudiya dzaʼa yatá lu, kabga wya ka anabi vindafta:

Mata 21:15

Nghay la mali ta ghəŋa gwal ta dra skwi ŋa Lazglafta, nda gwal tagha zlahu ŋa mnduha ta tsa mandərmima skwi ta mag Yesu, nda tsa hlawa zwani ma həga Lazglafta kazlay: « Ŋa Zwaŋa Dawuda glaku! » kəʼa ya ná, ka kuzlanaftá tsi ta həŋ ta ŋuɗuf.

Mata 21:23

Ka lam *Yesu da həga Lazglafta ka taghə tsi ta skwi ŋa mnduha. Ka gavadaghata la mali ta ghəŋa gwal dra skwi ŋa Lazglafta, nda la galata mndu da ɗawaŋta da tsi. « Mutsu ga kagha ta na mbraku ta kəl kagha ka maga na skwiha na na? Wa ta vlaghata na mbraku na? » ka həŋ.

Mata 26:3

Ka tskavatá la mali ta ghəŋa gwal dra skwi ŋa Lazglafta, nda la galata mndu mataba mnduha ma daɓa həga ga mali ta ghəŋa gwal dra skwi ŋa Lazglafta ta hgə lu *Kayifa ya.

Mata 26:47

Tata tsa gwaɗa ya i *Yesu, nda ɓhakta Zudas ta nzakway tekw mataba duhwalha ghwaŋpəɗ his ya. Kawadaga həŋ nda ndəghata mnduha nda kafay nda kafay, nda sarak nda sarak, ghunaf la mali ta ghəŋa gwal dra skwi ŋa Lazglafta nda la galata mndu mataba mnduha.

Mata 27:1

Tsaɗakwa vli ga sərɗək, ka tskavata la mali ta ghəŋa gwal dra skwi ŋa Lazglafta nda la galata mndu, ka dzraftá gwaɗa ta ghəŋa *Yesu, ŋa dzata.

Mata 7:29

kabga nda sgit ma tsa ŋa ni tagha skwi ya, nza a manda tsa ŋa gwal tagha zlahu ŋa taŋ ya wa.

Markus 8:31

Mantsa tama, ka zlraftá *Yesu ta taghay ŋa duhwalha ni kazlay: Dzaʼa ghuyapə ghuya *Zwaŋa mndu ta ɗaŋwa katakata. Dzaʼa wuɗidiŋ wuɗa la galata mnduha, nda maliha ta ghəŋa gwal ta dra skwi ŋa Lazglafta, nda gwal tagha zlahu ŋa mnduha tani. Dzaʼa dza dza lu, baɗu mahkən, ŋa sliʼagaptani nda hafu, kaʼa.

Lukwa 20:19

Ma va tsa fitik ya, ka zbə la mali ta ghəŋa gwal dra skwi ŋa Lazglafta, nda gwal tagha zlahu, ta tva ksaftá *Yesu, kabga nda sna həŋ kazlay: Ta ghəŋa taŋ ta mna Yesu ta tsa mahdihdi ya kəʼa, ama ka zləŋaftá həŋ ta mnduha.

Lukwa 23:10

Hada la mali ta ghəŋa gwal dra skwi ŋa Lazglafta nda gwal tagha zlahu ŋa mnduha. Ka va ŋavatá həŋ ka vaza rutsak tida.

Yuhwana 18:3

Ka hlanaftá la mali ta ghəŋa gwal dra skwi ŋa Lazglafta, nda la *Farisa ta sludziha, nda gwal ta ngha həga Lazglafta, ta Zudas. Ka sliʼaftá həŋ nda huzla vulu nda huzla vulu, nda pelapela nda pelapela, nda pinatá vu nda pinatá vu. Ka lagha həŋ da tsa gam ya.

Yuhwana 3:10

Ka Yesu nda tsi mantsa: « Kagha mndu ta tagha skwi ŋa la Israʼila ná, sna a ka ta tsa ra?

Yuhwana 7:32

Ka sniŋtá la *Farisa ta tsa skwi ta mnə mnduha makɗekmakɗek ta ghəŋa *Yesu ya. Ka ghunaftá la mali ta ghəŋa gwal dra skwi ŋa Lazglafta, nda la Farisa ta gwal ngha həga Lazglafta da ksa Yesu.

Yuhwana 8:3

Mbaɗa gwal tagha zlahu ŋa mnduha, nda la *Farisa ka ksadaghatá sana marakw ksaf lu ta hliri. Ka kladamta da taba mnduha ka sladanata ta kəma Yesu.

Slna gwal ghunay 23:9

Ka sliʼaftá inda mnduha nda gugɗaku. Ka sliʼavata sanlaha mataba gwal ta tagha zlahu ŋa mnduha ta nzakway mataba la Farisa gwaɗata nda lwi dagala dagala: « Mutsaf a aŋni ta sana ghwaɗaka skwi maga na mndu na wa. Ka sana Sulkum tsi, ka sana duhwala Lazglafta tsi, ka ki tsi ta gwaɗganata, » ka həŋ.

Slna gwal ghunay 4:5

Ga mahtsima ni, ka tskavata gwal dagala dagala mataba la *Yahuda, nda la galata mndu, nda gwal ta tagha zlahu ŋa mnduha ma luwa Ursalima.

Slna gwal ghunay 6:12

Mantsa ya, ka sliʼanaftá həŋ ta ghəŋ ta dəmga nda la galata mndu, nda gwal tagha zlahu. Tahula tsa, ka valaftá həŋ ta Atiyen, ka ksaghatá da vla tska vgha taŋ.