Mata 2:15 - Hdi

¹⁵ Ka nzatá tsi hada ha ka sagha fitika mta ta mgham Hiridus. Mantsa kəʼa maguta ŋa dzanaghatá ghəŋa gwaɗa mna Mgham Lazglafta nda ma wa anabi, kaʼa mantsa: « Ma haɗika Masar hgagapta yu ta zwaŋa ɗa, » kəʼa ya.

Mata 2:15 ပူးပေါင်းရင်းမြစ်များ

Sabi 4:22

Ka ka dzaʼazlay nda Firʼawna na: “Ka Yawe nda kagha wa: Israʼila ná, zwaŋa ɗa ya, zumala ɗa ya.

Mbsak 24:8

Ka hlagaptá Lazglafta ta həŋ ma Masar, manda duliha sladra nzakwa ni ŋa taŋ. Dzaʼa niʼavatá ghumaha taŋ ka mndəra sana mnduha, dzaʼa paslafvatá ghudzifa taŋ, dzaʼa hahatá həŋ nda havaha ni.

Mata 1:22

Inda tsaya ná, magu maga ŋa dzanaghatá ghəŋa skwi ya mnigiŋ Mgham Lazglafta nda ma wa anabi kazlay:

Mata 2:14

Ka sliʼaftá Yusufu, ka hlaftá tsi ta i tsa zwaŋ ya nda ma ni girviɗik ka laghwi ta haɗika Masar.

Mata 2:17

Ma tsa fitik ya dzatá ghəŋa gwaɗa ya mna anabi Yirməya. Kaʼa mantsa:

Mata 2:19

Manda mtatá mgham Hiridus, ka ləglagha duhwala Mgham Lazglafta da suna Yusufu ma haɗika Masar.

Mata 2:23

Ka laghu tsi nzata ma sana luwa ta hgu lu ka Nazaret. Nda nza mantsa ya ŋa dzanaghatá ghəŋa gwaɗa ya mana la anabiha, ka həŋ mantsa: « Mnda la Nazaret dzaʼa hga lu, » ka həŋ.

Mata 21:4

Kəl tsaya ka nzakway mantsa ná, nda nza kabga ŋa dzanaghatá ghəŋa gwaɗa ya mna anabi Zakari kazlay:

Mata 26:54

Kinawu tama dzaʼa nzakwa dzata ghəŋa skwi ya nda vinda ma deftera Lazglafta ta mnay kazlay: Mantsa ya dzaʼa magakwa tsi kəʼa ya? » kaʼa.

Mata 26:56

Kəl na skwiha na ka magaku ná, nda nza ŋa dzanaghata ghəŋa skwi ya vindaf la anabi ma deftera Lazglafta, » kaʼa. Ka gi hwayaghutá inda duhwalha Yesu krawats ka zlanavata.

Mata 27:35

Tahula zləŋafta taŋ, ka vzə həŋ ta vindima, ŋa daguvustá lgutha ni.

Mata 8:17

Mantsa ya magata tsi ŋa dzanaghatá ghəŋa gwaɗa ya mna anabi Isaya kazlay: « Tsatsi ka ghəŋa ni ta hlaghutá ɗaŋwaha mu, ka mbambamafta ma kwala mu kul ɗughwanaku kəʼa ya. »

Lukwa 24:44

Kaʼa nda həŋ mantsa: « Wana na skwi si ta mnə yu ŋa ghuni ma fitika nzakwa ɗa kawadaga nda kaghuni kazlay: “Inda skwi ya vindaf lu ta ghəŋa iʼi ma deftera Musa nda ya ma deftera la anabi, nda ya ma Zabura ná, dzaʼa magaku kəʼa ya kay,” » kaʼa nda həŋ.

Yuhwana 19:28

Tahula tsa, manda snaŋta *Yesu kazlay: Nda kɗa inda skwi tama kəʼa, « ndala ta kuzlihata! » kaʼa, ŋa nzakwa ni manda ya nda vinda ma defteri.

Yuhwana 19:36

Maga maga tsa skwiha ya mantsa, ŋa nzakwa ni manda ya nda vinda ma defteri kazlay: Haɗ ghudzifa ni dzaʼa ɓlanapta lu dər turtuk wu kəʼa ya.

Slna gwal ghunay 1:16

« Zwana ma ɗa, nda ra ka magakwa skwi ya mna Sulkum nda ghuɓa ma defteri nda ma wa Dawuda ta ghəŋa Zudas, ta nuta ka mnda kla kəma ŋa mnduha ya ta ksaftá Yesu ya.