Mata 2:13 - Hdi

¹³ Tahula laghwa taŋ, ka lagha sana duhwala Mgham Lazglafta da suna Yusufu. Kaʼa nda tsi mantsa: « Sliʼaf sliʼa, kla ta na zwaŋ na nda ma ni ka hwayaghata ka nda həŋ ta haɗika Masar, ka nzata ka hada. Iʼi dzaʼa mnaghata kada vrakta ka. Ya dzaʼa zbay Hiridus ta na zwaŋ na ŋa dzata, » kaʼa.

Mata 2:13 ပူးပေါင်းရင်းမြစ်များ

1Mgh 11:17

Ma tsa fitik ya, ta ka zwaŋa galaɓay na Hadat, ka pərɗaftá tsi ta hwayaghuta da Masar kawadaga nda sanlaha ma la Idum kwalvaha da ni.

1Mgh 3:5

Ma Givghuŋ, ka zlagaptá Yawe da Salumuŋ ga rviɗik ma suni. Ka Lazglafta nda tsi mantsa: « Ɗawiha ɗawa ta skwi ta kum ka, ka vlaghata yu! » kaʼa.

Sabi 1:22

Ka Firʼawna nda inda mnduha ni mantsa: « Inda zwaŋa zgun dzaʼa yagata lu mataba la Hebru ya ná, ka vzaghata kuni da ghwa Nil. Ama inda ya ka makwa, ka zlanata kuni nda hafu, » kaʼa.

Mata 1:20

Tata ndanay ndanay tsatsi ta zlanavata, ka lagha duhwala Mgham Lazglafta da suna ni. « Yusufu zivira Dawuda, ma zləŋ ka ta kla Mari ŋa nzakway ka markwa ghuni. Tsa huɗi zlghaf tsi ya ná, Sulkum nda ghuɓa ta zlghanavata.

Mata 10:23

Ka ta giri lu ŋa ghuni ma sana luwa katsi, ka hwaya kuni da sana luwa. Kahwathwata ka yu ta mnaghunata, ma kɗaku kuni ka ranaftá inda luwaha la Israʼila ná, dzaʼa vragagha vra *Zwaŋa mndu.

Mata 2:12

Tahula tsa ka mnanatá Lazglafta ta həŋ nda ma suni kazlay: Yaha yaha həŋ da vradaghata nda da Hiridus kəʼa. Ka sliʼaftá həŋ ka vraghata da luwa taŋ nda ta sana tvi.

Mata 2:14

Ka sliʼaftá Yusufu, ka hlaftá tsi ta i tsa zwaŋ ya nda ma ni girviɗik ka laghwi ta haɗika Masar.

Mata 2:16

Kəʼa ka Hiridus ná, hiɗaku hiɗanagha tsa gwal nda snatá skwi ta ghəŋa tekwatsa ya. Ka kuzlanaftá tsi ta ŋuɗuf. Tsaw mnana mna tsa gwal nda sna ta skwi ta ghəŋa tekwatsa ya kay ta fitika zlagapta tsa tekwatsa ya, kəl tsi ka mnay: Lawa pslihatá inda zwana zgwana yaga lu hada hada ha ka klaftá imi his ma luwa Betʼlehem, nda ya ma inda vli ta wanafta kəʼa.

Mata 2:22

Ama snaŋta ni kazlay: Zwaŋa Hiridus ta nzakway ka Arkilayus ta ga mgham ta haɗika Zudiya kəʼa, ka zləŋaftá tsi ta dzaʼa da hada. Tahula mnanaŋta Mgham Lazglafta nda ma suni, ka mbəɗaghatá tsi ta vgha ta haɗika Galili.

Slna gwal ghunay 10:22

« Kwarney ka mali ta ghəŋa ghuɓa sludzi, ta nzakway ka ŋərma mndu, ta zləŋa Lazglafta, ta ghubu inda la *Yahuda ya ta ghunaŋnakta. Duhwala Lazglafta ta mnanata ŋa hgadaptá kagha da taŋ ŋa sna skwi dzaʼa ka mnanata, » ka həŋ nda tsi.

Slna gwal ghunay 10:7

Na gi laghwa tsa duhwala Lazglafta ta gwaɗa nda tsi ya, ka hgaftá tsi ta kwalvaha ni his nda ŋərma sludza ni turtuk ta ksanatá slna manda ghalya.

Slna gwal ghunay 12:11

Ma tsa fitik ya zlrafta Piyer ta snaŋtá skwi ta magaku. « Ndanana, grafta yu dar kazlay: Mgham *Yesu ta ghunagatá duhwala ni klaptá iʼi ma dzva Hiridus nda ya ma inda ghwaɗaka skwi si ta kum la *Yahuda ta slaɗighata ni, » kaʼa.

Slna gwal ghunay 12:7

Gi ka zlagaptá duhwala Lazglafta ka tsuwaɗakanaftá vli ma tsa dzuguvi ya. Ka nduhuɗaŋtá tsi ta Piyer ma ŋwazliɓ. « Sliʼaf sliʼa misimmisim, » kaʼa nda tsi. Gi stak saha tsa tsuhwalha ya tsa ta dzva ni.

Slna gwal ghunay 16:36

Ka mnda ngha vuʼa lami mnanatá Pwal mantsa: « Zliŋ zla ta həŋ, ka gwal tsa guma tsghaɗiktá lwi, sabwa sa, ka dzaʼa kuni nda zɗaku, » kaʼa.

Slna gwal ghunay 5:19

Girviɗik, ka gwaniŋtá duhwala Mgham Lazglafta ta wa tgha tsa gamak ya ka hligiŋtá gwal ghunay mida.

Slna gwal ghunay 7:19

Ka nənɓaptá tsi ta mndəra amu. Ka dulu tsi ta dzidzíha mu, ŋa vlata taŋ ta zwana taŋ tkweʼ ŋa rwanatá həŋ.

Yəhusuwa 3:13

Na gi fadamta tsa gwal ta dra skwi ŋa Lazglafta ta kla akwata dzratá wa Yawe, mghama inda ghəŋa haɗik ya ta səla taŋ da zala Yardeŋ dzaʼazlay ya, dzaʼa tsavap tsa zala. Haɗ tsa imi ta saha nda sa ya dzaʼa mbaɗgəlta mbaɗa wa. Dzaʼa slada slada manda skwi ŋaghu lu, » kaʼa.

Yəhusuwa 3:17

Ka sladaghutá tsa gwal ta dra skwi ŋa Lazglafta, ta kla akwata dzratá wi Yawe ya ma takataka daɓa ghwa nda ghwala ya kul gigiɗavata, ta sliʼadaptá la Israʼila nda səla ta ghwalatá vli, ha ka sliʼadapta inda mndu ta ɓla zala Yardeŋ.

Yəhusuwa 4:10

Ka sladatá tsa gwal ta dra skwi ŋa Lazglafta ta kla akwati ya ma takataka Yardeŋ ha ka magata mnduha ta inda tsa skwiha mnanaf Yawe ta Yəhusuwa ya. Mantsa ya tama, ka mag Yəhusuwa manda va ya mnaf Musa. Tahula tsa, ka tsughwaɗadaptá mnduha ta tsa ghwa ya misimmisim.

Yəhusuwa 4:18

Na gi saba tsa gwal ta dra skwi ŋa Lazglafta ta kla akwata dzratá wa Yawe ya ma takataka Yardeŋ, ka zlraftá zala ta mbaɗa, ka ndəghafta pesleʼ pesleʼ manda va si nzakwa ni taŋtaŋ.

Suna Yuhwana 12:14

Ka vlaŋtá lu ta zlambakha his manda ŋa dzala ta tsa marakw ya, ŋa ndraghata ni da mtak da vli ya payanaf Lazglafta, ŋa kwala nahaɗik ɓhanavata. Hada dzaʼa zunusta lu ta skwa zay ka vaku hkən, fwaɗ ka maŋəzlawats.

Suna Yuhwana 12:4

Ka slpidiŋtá tsi ta faway turtuk ma dgatá tekwatsaha hkən ta luwa ta haɗik nda hturani. Ka sladata tsa makɗakatandaŋ ya ta kəma tsa marakw ta dzaʼa dgaku ya ŋa ndutá tsa zwaŋa ni ya dgar tsi.

Suna Yuhwana 12:6

Ta hwayaghatá tsa marakw ya da mtak, da vli ya payaf Lazglafta, ŋa zunustá skwa zay hada ka fitik dəmbuʼ nda his dərmək nda mkuʼ mbsak.