Mata 19:5 - Hdi

⁵ Ka Lazglafta mantsa: “Tsaya dzaʼa kəl zgun ka zlaŋtá i da ni nda ma ni, ka laghu da ndiʼaftá vgha nda markwa taŋ, ŋa nzakway tsa hahəŋ his ya ka mndu turtuk.” Mantsa ya tama,

Mata 19:5 ပူးပေါင်းရင်းမြစ်များ

Zlrafta 34:3

Ka laghu tsa Dina makwa Yakubu ya da ŋuɗufa ni, ka ɗvutá tsi ta tsa makwa ya, ka ɗvutá tsa makwa ya guli.

2Sam 1:26

Nda gurɗa ŋuɗufa ɗa dabga kagha a Yunataŋ, zwaŋama ɗa! Ɗvu ɗva yu ta kagha. Malaghu mala ɗvuta gha ta iʼi katakata, ka malaghuta ɗvutá miʼaha.

1Mgh 11:2

Nda nza həŋ ka ɓuzula la mayəm ya mnə Yawe ŋa la Israʼila kazlay na: « Yaha kuni da ndiʼa vgha nda həŋ, yaha hahəŋ guli da ndiʼa vgha nda kaghuni kəʼa ya həŋ. Ka mantsa a tsi wu, dzaʼa mbəɗiŋ mbəɗa həŋ ta ŋuɗufa ghuni ŋa famta taŋ ta kaghuni da tsəlɓu ŋa lazglaftaha taŋ, » kaʼa. Tsaw ta kwagha tsa mnduha ya ndiʼafta Salumuŋ ta vgha, tɗagha ɗvu.

Mata 19:6

nzəgla a həŋ ka mnduha his wa, ama ka mndu turtuk nzakwa taŋ. Yaha mndu tama da dganatá skwi ya ndiʼanaf Lazglafta, » kaʼa.

La Ruma 12:9

Hmətət ka kuni ɗvuvustá vgha ghuni, ma mag kuni ta maɗgwirmaɗgwir. Ka husaghuna husa inda ghwaɗaka skwi. Ŋafwa vgha ta skwi ɗina.

1Kwa 6:16

Sna a kuni kazlay: Mndu ta ndiʼaftá vgha ni nda karwa ná, ka skwa turtuk vgha taŋ nda tsi kəʼa ra? Tsa mnduha his ya dzaʼa nzata ka sluʼuvgha turtuk, ka defteri ta ghəŋa ni.

1Kwa 7:2

Tsaw tama ná, ŋa wara hliri ná, ɗina ka klafta mndu ta marakw, ta dzaʼa marakw guli da zəʼal.

1Kwa 7:4

Vgha marakw ná, ŋa ni a wu ŋa zəʼala taŋ ya. Vgha zəʼal guli ná, ŋa ni a wu ŋa markwa taŋ ya.

Afisus 5:31

« Tsaya ta kəl zgun ka zlaŋtá da ni nda ma ni, ka laghu ndiʼaftá vgha nda markwa taŋ, ka nzakwa taŋ ka sluʼuvgha turtuktuk, » ka defteri mnata.

Vrafta ta zlahu 10:20

Yawe, Lazglafta ghuni dzaʼa kuni da zləŋay, ŋa ni dzaʼa tsəlɓa kuni ta tsəlɓu, ka ndiʼafta kuni ta vgha nda tsi. Nda hga ni dzaʼa waɗa kuni ta waɗu.

Vrafta ta zlahu 11:22

Ka si ŋana ŋa kaghuni kahwathwata ta tsa zlahuha mnaghunaf yu ya, nda ma maga slna nda tsi, nda ma ɗvutá Yawe, Lazglafta ghuni, nda ma ksa inda tviha ni, nda ma ndiʼaftá vgha tida katsi,

Vrafta ta zlahu 4:4

Ama kaghuni ta ndiʼafta ta Yawe, Lazglafta ghuni ya, ta ndiri kaghuni demdem gitana.

1Sam 18:1

Na gi kɗiŋta Dawuda ta gwaɗa nda Sawulu, ka ndiʼanavatá Yunataŋ ta vgha ta Dawuda, ka ɗvuta manda va ghəŋa ni.

1Sam 25:43

Klaf kla Dawuda guli ka marakw ta Ahinugham makwa la Yizrəghel. Ka nzakw həŋ his his ka miʼa ni.