Mata 17:22 - Hdi

²² Ma sana fitik ka tskavatá duhwalha *Yesu ma Galili. Ka Yesu nda həŋ mantsa: « Dzaʼa vla vla lu ta *Zwaŋa mndu ma dzva mnduha.

Mata 17:22 ပူးပေါင်းရင်းမြစ်များ

Mata 16:21

Daga ma tsa fitik ya zlrafta *Yesu ta tsalinistá duhwalha ni kazlay: « Dzaʼa dzaʼa yu da luwa Ursalima, dzaʼa ghuyɗipghuya la galata mndu, nda la mali ta ghəŋa gwal dra skwi ŋa Lazglafta, nda gwal tagha zlahu ŋa mnduha ta ɗaŋwa katakata. Ŋa dzata taŋ ta iʼi. Baɗu mahkən ya, ŋa sliʼagapta ɗa ma mtaku nda hafu, » kaʼa.

Mata 16:28

Kahwathwata ka yu ta mnaghunata ná, haɗ sanlaha mataba na gwal hadna na dzaʼa rwuta kul nghaŋtá həŋ ta sagha Zwaŋa mndu ma ga mghama ni wa. »

Mata 17:12

Ama ka yu ta mnaghunata ná, ghada ghada Iliya ta sagha. Tsaw tama tsatsaf a mnduha wu, ka ghuyanaptá həŋ ta ɗaŋwa manda ya kumaŋ həŋ. Manda va tsaya dzaʼa ghuyanapta həŋ ta ɗaŋwa ta Zwaŋa mndu guli, » kaʼa nda həŋ.

Mata 17:23

Ŋa dzata taŋ, baɗu mahkəna fitik ŋa sliʼagaptani nda hafu ma mtaku, » kaʼa. Ka nzata duhwalha ni sasuʼanak katakata ta ghəŋa ni.

Mata 17:9

Ta vragatá həŋ ta tsa ghwá ya tama, ka zlahanaghatá Yesu ta həŋ: « Yaha yaha kuni mnanaŋtá dər wati ma mndu ta skwi ya nghaŋ kuni, ha ka sagha fitika sliʼagapta *Zwaŋa mndu nda hafu ma mtaku, » kaʼa.

Mata 24:10

Ta ghəŋa tsaya tama, nda ndəgha gwal dzaʼa zlanavatá zlghay nda ŋuɗufa taŋ. Dzaʼa skwap skwa sani ta sani, ta husaŋtá sani ta sani.

Mata 26:16

Daga ma tsa fitik ya, ka zbə tsi ta tvi ya nda ra ŋa vlata ni ta Yesu.

Mata 26:46

Sliʼafwa sliʼa mbaɗma. Waʼa tsa mndu ta vlatá iʼi ŋa dzata ya ta sagha, » kaʼa.

Markus 8:31

Mantsa tama, ka zlraftá *Yesu ta taghay ŋa duhwalha ni kazlay: Dzaʼa ghuyapə ghuya *Zwaŋa mndu ta ɗaŋwa katakata. Dzaʼa wuɗidiŋ wuɗa la galata mnduha, nda maliha ta ghəŋa gwal ta dra skwi ŋa Lazglafta, nda gwal tagha zlahu ŋa mnduha tani. Dzaʼa dza dza lu, baɗu mahkən, ŋa sliʼagaptani nda hafu, kaʼa.

Lukwa 24:26

Nza a tkweʼ ka ghuyay *Kristi ta tsa ɗaŋwaha ya ma kɗaku tsi ka lami da glakwa ni ra? » kaʼa nda həŋ.

Lukwa 24:46

Kaʼa nda həŋ guli mantsa: « Wya ka lu vindafta: Dzaʼa ghuyay *Kristi ta ɗaŋwa, ŋa sliʼagaptani ma mtaku nda hafu baɗu mahkən.

Lukwa 9:22

Kaʼa sganaghata guli na, « dzaʼa ghuyay *Zwaŋa mndu ta ɗaŋwa katakata, dzaʼa wɗiŋwɗa la galata mndu nda gwal mali ta ghəŋa gwal dra skwi ŋa Lazglafta, nda gwal tagha zlahu ŋa mnduha. Dzaʼa dza dza lu, ŋa sliʼagaptani nda hafu baɗu mahkən, » kaʼa.

Lukwa 9:43

Ka ndərmim mnduha ta glakwa mbrakwa Lazglafta. Ta laghu mnduha da ndərmima inda tsa skwi maga Yesu ya, ka Yesu nda duhwalha ni mantsa:

Slna gwal ghunay 7:52

Wati ma anabi ya kul ganaptá dzidzíha ghuni ta iri na? Ta psla psla həŋ ta gwal ya ta mna gwaɗa ta ghəŋa mndu ta nzakway tɗukwa. Ta na fitik na guli, ka skwaptá kaghuni ta tsa mndu tɗukwa ya ka dzata.

1Kwa 11:23

Wya skwi tsuʼaf yu da Mgham *Yesu, ka taghaghunafta yu: Ta tsa rviɗik kəl lu ka vlatá Mgham Yesu ya ná, ka klaftá tsi ta buradi,