Mata 17:21 - Hdi

²¹ [Ama mndərga tsa ghwaɗaka sulkum ya ná, ba nda maga duʼa kawadaga nda suma ta ghəzligiŋtá lu,] » kaʼa nda həŋ.

Mata 17:21 ပူးပေါင်းရင်းမြစ်များ

1Mgh 17:20

Ka hgaŋtá tsi ta Yawe, kaʼa mantsa: « Yawe, Lazglafta ɗa, ta kumay ka ta maganatá ghwaɗaka skwi ta na marakw ta tsuʼaftá iʼi ga taŋ na, ha ŋa dzatá zwaŋa ni ra? » kaʼa.

Danyel 9:3

Ka zlraftá yu ta suma, ka favatá buhu ka buhwavatá hutiɗif, ka mbəɗavatá yu təv Mgham Lazglafta ka maga duʼa da tsi nda taw nda taw.

Mata 12:45

yawa da! kəʼa dzaʼazlay ŋa vraghuta ni, ŋa hlanakta ni ta sanlaha ma ghwaɗaka sulkumha ndəfáŋ ta malaghutá tsatsi nda sidi. Ŋa lama taŋ da tsa həga ya ka nzamta mida. Mantsa tama, dzaʼa nzakway ɓadzatá nzakwa tsa mndu ya ka malaghutá nzakwa ni taŋtaŋ. Manda va tsaya dzaʼa nzakwa tsi nda na mnduha ta na ghwaɗaka fitik na, » kaʼa.

Mata 17:22

Ma sana fitik ka tskavatá duhwalha *Yesu ma Galili. Ka Yesu nda həŋ mantsa: « Dzaʼa vla vla lu ta *Zwaŋa mndu ma dzva mnduha.

Markus 9:29

« Mndərga tsa Sulkum ya ná, ba nda maga duʼa kada saba tsi, » kaʼa nda həŋ.

Slna gwal ghunay 13:2

Ma sana fitik, ka tskavatá həŋ ka maga duʼa nda sumay. « Hlapwa i Barnabas nda Sawul ya mataba ghuni, ŋa maga slna ya hgaŋ yu ta həŋ, » ka Sulkum nda ghuɓa, nda həŋ.

Slna gwal ghunay 14:23

Ka paghanamtá həŋ ta gwal ŋa ngha mnduha ta həŋ ma inda vla guyatá ghəŋa mnduha Lazglafta. Tahula ndəɓata taŋ ta dzvu kawadaga nda suma, ka fanamtá həŋ ta tsa mnduha ya ma dzvu ta Lazglafta, ya zlghaf həŋ.

1Kwa 7:5

Ka dzraf nda dzra a kuni ŋa fitik rets kabga ŋa maga duʼa wu katsi ná, yaha sani da kwalaghutá vla vgha ni ŋa sani. Tahula tsaya, ka vrəglanafta kuni ta guya vgha ghuni manda va ya snu kuni, da traptá kuni ta ŋafta ghudzaku ma vgha ghuni, da mutsaftá halaway ta ghurum ŋa ŋraptá kaghuni.

2Kwa 11:27

Tazlay ná, ta hərfu hərfa yu, ta duda vgha ɗa ta maga slna, haɗ yu ta faftá hani ta iri baɗu ma sani wu, baɗu ma sani ta dzay maya nda ndala ta iʼi, haɗ yu ta mutsaftá skwa zay baɗu ma sani wu, ta dzay mtasl ta iʼi, ta pɗa pɗa yu ta lgut ŋa fafta ta vgha.

Afisus 6:18

Ma inda tsa skwiha ta mag kuni ya, magawa maga ta duʼa da Lazglafta, ɗawawa ɗawa ta kataghunatani inda fitik manda ya dzaʼa pghə Sulkum nda ghuɓa ta kaghuni. Nzawa nza ndiri, yaha kuni walaŋta zlaŋtá maga duʼa. Magawa duʼa inda fitik ta ghəŋa mnduha Lazglafta.