Mata 14:6 - Hdi

⁶ Ka sagha fitik ya ta grafta nda fitik ya kəl lu ka yatá Hiridus. Ka lagha makwa tsa Hiridiya ya kay da skalu ta kəma gwal hagadagha lu da vla skala havaktá tsa fitika yakwa ni ya. Ka zɗanaftá tsi ta ŋuɗuf ta Hiridus.

Mata 14:6 ပူးပေါင်းရင်းမြစ်များ

Zlrafta 40:20

Tahula fitik hkən, ka skalu lu ta fitika yakwa Firʼawna, ka maganatá tsi ta skwa zay ta inda kwalvaha ni. Ta wa ira taŋ, ka kapanaftá tsi ta tsa mali ta ghəŋa gwal ta da skwa say, ka kapanaftá tsi guli ta mali ta ghəŋa gwal ta da buradi.

Asta 2:18

Ka maganatá mgham ta skwa zay dagala ta inda mnduha ni ka mali ka mali, nda kwalvaha ni. Tsa skwa zay ya ná, ŋa ga maghurba Asta nzakwa ni. Ma tsa fitik ya, ka mbiʼanaptá tsi ta vgha ta mnduha ta inda haɗikha nda pla dzumna. Ka mbahatá tsi ta mnduha ka muvla mamgham mgham.

Mata 14:3

Tsaw si mna mna Hiridus kazlay: Ksiɗifwa ksa ta Yuhwana kəʼa. Ka ksaftá lu, ka habafta, ka vzamta ma gamak ta ghəŋa gwaɗa ta Hiridiya markwa zwaŋama ni Filip,

Mata 14:7

Kaʼa mantsa: « Dər nahgani ɗawaŋ ka da iʼi ná, ta vlagha vla yu, » kaʼa waɗanatá tsa makwa ya.

Mata 22:24

Ka həŋ nda Yesu mantsa: « Mghama ɗa, ka Musa na: “Ka mtu mta mndu ta kul yatá tsi ta zwaŋ katsi, klay zwaŋama ni ta tsa wadga ni ya ka markwa taŋ ŋa yanatani ta zivir ta tsa zwaŋama ni ta mtuta ya,” kaʼa.

Markus 6:14

Mantsa, ka snanaghatá tsa gwaɗa ta gwaɗ lu ta *Yesu ya ta mgham Hiridus, kabga laghu la hga ni da zərwa. Ka lu ta mnay tida na: « Tsa Yuhwana mnda maga batem ya kay ya ta sliʼagabta ma mtaku, tsa ta kəl tsi ka maga mazəmzəmha, » ka lu.

Markus 6:17

Kəl Hiridus ka mnata ksaftá Yuhwana ná, kabga gwaɗa ta Hiridiya ta nzakway ka markwa zwaŋama ni Filip klu tsi ka marakw,

Markus 6:19

Tifin ɓasanava ɓasa Hiridiya ta ŋuɗuf ta Yuhwana kabga tsa gwaɗa ya, ka zbə tsi ta tvi ŋa dzata ama triɗ trap tra ta tva ni.

Markus 8:15

« Ɗasuwa ka kuni! Nghawa ghəŋa ghuni da isa la *Farisa nda Hiridus, » ka *Yesu zlahanaghatá həŋ.

Lukwa 13:31

Ma va tsa fitik ya, ka lagha sanlaha ma la *Farisa slanaghatá *Yesu, ka həŋ mantsa: « Ta psa kagha Hiridus ŋa dzata, sliʼaf sliʼa hadna ka laghwa ka da sana vli, » ka həŋ.

Lukwa 23:11

Mbaɗa i Hiridus nda sludziha ni ka dulay, ka gagay. Ka suɗanavatá həŋ ta lgut ka ka nda ɗinakwa ni, ka vriŋta da Pilat ta nzakway ka ŋumna.

Lukwa 23:7

Snaŋta Pilat kazlay: Sliʼaf ma luwa ta gə Hiridus ta mgham na Yesu kəʼa, ka vriŋtá tsi ta Yesu da mgham Hiridus, kabga ma luwa Ursalima Hiridus ma tsa fitik ya.

Lukwa 3:1

Ta Maghwaŋpəɗ hutafa vakwa Tiber Sezar ta pala, ta nzakwə Pwaŋəs Pilat ka ŋumna ta haɗika Zudiya, ta gə Hiridus ta mgham ta haɗika Galili, ta gə zwaŋama ni Filip guli ta mgham ta haɗika Iture nda haɗika Trakunita, ta gə Lisaniya guli ta haɗika Abilena.

Lukwa 3:19

Ka dvanaghatá Yuhwana ta mgham Hiridus ta ghəŋa klugudunustani ta Hiridiya markwa zwaŋama ni Filip, nda ya ta ghəŋa ndəghata sanlaha ma ghwaɗaka skwi ta mag tsi.

Lukwa 8:3

nda Yuwana markwa Kuza. Tsa Kuza ya, mndu ya fanam mgham Hiridus ta inda skwi ma həga ni ma dzva ni ya. Mamu Suzana, nda ndəghata sanlaha ma miʼaha guli mataba taŋ. Inda tsa miʼaha ya ná, kataŋ kata həŋ ta i Yesu nda duhwalha ni nda skwi ma dzva taŋ.

Slna gwal ghunay 12:1

Ma va tsa fitik ya, ka zlraftá mgham Hiridus ta ghuya ɗaŋwa ŋa Igliz.

Slna gwal ghunay 4:27

Mantsa ya guli ná, guyaf guya i Hiridus nda Pwaŋəs Pilat ta wi ma na luwa na kawadaga nda sanlaha ma mndəra mnduha, nda la Israʼila ta ghəŋa kwalva gha ya nda ghuɓa, ta nzakway ka *Yesu, mndu ya tfanagha ka ta wi.