Mata 13:12 - Hdi

¹² Ŋa mndu mamu skwi da tsi ta sganaghata lu, ŋa sgutani da tsi. Ama mndu ya kul haɗ skwi da tsi ná, dzaʼa kləgadanaghu kla lu ta va tsa kiʼa da tsi ya.

Mata 13:12 ပူးပေါင်းရင်းမြစ်များ

Mata 21:43

« Tsaya kəl yu ka mnay ŋa ghuni kazlay: Dzaʼa klaghu kla lu ta ga mghama Lazglafta da kaghuni ŋa vlaŋtá mndəra mnduha dzaʼa snanatá gwaɗa ni ɗina kəʼa ya.

Mata 25:29

« Mantsa ya ná, ŋa mndu mamu tsi da tsi, ta sganaghata lu ta skwi ŋa nzakwa ni dagala da tsi. Ama mndu ya kul haɗ tsi da tsi ya, kləgadanaghutá va tsa kwitikwatani da tsi ya.

Markus 12:9

« Ndana tama, nu dzaʼa mag da ni ma tsa vwaha fuha inabi ya? Dzaʼa lagha la, ŋa zaɗanata ni ta tsa mnduha ta hva ma tsa vwah ya, ŋa vlaŋta ni ta tsa fuha inabi ya ta sanlaha ma mnduha.

Lukwa 10:42

Turtuk skwi ta raku. Ka zbaptá Mari ta vərɗa ni ya dzaʼa kwal lu klugudunusta ɗekɗek, » ka Mgham Yesu nda tsi.

Lukwa 12:48

Kwalva ya kul snaŋtá skwi ta kum mghama ni, ka magatá tsi ta skwiha prək ka ɗgapta, kiʼa yeya dzaʼa ɗguŋta lu. Ka dagala vlaŋta lu ta mndu katsi, dagala dzaʼa ɗawa lu da tsi guli. Ka si fərta tani vlaŋ lu ta mndu katsi, fərta tani dzaʼa ɗawu lu da tsi guli, » kaʼa.

Lukwa 16:2

Ka hgaŋtá tsi. Kaʼa nda tsi mantsa: “Waká ka ta magay ka lu ta snə yu ya na? Mniha mna ká ka ta maga slna gha. Ndanana na, nzəglanaghata a ka ta ghəŋa huzla ɗa wa,” kaʼa nda tsi.

Lukwa 16:25

Ka Abraham nda tsi mantsa: “Sagəŋ! Havap hava ka za mghama gha si ta zə ka ma nzakwa gha nda iri ta ghəŋa haɗik, ta ghuy Lazar ta ɗaŋwa ni ya. Ndana tama nda lɓa ŋuɗufa tsatsi, ta ghuy kagha ta ɗaŋwa gha.

Lukwa 8:18

Ɗasuwa ka kuni nda tva snaŋta skwi ta snaŋta kuni, kabga ŋa mndu nda guna sləməŋa ni ŋa sna skwi dzaʼa sganaghata lu ta snanamta. Ama ka haɗ tsi da mndu wu, dzaʼa kləgadanaghu kla lu ta va tsa má si ta ndanu tsi ta mutsay ya. »

Lukwa 9:26

Ka ta ɓasa zləŋ mndu ka mnaŋtá hga ɗa, nda gwaɗa ɗa guli katsi, iʼi *Zwaŋa mndu guli ná, dzaʼa kwalaghu kwala iʼi guli ta mnaŋtá tsa mndu ya baɗu sagha dzaʼa sagha yu ma glakwa ɗa, nda ya ma glakwa Da ɗa nda duhwalha ni nda ghuɓa, ta luwa.

Yakubu 4:6

Ta vlay katək ta zɗakatahuɗi ya ta fərtuta kəl defteri ka mnay kazlay: Ta pgha ghəŋ Lazglafta nda gwal ta gla ghəŋ, ama ta vlay ta zɗakatahuɗa ni ŋa gwal ta hanaganatá ghəŋa taŋ kəʼa ya.

Suna Yuhwana 2:5

Havak hava, ka ma vəl ga zlambuta ka ya. Ka payanata ka ta nzakwa gha, ka vranafta ka ta nzakwa gha manda va ya si ghalya. Ka kwalaghu kwala ka ta mbəɗanafta nzakwa gha katsi, dzaʼa lagha la yu da slaghaghata, ŋa klaghuta pitirla gha ma vla ni.