Mata 11:26 - Hdi

²⁶ Manda va tsa nzakwa ni Da, ta rfay yu ta kagha, ma zɗakwa gha nzakwa tsi mantsa.

Mata 11:26 ပူးပေါင်းရင်းမြစ်များ

Lukwa 10:21

Ma va tsa fitik ya ka zɗanaftá Sulkum nda ghuɓa ta ŋuɗuf ta *Yesu, kaʼa mantsa: « Əŋkaʼ a Da, Mgham ta luwa nda ya ta haɗik, ta ghəŋa ɗifanata gha ta tsa skwiha ya da gwal nda ɗifil ma ghəŋa taŋ, nda ya da gwal nda mahizl ma ghəŋa taŋ, ka maranaŋtá ka ta gwal kul snaŋtá skwi. Kahwathwata mantsa nzakwa ni Da, ta rfa kagha yu ta ghəŋa ɗvafta gha mantsa, kaʼa.

Lukwa 22:42

« Da! Ka má ta kumay ka, klaghu kla ta na ghuya ɗaŋwa na ta ghəŋa ɗa! Tsaw yaha da nzaku manda ya ta kum iʼi, ka nza tsi manda ya ta kum kagha, » kaʼa. [

Lukwa 23:34

Ka *Yesu mantsa: « Da! plana pla ta dmakwa taŋ, kabga sna a həŋ ta skwi ta mag həŋ wu, » kaʼa. Ka vzə həŋ ta vindima ŋa daguvustá lgutha ni.

Yuhwana 11:41

Ka taŋwalaghutá həŋ ta tsa klam ya. Ka nghadaftá Yesu nda ta luwa, kaʼa mantsa: « Da! Ta rfay yu ta kagha, kabga ta zlghaf zlgha ka ta tawa ɗa.

Yuhwana 12:27

Ka *Yesu mantsa: « Ndanana ná, wana nda tsa ŋuɗufa ɗa. Sna a yu ta skwi ŋa mnay ɗa wa. Da! Klap kla ta iʼi ma na ghuya ɗaŋwa na ka yu, tsaw ta ghəŋa tsa ghuya ɗaŋwa ya klə yu ka saha ta ghəŋa haɗik da ghuyay kay guli.

Yuhwana 12:28

Da! Maraŋ mara ta glakwa gha, » kaʼa. « Ghada ghada yu ta maraŋtá glakwa ɗa, dzaʼa kɗay yu ta maray guli, » ka lwi gwaɗagata daga ta luwa.

La Ruma 9:18

Mantsa ya tama ná, ta magay Lazglafta ta skwi ɗina ŋa mndu ya kumaŋ tsi, ta təŋay ta ŋuɗufa mndu ya kumaŋ tsi guli.

Afisus 1:11

Zabap zaba Lazglafta ta amu ŋa nzakway ka mnduha ni ma guyamaftani nda Kristi. Maga maga manda tsaya, kabga tamafta ta imi ta sləməŋ daga manda ghalya. Ka mnaftá tsi ta magakwa inda skwi manda ya kumaŋ tsi,

Afisus 1:9

Ka maramaŋtá tsi ta skwi ŋa magay ya nda ɗifa daga manda ghalya si kul snaŋtá mnduha. Tsa skwi kumaf tsi ta magay ya ná, nda nza nda ma slna Yesu Kristi.

Afisus 3:11

Nda kɗa fitika fata Lazglafta daga ta kul magaftá tsi ta ghəŋa haɗik. Ndanana ka magatá tsi nda ma Yesu Kristi Mghama mu.

2Tim 1:9

Tsatsi ta mbamafta. Ka hgaftá tsi ta amu ŋa nzakwa mu ka mnduha ni. Nza a kabga vəl magata mu ta skwi ɗina wu, ama mantsa ya kurata tsi nda zɗakatahuɗa ni. Tsa zɗakatahuɗa ni ya, vlama vla lu nda ma Yesu Kristi ma kɗaku lu ka fatá ghəŋa haɗik.