Mata 10:1 - Hdi

¹ Ka hagaftá *Yesu ta duhwalha ni ghwaŋpəɗ his. Ka valaŋtá tsi ta mbrakwa ghazla ghwaɗaka sulkum, nda mbamba mnduha ma inda ɗaŋwaha, nda ya ma inda ɗaŋwaha ta raghwa mndu nda raghwa ta həŋ.

Mata 10:1 ပူးပေါင်းရင်းမြစ်များ

Mata 19:28

Ka Yesu nda həŋ mantsa: « Kahwathwata ka yu ta mnaghunata, ma mbəɗavafta inda skwi dzaʼazlay ná, dzaʼa nzafta ta dughurukwa glakwa ni na Zwaŋa mndu. Kaghuni gwal ta dzaʼa mista ɗa ya guli, dzaʼa nzanzafta ta dughurukha ghwaŋpəɗ his kaghuni, ŋa tsa guma ta ghəŋa mndəra la Israʼila ghwaŋpəɗ his guli.

Mata 26:20

Gahawani, ka nzata *Yesu kawadaga nda duhwalha ni ghwaŋpəɗ his ka za skwa zay.

Mata 26:47

Tata tsa gwaɗa ya i *Yesu, nda ɓhakta Zudas ta nzakway tekw mataba duhwalha ghwaŋpəɗ his ya. Kawadaga həŋ nda ndəghata mnduha nda kafay nda kafay, nda sarak nda sarak, ghunaf la mali ta ghəŋa gwal dra skwi ŋa Lazglafta nda la galata mndu mataba mnduha.

Mata 4:23

Ka rə *Yesu ta inda haɗika Galili, ka tagha skwi ŋa mnduha ma həgaha tagha skwa la *Yahuda, ka mna *Lfiɗa Gwaɗa ta ghəŋa ga mghama Lazglafta, ka mbamba mnduha ma inda ɗaŋwaha taŋ, nda inda ya ta raghwa həŋ.

Mata 6:13

Ma zlaŋna ka tawa skwi dzaʼa dzəghaŋnata. Klap kla ta aŋni ma dzva halaway, [kabga ŋa gha ga mgham, nda mbraku, nda glaku, ŋa kɗekedzeŋ. Amin!]

Mata 9:35

Ka rə *Yesu ta vli ma inda luwa dagala dagala nda zwana luwa tani. Ka tataghə tsi ta skwi ŋa mnduha ma həgaha tagha skwa la *Yahuda. Ka mnə tsi ta *Lfiɗa Gwaɗa ta ga mghama Lazglafta, ka mbamba mnduha ma inda ɗaŋwaha, nda inda ya ta raghwa mndu.

Mata 9:38

Ndəɓawa ndəɓa ta dzvu da mnda vwah ka ghuna tsi ta gwal ksa slna, ŋa tskanatá skwi ta vwah, » kaʼa.

Lukwa 10:19

Snawa ɓa! Vlaghuna vla yu ta mbrakwa diŋlanaptá nahaɗikha nda rdaha, nda ya ta ghəŋa inda mbrakwa ghuma, haɗ sana skwi dzaʼa balaghunata wa.

Lukwa 21:15

Iʼi, dzaʼa ndanaghunaktá tva gwaɗaha nda ɗifil ŋa ŋarapta ghuni ta ghumaha ghuni, ŋa trapta taŋ ta skwi ŋa mbəɗay.

Lukwa 24:49

Wya yu dzaʼa ghunəgaghunatá tsa skwi taghunaf Da ɗa ta imi ta sləməŋ ya. Kaghuni, ka nzata kuni ma huɗa luwa ha ka saha mbraku daga ta luwa da mbraghunafta, » kaʼa nda həŋ.

Lukwa 6:13

Tsaɗakwa vla ni, ka hagadaghatá Yesu ta duhwalha ni ta vata ni, ka sliʼadaghatá həŋ. Ka zabaʼatá tsi ta mnduha ghwaŋpəɗ his mataba taŋ, ka tsanaftá tsi ta hgu ta həŋ ka gwal ghunay.

Yuhwana 17:2

Vlaŋ vla ka ta mbraku ta ghəŋa inda mnda səla, ŋa vlaŋta ni ta hafu ŋa kɗekedzeŋ ta gwal pgham ka ta həŋ ma dzva ni.

Yuhwana 3:27

Ka Yuhwana mantsa: « Haɗ mndu dzaʼa mutsaftá sana skwi ka Lazglafta a ta vlaŋta wa.

Yuhwana 3:35

« Ɗvu ɗva Da ta Zwaŋ, ka fanamtá tsi ta inda skwi ma dzva ni.

Yuhwana 6:70

Ka Yesu mantsa: « Iʼi a ta ɗagaptá na kaghuni ghwaŋpəɗ his na ra? Nziya nza tsi ná, ka halaway ya turtuk mataba ghuni, » kaʼa nda həŋ.

Slna gwal ghunay 1:8

Kaghuni, dzaʼa mutsay kuni ta mbraku sarə Sulkum nda ghuɓa ta ghəŋa ghuni. Ŋa nzakwa ghuni ka masləmtsəka ɗa ma luwa Ursalima, nda ya ta haɗika Zudiya, nda ya ta haɗika Samari, nda ya ta kɗavakta ghəŋa haɗik demdem, » ka *Yesu nda həŋ.

Slna gwal ghunay 19:15

Ma sana fitik, ka tsa ghwaɗaka sulkum ya nda həŋ mantsa: « Wya nda sna yu ta Yesu, nda sna yu ta Pwal guli, wa kaghuni tama? » kaʼa nda həŋ.

Suna Yuhwana 12:1

Tahula tsa, ka zlagapta sana mandərmimi ta luwa. Sana marakw ya bukwam lu nda fitik manda skwi nda lgut. Ka sladafta tsi ta tili nda wa ta tekwatsa ghwaŋpəɗ his ma ghəŋ.