Lukwa 9:41 - Hdi

⁴¹ Ka Yesu mantsa: « Gwal təŋ təŋa ghəŋa taŋ kul haɗ zlghay nda ŋuɗuf da həŋ, kulam ŋa yawu dzaʼa nzavaghunata yu? Kulam ŋa yawu dzaʼa nzata yu ka suʼaghunata? Klak tsa zwaŋa gha ya da hadna, » ka Yesu nda tsa mndu ya.

Lukwa 9:41 ပူးပေါင်းရင်းမြစ်များ

2Mgh 5:8

Snaŋta Ilisa, mnda Lazglafta kazlay kuhiŋ kuhwa mghama la Israʼila ta lguta ni kəʼa, ka tsəghanaftá tsi ta lwi ta mgham, kaʼa mantsa: « Kabgawu kəl ka ka kuhiŋtá lguta gha na? Ghunagagha ghuna ta tsa mndu ya da iʼi, dzaʼa nda sna kazlay mamu anabi ma Israʼila kəʼa, » kaʼa.

Sabi 10:3

Ka lagha i Musa nda Haruna da Firʼawna, ka həŋ nda tsi mantsa: « Ka Yawe, Lazglafta la Hebru wa: “Ha yawu dzaʼa gɗavata ka ma kwal kul dzagatá ghəŋ ta kəma ɗa na? Zlana zla ta mnduha ɗa ka sliʼa həŋ, ka tsəlɓa həŋ ta tsəlɓu ŋa ɗa.

Sabi 16:28

Ka Yawe nda Musa mantsa: « Ha ŋa yawu dzaʼa kwalaghuta kuni ta snatá zlaha ɗa, nda skwiha ya ta mnaghunafta yu na?

Mbsak 14:11

Ka Yawe nda Musa mantsa: « Ha ŋa yawu dzaʼa gɗata na mnduha na ta hərtətatá iʼi na? Ha ŋa yawu dzaʼa gɗata həŋ ta kwalaghuta faftá ghəŋ ta iʼi, kulam nda inda ŋizlaha maraŋ yu mataba taŋ na?

Mbsak 14:27

« Ha ŋa yawu dzaʼa zlanata yu ta guyatá ghəŋa na mnduha ka ghwaɗak ta ruruŋwaku nda iʼi na na? Sniɗigha sna na ruruŋwakwa la Israʼila ta ghəŋa ɗa.

Mata 11:28

« Saghawa sa da iʼi inda kaghuni gwal nda hərfa da ndəgaku ka mbiʼaghunapta yu ta vgha.

Mata 12:39

Ka Yesu nda həŋ mantsa: « Ghwaɗak mnduha ta na fitik na. Haɗ həŋ ta zləŋa Lazglafta wa. Ta ɗawa mazəmzəm həŋ. Haɗ sana mazəmzəm dzaʼa maganata lu ta həŋ, ka tsa ŋa anabi Yunusa ya a tsi wa.

Mata 12:45

yawa da! kəʼa dzaʼazlay ŋa vraghuta ni, ŋa hlanakta ni ta sanlaha ma ghwaɗaka sulkumha ndəfáŋ ta malaghutá tsatsi nda sidi. Ŋa lama taŋ da tsa həga ya ka nzamta mida. Mantsa tama, dzaʼa nzakway ɓadzatá nzakwa tsa mndu ya ka malaghutá nzakwa ni taŋtaŋ. Manda va tsaya dzaʼa nzakwa tsi nda na mnduha ta na ghwaɗaka fitik na, » kaʼa.

Mata 16:4

Ghwaɗak mnduha ta na fitik na, zləŋa a həŋ ta Lazglafta wa. Mazəmzəm yeya ta ɗawu həŋ. Haɗ sana mazəmzəm dzaʼa maganata lu ta həŋ ka ŋa anabi Yunusa a tsi wu, » kaʼa nda həŋ. Ka sliʼaftá tsi ka zlaŋta həŋ ka laghwa ni.

Mata 17:17

Ka Yesu mantsa: « Kaghuni mnduha ta na fitik na, haɗ zlghay nda ŋuɗuf da kaghuni wa. Ta maga ghwaɗaka skwi kuni. Ha ŋa yawu dzaʼa gɗavata yu ta vata kaghuni na? Klagaɗighawa tsa zwaŋ ya da hadna, » kaʼa.

Mata 23:36

Kahwathwata ka yu ta mnaghunata, dzaʼa vrafta ta ghəŋa gwal ta na fitik na inda tsaya, » kaʼa.

Mata 3:7

Nghay Yuhwana ta ndəghadaghata la *Farisa nda la *Sadukiya ta sliʼadaghata da tsi, ŋa maganaftani ta batem ta həŋ ná, kaʼa nda həŋ mantsa: « Mndəra la mupuhwa! Wa ya ta mnaghunatá hwayapta ma tsa ɓasatá ŋuɗufa Lazglafta dzaʼa sagha ya na?

Markus 10:14

Ka nghə Yesu ta tsa skwi ta mag həŋ ya ná, zɗəgana a wu, ka kuzlanaftá tsi ta ŋuɗuf. « Zlaŋwa zla ta zwani kwitikw kwitikw ka sagha həŋ da iʼi, ma pyə kuni ta həŋ, kabga ŋa gwal ta gara vgha nda həŋ na ga mghama Lazglafta.

Markus 10:49

Ka sladata Yesu, kaʼa mantsa: « Hgagaghawa hga, » kaʼa. Ka hgaktá həŋ ta tsa ghulpa ta mndu ya. Ka həŋ nda tsi mantsa: « Ŋava ŋa ka sliʼafta ka, wya ta hga kagha, » ka həŋ.

Markus 9:19

Ka Yesu nda həŋ mantsa: « Ghwaɗaka mndəra mnduha kul haɗ zlghay nda ŋuɗuf da həŋ! Ŋa kulam yawu dzaʼa nzata yu ta vata kaghuni? Ŋa kulam yawu dzaʼa nzata yu ka suʼuwaghunata? Klagaɗighawa tsa zwaŋ ya, » kaʼa nda həŋ. Ka klədanaghatá lu.

Lukwa 8:25

« Nu ta kəl kuni ka zləŋ mantsa? Kulam ndana haɗ zlghay nda ŋuɗuf da kaghuni ɗekɗek katək ra? » kəʼa mbəɗavata təv duhwalha ni. Ka ksaftá zləŋ ta həŋ, ka ndraʼu həŋ. « Wa na mndu na katək na? Na dvanaghatani ta dər falak nda imi ná, gi ka snanata taŋ? » ka həŋ mataba taŋ.

Lukwa 9:40

Ka ndəɓu yu ta dzvu da duhwalha gha ma ŋa ghəzligiŋtá mida ná, triɗ trap tra həŋ, » kaʼa nda tsi.

Lukwa 9:42

Ta gavadaghatá tsa zwaŋ ya, ka slanatá tsa ghwaɗaka sulkum ya ta haɗik, ka ghudzay nda mbraku. Ka davanaghatá Yesu ta tsa ghwaɗaka sulkum ya, ka mbanaftá tsi ta tsa zwaŋ ya, ka vlaŋtá tsi ta tsa da ni ya.

Yuhwana 14:9

Ka Yesu nda tsi mantsa: « Nda kɗa fitika ɗa kawadaga nda kaghuni Filip ná, ta sna a ka ta iʼi ra? Ka nda ngha mndu ta iʼi ná, nda ngha ta Da. Waká ka dzaʼa mnay kazlay: Maraŋna mara ta Da kəʼa na?

Yuhwana 20:27

« Wya dzvuha ɗa ksaŋ ksa nda ndəfiŋa gha, wya ŋwazliɓa ɗa guli, ksaŋ ksa nda dzva gha, ka zlaŋta ka ta dga ghəŋ, ka zlghafta ka nda ŋuɗuf, » kaʼa nda Tuma.

Slna gwal ghunay 13:18

Ta klay ta vaku fwaɗ mbsak maga tsi ta suʼa nzaku nda həŋ ma mtak.

Slna gwal ghunay 2:40

Ndaɗaʼa sanlaha ma gwaɗaha manaŋ Piyer, ka vla hiɗaku nda mbraku ŋa taŋ wa. « Tsuʼafwatsuʼa ta mbaku ka sliʼapta kuni mataba gwal nda zaɗa, » kaʼa nda həŋ.

La Ruma 2:4

Lazglafta ná, dagala zɗaku da tsi, dagala ksa ŋuɗuf da tsi, ghudza a nda ghudza ta skwi wa. Ta gagə nda gaga kagha tama rki? Ari sna a wa kagha kazlay: Tsa zɗakwa Lazglafta ya ta tiŋwa kagha ŋa mbəɗanafta gha ta nzakwa gha kəʼa ka na?

Vrafta ta zlahu 32:5

Ama kaghuni, gana ga kuni ta dmaku ta Yawe, gwal nda ɓadza, nzəgla a kuni ka zwana ni wu, zivir kul ndan tɗukwa, gwal nda tərɗa nzakwa taŋ.

Hebru 3:19

Nda ngha mu ná, trap tra ta həŋ ta lami da tsa vla mbiʼa vgha payanaf lu ta həŋ ya, kabga kwalaghuta taŋ ta zlghafta.

Hebru 4:11

Tsaya tama ná, ŋavama ŋa ka lama mu da tsa vla mbiʼa vgha ya. Ɗasuwa ka mu da kwalaghutá mu ta snanatá gwaɗa Lazglafta, manda tsa ŋa dzidzíha mu ya.

Hebru 4:2

Guli ná, mnamamna lu ta *Lfiɗa Gwaɗa manda va ya mnana lu ta dzidzíha mu ghalya. Ama kataŋ a tsa gwaɗa mnana lu ta həŋ ya ɗekɗek wa. Manda snaŋta taŋ ta tsa gwaɗa ya, ka kwalaghutá həŋ ta zlghafta nda ŋuɗufa taŋ.

Hebru 7:25

Tsaya guli kəl tsi ka slaghuta ka mnda mbanafta ŋa kɗekedzeŋ ta inda gwal dzaʼa ɓhaku da Lazglafta nda ma tsatsi. Yesu ná, ŋa kɗekedzeŋ nzatá nzakwa ni ka maga duʼa da Lazglafta ta ghəŋa taŋ.