Lukwa 11:9 - Hdi

⁹ « Ka iʼi ta mnaghunata ná, ɗawawa ɗawa dzaʼa vlaghuna vla lu. Zbawa zba dzaʼa mutsay kuni, dzawa dza ta tgha ta gunaghunaguna lu.

Lukwa 11:9 ပူးပေါင်းရင်းမြစ်များ

Danyel 9:3

Ka zlraftá yu ta suma, ka favatá buhu ka buhwavatá hutiɗif, ka mbəɗavatá yu təv Mgham Lazglafta ka maga duʼa da tsi nda taw nda taw.

Mata 21:22

Inda skwi dzaʼa ɗawaŋta kuni nda zlghay nda ŋuɗuf nda ma maga duʼa ná, dzaʼa mutsay kuni, » kaʼa.

Mata 21:31

Wati mataba tsa zwani his ya, ta magata skwi ya kum da taŋ ná? » ka Yesu nda həŋ. « Tsa taŋtaŋa ya ya, » ka həŋ. Ka Yesu nda həŋ tama mantsa: « Kahwathwata ka yu ta mnaghunata ná, dzaʼa tiŋlaghu tiŋla gwal tska dzumna nda miʼa hliri ta lami da ga mghama Lazglafta ka kaghuni.

Mata 6:29

Kulam nda tsa, ka yu ta mnaghunata na: Dər Salumuŋ nda va tsa nzakwa ni ka gadghəl ya tani ná, ta fava a ta lgut ta klaftá ɗinakwa ya dər turtuk ma tsa vzlizlaha ya wa.

Markus 11:24

Tsaya ta kəl yu ka mnaghunata kazlay: Inda skwi dzaʼa kuni ɗawaŋta nda maga duʼa ná, fafwa fa ta ghəŋa ghuni tida manda skwi nda ghada mutsatani, dzaʼa nghay kuni ta magata tsa skwi ya.

Markus 13:37

Manda va na ta mnə yu ŋa ghuni na ná, mantsa ya ta mna yu ŋa inda mnduha kazlay: Hzleŋa ka kuni fata ghəŋ, » kaʼa.

Lukwa 11:10

Ka dər wa ta ɗawaŋta ta mutsay, ka dər wa ta zbaŋta ta slaf sla tida, ka dzaŋ dza mndu ta tgha, ta gunana guna lu.

Yuhwana 14:13

Mantsa tama, inda skwi dzaʼa kuni ɗawaŋta nda hga ɗa, dzaʼa magay yu, kada maraŋta Da ta glakwa ni nda ma zwaŋ.

Yuhwana 15:16

Kaghuni a ta zbaptá iʼi wu, iʼi ta zabaptá kaghuni, ka faghunaghatá slna ŋa magay, ŋa yafta ghuni, ŋa gɗavata tsa yakwa ghuni ya. Mantsa tama, dzaʼa vlaghuna vla Da ɗa ta inda skwi dzaʼa kuni ɗawaŋta nda hga ɗa.

Yuhwana 15:7

Ka gɗava gɗa ndiʼatá kaghuni ta iʼi, ka gɗava gɗa gwaɗa ɗa guli ma kaghuni katsi, ɗawawa ɗawa ta inda skwi ta kum kuni, dzaʼa mutsay kuni.

Yuhwana 4:10

Ka Yesu mantsa: « Ka má nda sna ka ta skwi ta kum Lazglafta ta vlaghata, nda mndu ya ta ɗawa imi ŋa say da kagha katsi ná, má kagha má dzaʼa ɗawa imi ŋa say, má ŋa vlaghatani ta imi ta vla hafu, » kaʼa nda tsi.

La Ruma 2:7

Ŋa gwal ta gɗata ta maga skwiha ɗina ɗina ŋa mutsa glaku nda sgit, nda hafu ŋa kɗekedzeŋ ya, dzaʼa vlaŋ vla Lazglafta ta nzaku nda hafu ŋa kɗekedzeŋ ta həŋ.

2Kwa 6:2

Ka Lazglafta nda mnduha ni na: « Ma fitika ni snaghata yu ta tawa gha. Ma fitik ŋa mbaghafta, katagha kata yu, » kaʼa. Wana tsa fitik ya tama ndanana, wana tsa fitika mbaku ya tama guli ndanana.

Hebru 11:6

Ka haɗ zlghay nda ŋuɗuf wu ná, haɗ fitik zɗəgana mndu ta Lazglafta wa. Mndu ta gavadaghata da Lazglafta ná, ɗina ka grafta ni kazlay: Mamu Lazglafta, ta magay ta skwi ɗina guli ŋa gwal ta zbay kəʼa.

Hebru 4:16

Ka si mantsa tsi tama, gavanamavagava nda fatá ghəŋ ta Lazglafta, tsatsi ta vla zɗakatahuɗi, ŋa tawata ni ta hiɗahiɗa ta amu, ŋa vlamata ni ta zɗakatahuɗa ni ŋa katamata ma fitik ya nda ra.

Yakubu 1:5

Ka mamu sana mndu mataba ghuni pɗugudunus ɗifil katsi, ka ɗawa tsi da Lazglafta, dzaʼa vlaŋ vla. Ta muvla Lazglafta nda inda mndu, ta vlay nda zɗaku.

Yakubu 5:15

Ka nda ŋuɗuf turtuk magata lu ta tsa duʼa ya katsi ná, dzaʼa mbanaf mba ta tsa mndu kul ɗughwanaku ya. Dzaʼa mbanaf mba Mgham ma tsa ɗaŋwa ni ya. Ka si mamu dmakuha maga tsi, dzaʼa plinis pla Lazglafta.

1 Yuhwana 3:22

Dər má nu ɗawaŋ mu da tsi ta vlama vla kabga ta snana sna mu ta zlaha ni, ta magana maga mu ta skwi ta zɗəganata.

Suna Yuhwana 2:24

« Ama pɗakwa kaghuni gwal zlghay nda ŋuɗuf ma luwa Tiyatir, kul snata tsa ghwaɗaka tagha skwi ya, kul taghaftá tsa skwi ta hgə həŋ kazlay: Ɗifatá skwa halaway kəʼa ya, haɗ sana skwa ndəgaku ta faghunaghata yu wa.