Lukwa 10:2 - Hdi

² Kaʼa nda həŋ mantsa: « Dagala skwiha ŋa tskay ta vwah, tsaw slaghwa a mnduha ŋa magay wa. Ndəɓawa dzvu da mnda vwah ka sganaghata tsi ta mnduha nda ndəgha ŋa tskanata.

Lukwa 10:2 ပူးပေါင်းရင်းမြစ်များ

1Mgh 18:22

Ka Iliya nda mnduha mantsa: « Iʼi turtukwa ɗa ta pɗaku ka anaba Yawe, ama fwaɗ dərmək nda hutaf mbsak (450) anabiha Baghal.

Mbsak 11:17

Hada dzaʼa laha yu, ŋa gwaɗgaghata ɗa. Dzaʼa klaʼa kla yu kiʼa ta sulkum ma kagha ka pghamta ma həŋ. Mantsa tama, ŋa klay taŋ kawadaga nda kagha ta ndəgakwa mnduha, kagha turtukwa gha a dzaʼa kləgəlta wa.

Mbsak 11:29

Ama ka Musa nda tsi mantsa: « Ta draku ka ŋa ɗa ra? Má ka nuna inda mnduha Yawe ka anabi, ka gwal fanam Yawe ta sulkum katək ɓa! » kaʼa.

Mata 20:1

« Wya skwi ŋa gray nda ga mghama Lazglafta. Ka tsavagaptá sana zəʼala həga ma həga ni, wrək sərɗək, da zba gwal ŋa ksanatá slna ma vwaha inaba ni.

Markus 13:34

Tsa skwi ya ná, dzaʼa nzakway manda zəʼala həga ta vrakta ta za wliwani. Ma sliʼa ni, ka zlaŋtá tsi ta həga ni ma dzva gwal ksanatá slna ni, daganafha ta slna taŋ ta həŋ. Ka ngha ka ta həga, kaʼa nda mnda ngha həga, ka nzata ka hzleŋa, kaʼa guli. Ka sliʼaftá tsi ka laghu.

Markus 16:15

Kaʼa nda həŋ tama mantsa: Lawa la ta ghəŋa haɗik tender, ka mna kuni ta *Lfiɗa Gwaɗa Lazglafta ŋa inda mnduha.

Markus 16:20

Hahəŋ guli, ka sliʼaftá həŋ ka laghu da mna tsa *Lfiɗa Gwaɗa Lazglafta ya ma inda vli. Ka katu Mgham Yesu ta həŋ ma mna tsa gwaɗa ya, ŋlanaghaha ta tsa gwaɗa ya ta həŋ nda ma magay taŋ ta mazəmzəm.]

Lukwa 9:1

Lagha *Yesu ka tskanatá duhwalha ni ghwaŋpəɗ his, ka vlaŋtá tsi ta həŋ ta mbrakwa mbranaghatá inda duhwala halaway, nda mbrakwa mbambanaftá ɗaŋwaha.

Slna gwal ghunay 11:19

Tsa ghuya ɗaŋwa ta slata makəɗ fitika dzatá Atiyen sagha ya, ta wutsanatá gwal zlghay nda ŋuɗuf. Ka sliʼaftá sanlaha ka laghu dikw da luwa Finisi, ta laghu sanlaha da Kiprus, ta laghu sanlaha da Aŋtakiya. Ka mnə həŋ ta gwaɗa Lazglafta ŋa la Yahuda ka zlaŋtá mnay ŋa sanlaha ma mnduha.

Slna gwal ghunay 13:2

Ma sana fitik, ka tskavatá həŋ ka maga duʼa nda sumay. « Hlapwa i Barnabas nda Sawul ya mataba ghuni, ŋa maga slna ya hgaŋ yu ta həŋ, » ka Sulkum nda ghuɓa, nda həŋ.

Slna gwal ghunay 13:4

Ka sliʼaftá i Barnabas nda Sawul, ghunafər Sulkum nda ghuɓa ta həŋ, ka laghu həŋ da luwa Selusi. Hada ŋlafta həŋ ta kwambalu, ka laghwi ta haɗika Kiprus, ta tsavata ma drəf.

Slna gwal ghunay 20:28

Nghawa ngha ta ghəŋa ghuni, nghawa ta inda bra ya vlaghuna Sulkum nda ghuɓa ŋa nghay guli. Nghawa ngha ta Igliza Lazglafta ya mutsanak tsi ta ghəŋa ni nda usa zwaŋa ni.

Slna gwal ghunay 22:21

“Sliʼaf sliʼa, la! Ta ghunə da vli diʼiŋ yu ta kagha da gwal kul nzakway ka la Yahuda,” » kaʼa.

Slna gwal ghunay 8:4

Tsa gwal ta gazlaghuta ya ná, ra luwa ŋa taŋ ta magay ka mna gwaɗa ta ghəŋa *Lfiɗa Gwaɗa.

1Kwa 12:28

Mataba guyatá ghəŋa gwal zlghay nda ŋuɗuf ná, taŋ gwal ghunay pgha Lazglafta, ka fiŋtá la anabi ka mahis, ka fiŋtá gwal tagha gwaɗa ni ka mahkən. Tahula tsa ka pghatá tsi ta gwal valaŋ lu ta mbrakwa maga mazəmzəm, nda gwal nda mbrakwa mbamba mnduha, nda gwal katá mnduha, nda gwal ta nghapta ka slna mnduha, nda gwal ta gwaɗa sanlaha ma gwaɗa.

1Kwa 15:10

Nda zɗakatahuɗa Lazglafta ná, nda nza yu manda va na nzakwa ɗa na. Nza a tsa zɗakatahuɗa ni ŋa ɗa ya ka skwi bətbət wa. Katək ná, mal iʼi ta magatá slna ka hahəŋ demdem. Nziya nza tsi, iʼi a ta magata wu, tsa zɗakatahuɗa Lazglafta ma iʼi ya ta magata.

2Kwa 6:1

Ndanana ná, ta ksa slna aŋni nda Lazglafta. Kdəkwa kdək ta ndəɓa dzvu ŋni ŋa ghuni, ma ganava kuni ta masfa ta zɗakatahuɗa Lazglafta ya zlghaf kuni.

Filip 2:21

Inda hamata sanlaha ná, skwi ta zɗəganatá ghəŋa taŋ yeya ta ndanu həŋ, haɗ həŋ ta ndana skwi ta zɗəganatá Yesu *Kristi wa.

Filip 2:25

Ɗina ka ghunadaghunapta ɗa ta zwaŋama ɗa Yufratis, gra ta ksa slna ɗa ta wud ŋni ta slna kawadaga nda tsi. Tsatsi mndu ya si ghunagap kuni nda skwi ŋa katihata.

Filip 2:30

Pərɗa ka mtuta ta ghəŋa slna Kristi, fa fa ta ghəŋa ni ŋa katá iʼi da manaka kaghuni.

Kwalus 1:29

Tsaya ta kəl yu ka wuda maga slna nda mbrakwa Kristi, ya ta maga slna nda mbraku ma iʼi ya.

Kwalus 4:12

Ta ga zgu Ipafras ta nzakway ka mnda ghuni ya, ŋa ghuni guli. Kwalva Yesu Kristi ya. Haɗ ta zlaŋtá maga duʼa da Lazglafta ta ghəŋa kaghuni wa. Ta magay ta duʼa ŋa dihavata ghuni, ŋa sifaghunafta ta tva Lazglafta.

1Tes 2:9

Zwana ma ɗa, ta havak hava kuni ta datá vgha ŋni ka maga slna da kaghuni. Si ta ksay ŋni ta slna nda rviɗik tani, nda fitik tani, kada kwala ŋni da ghuyanaptá ɗaŋwa ta dər wati mataba ghuni, nda skwi ŋa zay ŋni ta mnə ŋni ta Lfiɗa Gwaɗa ta sagha da Lazglafta ŋa ghuni.

1Tes 5:12

Zwana ma ɗa, ta ndəɓa dzvu yu da kaghuni, vlawa glaku ŋa gwal ta ksa slna Lazglafta mataba ghuni, gwal zbap Lazglafta ka fata ta ghəŋa kaghuni ŋa taghaghunaftá tva ni ya.

2Tes 3:1

Skwi ya ta pɗaku tama zwana ma ɗa, magawa duʼa ta ghəŋa aŋni, kada dzaʼa gwaɗa Mgham *Yesu ta kəma ta kəma misimmisim, nda ya ŋa ghubaray mnduha manda ya ta magaku da kaghuni ya.

1Tim 4:10

Ta ghəŋa tsaya ta kəl mu ka dzatá vgha ka ŋavata ka maga slna, kabga nda fa ghəŋa mu ta Lazglafta ya nda hafu mida. Tsatsi ta nzakway ka mnda mba inda mndu, katkatatani gwal zlghay nda ŋuɗuf.

2Tim 4:5

Ama kagha ya, gɗava gɗa gha ma ghunislaka gha, suʼa ta ghuya ɗaŋwa, magatá kahwathwata slna mndu ta mna *Lfiɗa Gwaɗa. Kɗanafkɗa ta slna nzakwa gha ka mnda maganatá slna ta Lazglafta.

Filimuŋ 1:1

Iʼi Pwal Tsam lu ma gamak ta ghəŋa vəl maganata ɗa ta slna ta *Yesu Kristi, kawadaga nda zwaŋama mu Timute ŋni ta vindaghafta, a gra Filimuŋ ta nzakway ta gwa ghəŋ nda aŋni ma mndərga na slna na.

Hebru 3:6

*Kristi ná, zwaŋ ta nzanaghata ta ghəŋa həga ya. Amu tsa həga ni ya, ka gɗanagɗa mu ta ŋanatá zlghay nda ŋuɗufa mu, ka ghərɓay mu ta ghərɓaku ma fatá ghəŋa mu.

Suna Yuhwana 2:1

« Vinda ŋa duhwala Lazglafta ta nzakway ka ŋa *Igliz ma luwa Afisus: « Wya skwi ya mna mndu ya ta ŋanata tekwatsaha ndəfáŋ ma dzva zeghwa ni, ta mbaɗa mataba pitirlaha dasu ndəfáŋ. Kaʼa mantsa: