Kwalus 4:3 - Hdi

³ Magawa duʼa guli ta ghəŋa aŋni, kada gunaŋnaŋta Lazglafta ta wa tgha ŋa mnanaŋta gwaɗa ni ta mnduha, mnanaŋha ŋni ta ɗifatá skwa *Kristi guli ta həŋ. Tsa vəl magay ɗa ta ɗifatá skwa Kristi ya kəl lu ka hbamtá iʼi.

Kwalus 4:3 ပူးပေါင်းရင်းမြစ်များ

Mata 13:11

Ka *Yesu nda həŋ mantsa: « Kaghuni ná, vlaghuna vla lu ta snaŋtá vərɗa ɗifatá ga mghama Lazglafta, ama vlaŋ a lu ta hahəŋ wa.

Slna gwal ghunay 14:27

Manda ɓhadaghata taŋ, ka tskanatá həŋ ta *Igliz, ka rusu həŋ ŋa taŋ ta inda skwi ya mag Lazglafta nda həŋ, nda ya kəʼa guninistá tva zlghay nda ŋuɗuf ta gwal kul nzakway ka la *Yahuda guli.

La Ruma 16:25

Ŋa Lazglafta glaku! Laviŋ lava ta dihaghunata manda va ya ta mnə *Lfiɗa Gwaɗa, ya ta mnə yu ta ghəŋa *Yesu *Kristi ya. Tsa Lfiɗa Gwaɗa ya ná, skwi si nda ɗifa ya daga ghalya, zlagigiŋ lu.

1Kwa 16:9

kabga guniha guna Lazglafta ta wa tgha buwaŋ ŋa magatá ŋərma slna, aŋ mndani nda ndəgha ghumaha ta lmu nda iʼi.

1Kwa 4:1

Mantsa tama, nghawa aŋni ka gwal ksanatá slna ta *Kristi. Nghawa aŋni guli ka gwal fanam Lazglafta ta ɗifatá skwa ni ma dzvu.

2Kwa 2:12

Sliʼaf sliʼa yu ka laghu da luwa Truwas da mna *Lfiɗa Gwaɗa ta ghəŋa *Yesu *Kristi. Manda ɓhadaghata ɗa, kəʼa ka yu ná, məɗ taɗipta Mgham Yesu ta tvi ɗina ɗina ŋa mna gwaɗa hada.

Afisus 3:1

Tsaya kəl iʼi Pwal hbam lu ma gamak ka maga duʼa ta ghəŋa kaghuni. Hbam hba lu ta iʼi ta ghəŋa vəl maganata ɗa ta slna ta *Yesu *Kristi ŋa kata kaghuni gwal kul nzakway ka la *Yahuda ya.

Afisus 3:3

Tsatsi ta guniɗiŋtá ghunislaka ɗa, kəl yu ka snaŋtá ɗifatá skwa ni manda ya vindaghunaf yu neɗ ya kay.

Afisus 3:4

Ka dzaŋafdzaŋa kuni katsi ná, dzaʼa nda sna kuni kazlay: Nda sna yu ta ɗifatá skwa Lazglafta ta nzakway ka Kristi kəʼa.

Afisus 3:9

Ka zɗəɗiŋtá Lazglafta ta huɗi guli ŋa tsislanapta ɗa ta inda mndu, ká Lazglafta fata daga manda ghalya ta tsa ɗifatá skwi dzaʼa tsi magay ya. Zlaganap zlaga Lazglafta ta inda skwiha. Si nda ɗifa da Lazglafta ta wa ira mnduha daga ghalya. Ndana tama, ka kligiŋtá tsi ta daɓi.

Afisus 4:1

Ta ghəŋa tsaya tama ta kəl iʼi tsam lu ma gamak ta ghəŋa vəl maganata ɗa ta slna ta Mgham *Yesu *Kristi, ka ndəɓa dzvu da kaghuni kazlay: Nzawa nza ta nzaku tɗukwa manda ya ta raŋtá mnduha Lazglafta, kabga hgaghuna hga Lazglafta ŋa nzaku ka ŋa ni kəʼa ya.

Filip 1:19

Nda sna iʼi kazlay: Dzaʼa mbaku yu ma tsa ghuya ɗaŋwaha ya, kabga duʼa ghuni. Ta katay Sulkum nda ghuɓa ma Yesu Kristi ya ta iʼi guli kəʼa.

Filip 1:7

Tsa ndanu ta ndanu yu ta ghəŋa ghuni ya ná, tɗukwa nzakwa ni, graf gra yu, kabga laghu la kuni da ŋuɗufa ɗa. Kaghuni demdem kawadaga kuni nda iʼi. Nda guya mu ma zɗakatahuɗa Lazglafta, ma na nzakwa ɗa ma gamak ná, nda ya ma ŋavata ta ŋavata yu ka mnigiŋtá gwaɗa Lazglafta kahwathwata ka dihavata ka zlərɗatá *Lfiɗa Gwaɗa.

Kwalus 1:26

Tsa gwaɗa ya ná, ɗifatá gwaɗa ya ta ɗifaghuta daga manda ghalya ya. Ndanana tama, ka zlaganaptá Lazglafta ta mnduha ni.

Kwalus 4:18

Nda dzva ɗa vindaghunafta yu kazlay: Ta ga zgu iʼi Pwal ŋa ghuni kəʼa. Havapwa hava ta hbatá iʼi ma gamak. Ka nza zɗakatahuɗi nda kaghuni!

1Tes 5:25

Zwana ma ɗa, ndəɓawa dzvu ta ghəŋa aŋni.

2Tim 1:16

Ka maranaŋ mara Lazglafta ta tawa hiɗahiɗa ni ta ghəŋa həga ga Unesifura, kabga si ta gɗa gɗa ta ksiɗimtá ŋuɗuf. Ksaf a na tsatá iʼi ma gamak na ka hula wa.

2Tim 2:9

Ta ghəŋa tsa Lfiɗa Gwaɗa ya ta ghuya yu ta ɗaŋwaha ka tsamtá iʼi ma gamak manda mndu ta magatá ghwaɗaka skwi. Ama dər má mantsa tsi, hbam a lu ta gwaɗa Lazglafta wa.

2Tim 4:2

mna ta gwaɗa Lazglafta, ka gɗata ka ta vrafta tida, dər ma fitika ni tsi, dər ma fitika ni a tsi wu. Zlaha ta gwal ta maga ghwaɗaka skwi, dva ta həŋ, vla ta mbraku ŋa taŋ, hbatá ŋuɗuf ka tagha ka ta skwi ŋa taŋ,

Filimuŋ 1:22

Mantsa, ta ɗaway yu ta payiɗifta gha ta dzuguvi guli. Ta grafta yu ná, dzaʼa tsuʼaf tsuʼa Lazglafta ta duʼa ghuni ŋa vlihatani ta tvi ŋa ɓhadaghata ɗa da kaghuni.