Kwalus 3:5 - Hdi

⁵ Zaɗanawa zaɗa ta ŋa ghəŋa haɗik ma kaghuni ta nzakway ka: Sliʼiŋ sliʼiŋ, ghurduɓaku, hliri, haraʼutiri, tsagana, ka guram tsa tsagana ya nda wya skwi.

Kwalus 3:5 ပူးပေါင်းရင်းမြစ်များ

Sabi 37:22

Tsa mazalha ni nda zligamaha ni ya ná, ka skwa turtuk nda tsi nzakwa taŋ. Inda ni ná, nda guduma taɗagapta lu ta həŋ ka dasu ghenen.

Mata 15:19

Tazlay ná, ma ŋuɗufa mndu ta sliʼagapta ghwaɗaka ndanuha manda: Psla mndu, hliri, sliʼiŋsliʼiŋ, ghali, tsanavata gwaɗa ta mndu, vza rutsak ta mndu.

La Ruma 1:26

Tsaya kəl Lazglafta ka zliŋtá həŋ ŋa maga skwa hula. Zlaŋ zla miʼaha ta guya vgha nda zgwana, ka laghu da guya vgha nda miʼaha manda hahəŋ, skwi ya kul raku magay kadzeŋkadzeŋ.

La Ruma 1:29

Ndəghundəgha ghwaɗaka skwiha kavghakavgha ta mag həŋ: Ta ŋaslu həŋ, ta tsagana həŋ, ta sidi həŋ, ta draku həŋ, ta psla mndu həŋ, ta zlərɗa wi həŋ, ta tsaghutá mndu həŋ, ka matsaŋwaslay həŋ, ta tsa mndəra mndu həŋ,

La Ruma 6:13

Ma zlanaŋ kuni ta dmaku ta fawayha ghuni ŋa maga dmaku. Katək ná, vlaŋwa vla ta ghəŋa ghuni ta Lazglafta, kabga nda nza kuni ka gwal nda hafu ta sliʼagapta ma mtaku. Zlanaŋwa fawayha ghuni ta Lazglafta, ka maga tsi ta skwiha ya tɗukwa nda həŋ.

La Ruma 6:6

Ɗina ka snaŋta mu kazlay: Tsa nzaku si ta nzaku mu ghalya ya ná, zləŋaf zləŋa lu ta udza zləŋay kawadaga nda Kristi kəʼa, kabga ŋa zaɗanatá tsa mbrakwa dmaku ma vgha mu ya. Yaha mu kɗaŋtá nzaku ka vuʼa dmaku ka lu, kəl lu ka magata manda tsaya.

La Ruma 7:23

Ama ma vgha ɗa, ta tapaf tapa yu ta sana ghwaɗaka skwi ta lmu nda vərɗa skwi ɗina ya ta ndanu yu. Tsa ghwaɗaka skwi ma iʼi ya, ta na iʼi ka vuʼa dmaku.

La Ruma 7:5

Ghalya, ma fitika nzakwa mu ta maga skwi ta kum maya mu ná, dmaku tsa skwi ya ka zlahu ta mnay ŋa mu. Na tsa snaŋta mu mantsa ya, ka mamaftá mu ta maga tsa skwi lmaf lu ya. Ka ksə tsa ghwaɗaka skwiha ya ta slna ma amu, ka kla amu da mtaku.

La Ruma 8:13

Ka manda ya ta zɗəganatá sluʼuvgha ka kuni nzaku katsi ná, dzaʼa mtaku kuni. Ala, ka zlanaŋ zla kuni ta ghəŋa ghuni ta Sulkum ka dzata tsi ta skwiha ta zɗəganatá sluʼuvgha ghuni katsi, dzaʼa nzakway kuni nda hafu.

1Kwa 5:1

Ka lu ta mnay ta snə yu ma luwa ná, mamu hliri mataba ghuni. Dər gwal kul snaŋtá Lazglafta ná, haɗ həŋ ta nzaku manda tsaya wa. Ta hani sana mndu nda markwa da ni, ka lu.

1Kwa 6:11

Manda tsaya si nzatá nzakwa sanlaha mataba ghuni ghalya. Ndana tama, Sulkuma Lazglafta mu ta ghuɓaghunata, ka nzatá kuni hezleʼ, ka naghunafta ka ŋərma mndu kabga zlghafta ghuni ta Mghama mu *Yesu *Kristi.

1Kwa 6:13

« Skwa zay ná, ŋa huɗi a ra? Huɗi guli ná, ŋa skwa zay a ra? » ka kuni ta mnay guli. Tsaw nda skwa zay tani, nda huɗi tani, dzaʼa ɓadziŋ ɓadza Lazglafta ta həŋ his his. Sluʼuvgha ná, magaf a Lazglafta ŋa maga sliʼiŋsliʼiŋ nda tsi wa. Nda nza sluʼuvgha ŋa Mgham *Yesu, ta nzata Mgham Yesu ka ŋa sluʼuvgha.

1Kwa 6:18

Tsaya tama, zlaŋwa sliʼiŋsliʼiŋ. Hamata dmakuha ta mag lu ná, ta ɓla vgha ta magaʼata lu. Mndu ta fatá sliʼiŋsliʼiŋ ka slna ni, ŋa vərɗa sluʼuvgha ni ta ga tsi ta dmaku.

2Kwa 12:21

Sana skwi ta zləŋ yu ma tsa lab dzaʼa lab yu da kaghuni ya guli ná, duŋwa yu da nzata ma hula ta kaghuni, ta kəma Lazglafta ɗa ná, ka yu. Zləŋa ɗa ná, da slanaghatá yu ta gwal ta maga dmaku manda va ya snu həŋ ta kwalaghutá paya tva taŋ ta ghəŋa hliri ta hlə həŋ, nda maga sliʼiŋsliʼiŋ ta mag həŋ, nda sanlaha ma mndərga tsa ghwaɗaka skwiha ya.

Galat 5:24

Gwal ta nzakway ka ŋa *Yesu *Kristi ná, dza dza hahəŋ ta udza zləŋay ta skwiha ta kum sluʼuvgha, nda ghwaɗaka skwiha kavghakavgha ta mamə həŋ.

Afisus 4:19

Ksa a hula ta həŋ dər kinawu magata həŋ ta ghwaɗaka skwi wa. Skwi ta kum sluʼuvgha ta magay fa hahəŋ ta ghəŋa taŋ ŋa magay. Sliʼiŋ sliʼiŋ yeya ŋa taŋ ta magay, zla a həŋ guli wa.

Kwalus 2:11

Ma tsatsi mutsafta kaghuni ta tsatá fafaɗ. Nda dzva mnda səla a tsata lu wu, Kristi ka ghəŋa ni ta tsata. Nda nza tsa tsatá fafaɗ ya, manda kliŋta dmaku ta ga mgham ta ghəŋa ghuni ya.

1Tes 4:3

Skwi ya kum Lazglafta ná, nzata ghuni hezleʼ a ta kəma ni kul haɗ hliri.

1Tes 4:5

ŋa ghudzaku tida manda ŋa gwal kul snaŋta Lazglafta ya a guli wa.

1Tim 6:10

Ɗvutá tsedi ná, ta klak kla ta slrəŋa inda ghwaɗaka skwi. Ma tsa ɗvuta taŋ ta tsedi ya, ka zlanavatá həŋ ta zlghay nda ŋuɗufa taŋ, ka garaɓ tsi ta həŋ katakata.

Hebru 12:16

Ɗasuwa ka kuni, yaha gwal ta hliri nzakway mataba ghuni. Yaha mndu dər turtuk mataba ghuni da vziŋtá skwi ta nzakway ka ŋa Lazglafta, manda Ghesav ta skwaptá mamali mala ni nda skwa zay kweŋkweŋ ya.

Hebru 13:4

Inda kaghuni demdem, vlaŋwa vla ta sgit ta kluvtá vgha, yaha marakw dər zəʼal da hliri, kabga dzaʼa tsay Lazglafta ta guma ta ghəŋa gwal ta maga sliʼiŋsliʼiŋ, nda gwal ta hliri tani.

Hebru 13:5

Yaha tsedi da tɗaghatá kaghuni. Rfawa rfa ta rfu ta ghəŋa kuraghuta ya da kaghuni, kabga ka Lazglafta na: « Haɗ yu dzaʼa zlaghata wu, haɗ yu dzaʼa walaŋtá vzighista wu, » kaʼa.

Yakubu 4:1

Nu ta klaktá lmu nda zlərɗa wi mataba ghuni na? Vəl haraʼuwa skwiha kavghakavgha, ta za vgha ma vgha ghuni ya.

1 Piyer 2:11

Zwana ma ɗa gwal ta ɗvu yu nda ŋuɗufa ɗa, ɗina ka snaŋta ghuni kazlay, manda mayəm nzakwa ghuni, gɗavata a kuni ma na ghəŋa haɗik na wu kəʼa. Tsaya ta kəl yu ka vla mbraku ŋa ghuni, ka wara kuni ta skwi ya ta haraʼuwa kaghuni. Ya hafa ghuni ta zbə tsa skwiha ya.

Suna Yuhwana 21:8

Ama gwal ta yaɗi, nda gwal ta mbrəs, nda gwal ta maga manzakɗaway skwiha, nda gwal ta pslatá mndu, nda gwal ta maga sliʼiŋsliʼiŋ, nda gwal ta mbaɗaku, nda gwal ta wuya skwi, nda inda gwal ta tsakalawi ya, da duda vu ghandand dzaʼa pghaghata lu ta həŋ. Tsaya ta nzakway ka mahisa mtaku, » kaʼa.

Suna Yuhwana 22:15

Ama gwal ta nzakway ta magaku manda kriha, nda gwal ta mbəɗaku, nda gwal ta maga sliʼiŋsliʼiŋ, nda gwal ta pslatá mndu, nda gwal wya skwi, nda inda gwal zɗəgana tsakalawi, ta tsakalay həŋ guli ya, mabli dzaʼa zlanata lu ta tsaha ya.